பொதுநலவாய மாநாட்டுக்கு விசேட உத்தியோகபூர்வ கடமைக்கு வந்து பம்பலப்பிட்டி இந்துக் கல்லூரியில் தங்கியிருந்த 9 பொலிஸ் உத்தியோகத்தர்கள் இரவில் வழங்கப்பட்ட உணவுப் பொதிகளை மதுபோதையில் நிலத்தில் வீசி எறிந்து அதன் மீது சிறுநீர் கழித்தது தொடர்பாக ஒழுக்காற்று நடவடிக்கை மேற்கொள்ளவுள்ளதாக பொலிஸ் தலை மையக வட்டாரங்கள் தெரிவித்தன.
இந்துக் கல்லூரியில் இரவில் தங்கிய வர்கள் நுவரெலியா மாவட்டத்திலிருந்து மாநாட்டு கடமைகளுக்காக வந்த பொலிஸ் உத்தியோகத்தர்களாவர். இவர்களில் மத்துரட்ட பொலிஸ் நிலையத்தைச் சேர்ந்த இரண்டு சார்ஜன்ட்டுகளும் 7 பொலிஸ் கான்ஸ்டபிள்களுமே இவ்வாறு நடந்து கொண்டுள்ளனர்.
இவர்கள் அளவுக்கதிகமான மதுபோதையில் அவர்களுக்கு வழங்கப்பட்ட சோற்றுப் பார்சல்களை தூக்கியெறிந்து அதன் மீது சிறுநீர் கழித்து அதை மேல்மாடியிலிருந்து தூக்கி எறிந்ததாக பொலிஸ் தலைமையகப் பேச்சாளர் தெரிவித்தார். இவ்வாறு தூக்கி எறியப்பட்ட பார்சல்கள் கீழே நிறுத்தி வைக்கப்பட்ட பொலிஸ் வாகனங்கள் மீது விழுந்து சிதறியதாகவும் தெரியவந்துள்ளது.இந்துக் கல்லூரியில் இரவில் தங்கிய வர்கள் நுவரெலியா மாவட்டத்திலிருந்து மாநாட்டு கடமைகளுக்காக வந்த பொலிஸ் உத்தியோகத்தர்களாவர். இவர்களில் மத்துரட்ட பொலிஸ் நிலையத்தைச் சேர்ந்த இரண்டு சார்ஜன்ட்டுகளும் 7 பொலிஸ் கான்ஸ்டபிள்களுமே இவ்வாறு நடந்து கொண்டுள்ளனர்.
இவ்வாறு மதுபோதையில் ஒழுங்கீனமாக நடந்து கொண்ட இந்த 9 பொலிஸ் உத்தியோகத்தர்களையும் வைத்திய சோதனைகளுக்காக பொலிஸ் வைத்தியசாலையிலேயே சேர்க்கப்பட்டன. அவர்கள் மதுபோதையிலிருந்தது உறுதி செய்யப்பட்டுள்ளது.
அதன் பின்னர் இவர்கள் பொலிஸ் சேவையிலிருந்து இடை நிறுத்தப்பட்டுள்ளனர். இவர்கள் மீது விசாரணைகள் நடைபெற்று வருகின்றன.
0 comments:
Post a Comment