சாய்ந்தமருதினைச் சேர்ந்த ஊர்த் துரோகிகள்தான் மேயர் பதவியை பறிக்க முயற்சி செய்கின்றார்கள்; மா.ந.சபை உறுப்பினர் ஏ.அமீர்

கல்முனை;
சாய்ந்தமருதின் அரசியல் தலைமைத்துவம் 2013.10.31ஆந் திகதியுடன் முடிவடைந்து விடப்போகின்றதா என்ற ஏக்கத்தில் நீங்கள் எல்லோரும் இருந்து கொண்டிருக்கின்றீர்கள். ஆனால், இந்த மண்ணுக்குரிய மேயர் பதவியை பறித்துக் கொடுப்பதற்கு இந்த ஊரைச் சேர்ந்த சில துரோகிகள்தான் காரணமாக இருந்து கொண்டிருக்கின்றார்கள் என்பதனை நீங்கள் புரிந்து கொள்ள வேண்டும்.
இவ்வாறு, கல்முனை மாநகர சபையின் உறுப்பினர் ஏ.அமீர் (மு.கா) சாய்ந்தமருது லீ மெரிடியன் மண்டபத்தில் கல்முனை மேயர் பதவி பற்றி எழுந்துள்ள சர்ச்சை தொடர்பில் நடைபெற்ற கூட்டத்தில் உரையாற்றும் போது தெரிவித்தார்.

கல்முனை மேயர் சிராஸ் மீராசாஹிவு தலைமையில் நடைபெற்ற இக்கூட்டத்தில் அவர் தொடர்ந்து பேசுகையில்;: கட்சியின் கொள்கைக்கு கட்டுப்பட்டு பேச வேண்டியும் உள்ளேன். சிராஸ் ஏதாவது ஒரு பிழை செய்திருந்தால் கூறுங்கள் என்றேன். அவர் ஒழுங்காக செயற்பட்டுக் கொண்டிருக்கின்றார்.

மாகாண சபைத் தேர்தலில் நான் போட்டியிட்ட போது சாய்ந்தமருது மக்களிடம் வாக்கு கேட்டேன். ஆனால், நீங்கள் மறுத்த விட்டீர்கள். அதற்காக, சாய்ந்தமருது மக்கள் தண்டிக்கப்பட வேண்டுமென்று நான் கூறவில்லை. எனக்கு அல்லாஹ் நாடவில்லை.

கட்சியின் பிரதி தலைவர் மற்றும் சிரேஸ்ட உறுப்பினர்கள் இருக்கின்ற போது, அல்லாஹ் மேயர் பதவியை சிராஸிற்கு எழுதி வைத்துள்ளான். ஆனாலும், இந்த கிராமத்தைச் சேர்ந்த உறுப்பினர் ஒருவர் மேயர் பதவியை அவருக்கு கொடுங்கள் என்று சொன்னார். இதன் போது. பிர்தௌஸ் உனக்கு என்ன அரசியல் தெரியும், நீ இந்த ஊரைக் காட்டிக் கொடுக்கக் கூடாதென்று ஆக்ரோசமாக பாராளுமன்ற கட்டிடத் தொகுதயில் வைத்து தெரிவித்தார். இதே போன்று நிஸார்தீனும் பேசினார். இதன் போது, தான் அந்தக் (கல்முனை) கிராமத்தில் திருமணம் செய்திருப்பதாகக் கூறினார். ஆத்தோடு. தலைவர் அடுத்த கட்ட பேச்சை முன் எடுப்பதற்கு ஏதுவான சந்தர்ப்பத்தை அவர் ஏற்படுத்திக் கொடுத்தார்.

இன்று கல்முனை மாநகரத்தைப் பற்றி சர்வதேசம் வரை சிறப்பாகக் கூறப்படுகின்றன. ஆனால், இதற்கு முதல் கல்முனை மாநகர சபையில் சிறந்த நிர்வாகம் இருப்பதாக எவரும் கூறவில்லை. வெளிப்படைத்த தன்மையுடன் எல்லாம் நடைபெற்றுக் கொண்டிருக்கின்றது.

நீங்கள் நிதானமாக செயற்பட வேண்டும். நீங்கள் எடுக்கும் முடிவுகள் சாய்ந்தமருது பிரதேசத்தின் அரசியல் தலைமைத்துவத்திற்கு விபரீதங்களை ஏற்படுத்தி விடக்கூடாது. மற்றக் கிராமங்களுக்கு கொடுக்கலாமென்றால் ஏன் எங்களுக்கு தர முடியாதென்று எங்களின் உரிமைகளை யாரும் கேட்கக் கூடாது. கட்சியின் தலைமைத்துவத்தின் கருத்துக்களுக்கு நாங்கள் மதிப்பளிக்க வேண்டும்.

நாங்கள் கல்முனை மாநகர சபையை புதிதாக பாரம் எடுத்த போது, ஏறக்குறைய 18 இலட்சம் கடனில் இருந்தது. நிர்வாகத் திறனும், மொழித் திறனும் கொண்ட மேயராக இவர் இருக்கின்றார்.

4:25 PM