எஸ்.றிபான் -
மு.காவின் வரலாற்றில் கட்சியின் கொள்கைக்கு மாற்றமாகச் செயற்பட்டவர்களையும், குழி பறிப்புக்களைச் செய்தவர்களையும், தலைமைத்துவக் கட்டுப்பாட்டை மீறிச் செயற்பட்டவர்களையும் பதவிகளுக்காக சோரம் போனவர்களையும் நிறையவே காணலாம். இவர்களினால் மு.காவின் வளர்ச்சிப் போக்கில் தளம்பல்கள் ஏற்பட்டதனையும் காணலாம்.
மு.காவின் வரலாற்றில் கட்சியின் கொள்கைக்கும், தலைமைத்துவத்திற்கும் கட்டுப்படாது கொடுத்த வாக்குறுதியை நிறைவேற்றிக் காட்டாது செயற்பட்டவர்களின் பட்டியலில் ஹிஸ்புல்லா முதலாவது நபராக இடம் பெற்றுள்ளார். அவர் 1989 ஆம் ஆண்டு மு.கா எதிர் கொண்ட முதலாவது பொதுத் தேர்தலில் மடட்டக்களப்பு மாவட்டத்தில் வெற்றி பெற்றார். இதன் போது கட்சியின் வளர்ச்சியையும், மட்டக்களப்பு மாவட்ட முஸ்லிம்களின் ஒற்றுமையையும் கருத்தில் கொண்டு கட்சியின் தலைவர் அஸ்ரப் முதல் இரண்டு வருடங்களுக்கு ஹிஸ்புல்லாவும், அடுத்த இரண்டு வருடங்களுக்கு ஓட்டமாவடியைச் சேர்ந்த முகைதீன் அப்துல் காதரும், அடுத்த இரண்டு வருடங்களுக்கு ஏறாவூரைச் சேர்ந்த சட்டத்;தரணி பஸீரும் பாராளுமன்ற செல்ல வேண்டுமென்று கனவான் ஒப்பந்ததொன்றினைச் செய்தார். ஆனால், இரண்டு வருடங்களின் பின்னர், ஹிஸ்புல்லா பாராளுமன்ற பதவியை இராஜினாமாச் செய்ய மறுத்து விட்டார். இதனைத் தொடர்ந்து முகைதீன் அப்துல் காதர் ஐ.தே.கவில் இணைந்து ஓட்டமாவடிப் பிரதேச சபையை ஐ.தே.க வெற்றி பெறச் செய்தார். ஏறாவூரும் மு.கா தங்களுக்கு துரேகம் இழைத்து விட்டதாக பிரகடனம் செய்தது.
1988ஆம் ஆண்டு ஜனாதிபதித் தேர்தலில் கட்சியின் முடிவில் முரண்பட்டுக் கொண்டு மேல் மாகாண சபை உறுப்பினராக இருந்த உஸ்மான், சுகைப் அப்துல் காதர் ஆகியோர்கள் கட்சியிலிருந்து விலகிச் சென்றார்கள்.
இதே போன்று மு.காவின் செயலாளராக இருந்த சேகுஇஸ்ஸதீன் முரண்பட்டுக் கொண்டார். அவர் கட்சியில் இருந்து தூரமானார்.
1993ஆம் ஆண்டு மு.கா எதிர் வரும் (1994) ஜனாதிபதித் தேர்தலில் சந்திரிகாவை ஆதரிக்க முடிவு செய்த போது, அதில் முரண்பட்டுக் கொண்டு அப்துல் றஸூல், அப்துல் மஜீட் ஆலிம் (மேல் மாகாண சபை உறுப்பினராக இருந்தார்) ஆகியோர்கள் கட்சியின் முடிவுக்கு கட்டுப்படாது விலகிச் சென்றார்கள்.
1999ஆம் ஆண்டு மு.காவின் தலைவர் அஸ்ரப் கட்சியின் வளர்ச்சியை கருத்திற் கொண்டு பராளுமன்றத்தில் ஐந்து வருடங்கள் இருந்த பாராளுமன்ற உறுப்பினர்களான எம்.எம்.சுகைர்(தேசிய பட்டடியல்), சுந்தர மூர்த்தி அபூவக்கர் ஆகியோர்களை தமது பாராளுமன்ற உறுப்பினர் பதவியை இராஜினாமாச் செய்யுமாறு கேட்டுக் கொண்டார். ஆனால், இவர்கள் இருவரும் இராஸினாமாச் செய்ய முன் வரவில்லை. அக்கரைப்பற்றில் சேகு இஸ்ஸதீனின் ஆதிக்கத்திற்கு முற்றுப் புள்ளி வைப்பதற்காக சுகைரிடமும், வன்னி கட்சியின் மூத்த போராளி ஒருவரை கண்ணிப்படுத்துவதற்காக சந்தர மூர்த்தி அபூவக்கரிடமும்; இவ்வேண்டுகோளை விடுத்தார். இதனைத் தொடர்ந்து தேசிய பட்டியலில் பாராளுமன்ற சென்ற அசிதபெரேரா பாராளுமன்ற உறுப்பினர் பதவியை இராஜினாமாச் செய்தார். இதனைத்யடுத்து அதாவுல்லா பாராளுமன்றத்திற்கு சென்றார்.
மு.காவின் தலைவர் அஸ்ரப் திடீரென்று மரணித்ததன் பின்னர், மு.கா 11 ஆசனங்களைப் பெற்றுக் கொண்டது. இணைத் தலைவர்களுள் ஒருவராக இருந்த ரவூப் ஹக்கிம் அரசாங்கத்திற்கு ஆதரவு அளிப்பதற்கு நிபந்தனைகளை விதித்தார். இதனை விரும்பாத சந்திரிகா குமாரதுங்க, பேரியல் அஸ்ரப்புடன் தொடர்புகளை ஏற்படுத்திக் கொண்டார். பேரியல் அஸ்ரப் அரசாங்கத்திற்கு நிபந்தனையற்ற ஆதரவை வழங்கப் போவதாக அறிவித்தார்.
இதனால், கட்சி மிகவும் பலவீனப்பட்டுக் கொண்டது. கட்சி இரண்டாக உடைந்தது. இதன் போது அதாவுல்லா ரவூப் ஹக்கிமுடன் இணைந்து செயற்பட்டார் என்பதனையும் நினைவுபடுத்த விரும்புகின்றோம்.
2002ஆம் ஆண்டு மு.காவின் தலைவர் ரவூப் ஹக்கிம் மற்றும் ஹஸன்அலி ஆகியோர்கள் வெளிநாட்டில் இனப்பிரச்சினை தொடர்பான பேச்சுவார்த்தை ஒன்றிக்காக சென்றிருந்த சமயம் கட்சியின் தலைமைத்துவத்தை கைப்பற்றிக் கொள்வதற்காக அதாவுல்லா தலைமையில் தேசிய பட்டியல் பாராளுமன்ற உறுப்பினர் செயலாளர் டாக்டர் ஹப்ரத் திட்டமிட்டு, உயர்பீட உறுப்பினர்களை கட்சியின் தலைமையகத்திற்கு அழைத்து திட்டமிட்ட போது முழக்கம் மஜீத் போன்ற ஒரு சில மூத்த உறுப்பினர்களினால் ரவூப் ஹக்கிமின் தலைமைத்துவம் பாதுகாக்கப்பட்டது.
இதனைத் தொடாந்து ஏற்பட்ட முரண்பாடுகளை அடுத்து அதாவுல்லாவின் தலைமையில் சுமார் 10இற்கும் மேற்பட்ட முக்கிய உறுப்பினர்கள் மு.காவினை விட்டுப் பிரிந்து சென்றார்கள்.
மேலும், இதே காலப் பகுதியில் வட, கிழக்கு பாராளுமன்ற ஒன்றியத்தினை ஹரிஸ், அன்வர் இஸ்மாயில், நூர்தீன் மசூர் ஆகியோர்கள் அமைத்து முஸ்லிம்களின் ஒரு சில பிரச்சினைகளை முன் வைத்து மு.காவின் தலைமைத்துவத்திற்கு நெருக்கடிகளை கொடுக்கும் விதத்தில் பாராளுமன்ற பகிஸ்கரிப்பை மேற்கொண்டார்கள். இவர்களின் இந்த பகிஸ்கரிப்பை பயன்படுத்திக் கொண்ட அதாவுல்லா கிழக்கு மாகாணத்தில் அரசாங்கத்திற்கு எதிராக பாதயாத்திரையை ஏற்பாடு செய்து, இவர்கள் இருவரையும் தம்மோடு இணைத்துக் கொண்டு, தேசிய காங்கிரஸ் கட்சியை அமைத்தார். இதன் முதலாவது செயலாளராக ஹரிஸ் இருந்தமை குறிப்பிடத்தக்கது.
2004ஆம் ஆண்டு மு.காவின் வாக்கு வங்கி மூலமாக பாராளுமன்றம் சென்ற தற்போதைய கிழக்கு மாகாண முதலமைச்சர் நஜிப் ஏ.மஜீத், றிசாட் பதீயுதீன், அமீரலி ஆகியோர்கள் முன்னாள் ஜனாதிபதி சந்திரிகாவுக்குக்கும் ரவூப் ஹக்கிமுக்கும் இடையே ஏற்பட்ட கருத்து முரண்பாட்டை அடுத்து, அவர் மு.காi உடைக்க திட்டமிட்டார். அதன் காரணமாக ஜனாதிபதியின் திட்டத்திற்கு அமைவாக அமைச்சர் பதவிக்காக இவர்கள் மூன்று பேரும் மு.காவின் கொள்கைக்கு மாற்றமாக அரசாங்கத்தில் இணைந்து கொண்டார்கள். பின்னர் இவர்கள் மு.காவையும் தலைமைத்துவத்தையும் விமர்சனங்கள் செய்து தனிக் கட்சியையும் அமைத்துக் கொண்டார்கள்.
இதே காலப் பகுதியில் ஒரு சில மாதங்களுக்கு அமானிதமாக வழங்கிய தேசிய பட்டியல் பாரளுமன்ற உறுப்பினர் பதவியை ஹூஸைன் பைலா இராஜினாமாச் செய்வதற்கு மறுப்புத் தெரிவித்து, அரசாங்கத்தில் இணைந்து கொண்டார்.
இதன் பின்னர் மு.கா அரசாங்கத்தில் இணைந்து கொண்டது. அரசாங்கத்திற்கும் முகாவிற்கு இடையே ஏற்பட்ட முரண்பாட்டைத் தொடர்ந்து, 2006ஆம் அரசாங்கத்தில் இருந்து மு.கா வெளியேறியது, இதன் போது தேசிய பட்டியல் மூலமாக பாராளுமன்றம் சென்ற நிஜாமுதீன், புத்தளம் பாயிஸ் ஆகியோர்கள் கட்சியோடு எதிர்க்கட்சி வரிசைக்கு செல்வதற்கு விரும்பாது, அரசாங்கத்தின் பக்கம் நின்று கொண்டார்கள். அரசாங்கத்தில் தாம் வகித்துக் கொண்ட பிரதி அமைச்சர் பதவிகளையும் பாதுகாத்துக் கொண்டார்கள்.
கட்சியின் தலைமையோடு ஏற்பட்ட கருத்து முரண்பாட்டை அடுத்து ஹாபிஸ் நசீர் அஹமட் கட்சியிலிருந்து விலகிச் சென்று துஆ என்ற கட்சியை ஆரம்பித்தார். இவர் கட்சியின் வளர்ச்சிக்கும், தலைமைக்கும் பலத்த நெருக்கடிகளை கொடுத்துக் கொண்டிருந்தார். 2006ஆம் ஆண்டு பிரதேச சபைத் தேர்தலில் மு.காவினால் மரச் சின்னத்தில் போட்டியிட முடியாத வகையில் மரச் சின்னத்திற்கு நீதிமன்றத்தினால் தடை விதிக்கப்பட்டது. இதன் பின்னணியில் இவர் செயற்பட்டதாகவும் அப்போது தெரிவிக்கப்பட்டது. கட்சியின் தலைமையகத்தின் பங்குடமையில் ஏற்பட்ட சர்ச்சையை கருத்திற் கொண்டு மு.காவில் இவரை இணைத்து முக்கிய பதவி வழங்கப்பட்டடுள்ளது. இவருக்கு தற்போது கிழக்கு மாகாண சபையில் அமைச்சர் பதவியும் வழங்கப்பட்டுள்ளது.
2010ஆம் ஆண்டு மு.கா எதிர் கட்சியில் தொடர்ந்து இருக்க முடியாதென்று தெரிவித்து, கட்சி அரசாங்கத்திற்கு ஆதரவளிக்க வேண்டுமென்று தெரிவிக்கப்பட்டது. இக்கருத்து கட்சிக்குள் வலுப் பெற்றதனைத் தொடர்ந்து, கட்சியின் முக்கியஸதர் ஒருவரின் தலைமையில், கட்சியின் ஒரு சில பாராளுமன்ற உறுப்பினர்களின் துணையோடு அரசாங்கத்தோடு தலைமைக்குத் தெரியாது பேச்சுவார்த்தைகள் நடைபெற்றன. இது இரகசியமாக நடந்தாலும், பரகசியமானதென்பது குறிப்பிடத்தக்கது.
இப்பேச்சு வார்த்தையின் போது ஒரு முழு அமைச்சர் பதவியும், இரண்டு பிரதி அமைச்சர் பதவியும் அரசாங்கத்தோடு இணைவதற்கான பேரமாகக் கொள்ளப்பட்டது. இதனை அறிந்து கொண்ட ரவூப் ஹக்கிம் நிபந்தனைகளற்ற வகையில் அரசாங்கத்துடன் இணைந்து கொள்வதற்கு முடிவு செய்து அரசாங்கத்துடன் வலிந்து இணைந்து கொண்டார். இதனால், முழு அமைச்சர் பதவியை எதிர் பார்த்துக் கொண்டிருந்தவருக்கு பிரதி அமைச்சர் பதவியும், பிரதி அமைச்சர் பதவியை எதிர் பார்த்துக் கொண்டிருந்தவர்களுக்கு எதுவும் கிடைக்கவில்லை.
அண்மையில் நடைபெற்ற வட மாகாண சபைத் தேர்தலில் மு.காவின் வடபகுதியைச் சேர்ந்த ஐந்து உயர்பீட உறுப்பினர்களை கட்சியில் இருந்து விலக்கி அரசாங்கத்துடன் இணைத்து போட்டியிடச் செய்யும் திட்டத்தை மு.காவின் முக்கியஸ்தர் செய்தார். இதனால், வட மாகாண சபைத் தேர்தலில் மு.கா பாரிய சவாலை எதிர் கொண்டது.
இவ்வாறு மு.காவின் வரலாற்றில் பதவிக்காக கட்சியை தூக்கிவீசிய பல சம்பவங்களை பட்டியலிட முடியும்.
இந்தப் பின்னணியில்தான் கல்முனை மாநகர சபையின் மேயர் சிராஸின் உறுதிமொழி என்ற விடயமும் வருகின்றது. அவர் தான் வாய் மூலமாக இரண்டு வருடங்களின் பின்னர் மேயர் பதவியை இராஜினாமாச் செய்வதாக தெரிவித்ததாக ஏற்றுக் கொள்கின்றார். ஆனால், அது எழுத்து மூலமான உடன்படிக்கையில்லை என்று தெரிவித்துக் கொண்டிருக்கின்றார்.
இதே போன்றுதான் வாய்மொழி ஒப்பந்தத்தை இறக்காமம் பிரதேச சபையின் தவிசாளர் இஸ்மாயில் நைஸரும் செய்து இருந்தார். அவர் எழுத்து மூலமாக உடன்படிக்கை செய்யவில்லை. நான் விட்டுக் கொடுக்கமாட்டேன் என்று தெரிவிக்கவில்லை. ரவூப் ஹக்கிம் கேட்டுக் கொண்ட மாத்திரத்தில் இராஜினாமாச் செய்தார். இதனால், மு.காவின் ஆதரவாளர்கள் மத்தியில் அவருக்கான மதிப்பும், செல்வாக்கும் இப்போதைக்கு அதிகரித்துள்ளது.
Vidivelli -
மு.காவின் வரலாற்றில் கட்சியின் கொள்கைக்கு மாற்றமாகச் செயற்பட்டவர்களையும், குழி பறிப்புக்களைச் செய்தவர்களையும், தலைமைத்துவக் கட்டுப்பாட்டை மீறிச் செயற்பட்டவர்களையும் பதவிகளுக்காக சோரம் போனவர்களையும் நிறையவே காணலாம். இவர்களினால் மு.காவின் வளர்ச்சிப் போக்கில் தளம்பல்கள் ஏற்பட்டதனையும் காணலாம்.
மு.காவின் வரலாற்றில் கட்சியின் கொள்கைக்கும், தலைமைத்துவத்திற்கும் கட்டுப்படாது கொடுத்த வாக்குறுதியை நிறைவேற்றிக் காட்டாது செயற்பட்டவர்களின் பட்டியலில் ஹிஸ்புல்லா முதலாவது நபராக இடம் பெற்றுள்ளார். அவர் 1989 ஆம் ஆண்டு மு.கா எதிர் கொண்ட முதலாவது பொதுத் தேர்தலில் மடட்டக்களப்பு மாவட்டத்தில் வெற்றி பெற்றார். இதன் போது கட்சியின் வளர்ச்சியையும், மட்டக்களப்பு மாவட்ட முஸ்லிம்களின் ஒற்றுமையையும் கருத்தில் கொண்டு கட்சியின் தலைவர் அஸ்ரப் முதல் இரண்டு வருடங்களுக்கு ஹிஸ்புல்லாவும், அடுத்த இரண்டு வருடங்களுக்கு ஓட்டமாவடியைச் சேர்ந்த முகைதீன் அப்துல் காதரும், அடுத்த இரண்டு வருடங்களுக்கு ஏறாவூரைச் சேர்ந்த சட்டத்;தரணி பஸீரும் பாராளுமன்ற செல்ல வேண்டுமென்று கனவான் ஒப்பந்ததொன்றினைச் செய்தார். ஆனால், இரண்டு வருடங்களின் பின்னர், ஹிஸ்புல்லா பாராளுமன்ற பதவியை இராஜினாமாச் செய்ய மறுத்து விட்டார். இதனைத் தொடர்ந்து முகைதீன் அப்துல் காதர் ஐ.தே.கவில் இணைந்து ஓட்டமாவடிப் பிரதேச சபையை ஐ.தே.க வெற்றி பெறச் செய்தார். ஏறாவூரும் மு.கா தங்களுக்கு துரேகம் இழைத்து விட்டதாக பிரகடனம் செய்தது.
1988ஆம் ஆண்டு ஜனாதிபதித் தேர்தலில் கட்சியின் முடிவில் முரண்பட்டுக் கொண்டு மேல் மாகாண சபை உறுப்பினராக இருந்த உஸ்மான், சுகைப் அப்துல் காதர் ஆகியோர்கள் கட்சியிலிருந்து விலகிச் சென்றார்கள்.
இதே போன்று மு.காவின் செயலாளராக இருந்த சேகுஇஸ்ஸதீன் முரண்பட்டுக் கொண்டார். அவர் கட்சியில் இருந்து தூரமானார்.
1993ஆம் ஆண்டு மு.கா எதிர் வரும் (1994) ஜனாதிபதித் தேர்தலில் சந்திரிகாவை ஆதரிக்க முடிவு செய்த போது, அதில் முரண்பட்டுக் கொண்டு அப்துல் றஸூல், அப்துல் மஜீட் ஆலிம் (மேல் மாகாண சபை உறுப்பினராக இருந்தார்) ஆகியோர்கள் கட்சியின் முடிவுக்கு கட்டுப்படாது விலகிச் சென்றார்கள்.
1999ஆம் ஆண்டு மு.காவின் தலைவர் அஸ்ரப் கட்சியின் வளர்ச்சியை கருத்திற் கொண்டு பராளுமன்றத்தில் ஐந்து வருடங்கள் இருந்த பாராளுமன்ற உறுப்பினர்களான எம்.எம்.சுகைர்(தேசிய பட்டடியல்), சுந்தர மூர்த்தி அபூவக்கர் ஆகியோர்களை தமது பாராளுமன்ற உறுப்பினர் பதவியை இராஜினாமாச் செய்யுமாறு கேட்டுக் கொண்டார். ஆனால், இவர்கள் இருவரும் இராஸினாமாச் செய்ய முன் வரவில்லை. அக்கரைப்பற்றில் சேகு இஸ்ஸதீனின் ஆதிக்கத்திற்கு முற்றுப் புள்ளி வைப்பதற்காக சுகைரிடமும், வன்னி கட்சியின் மூத்த போராளி ஒருவரை கண்ணிப்படுத்துவதற்காக சந்தர மூர்த்தி அபூவக்கரிடமும்; இவ்வேண்டுகோளை விடுத்தார். இதனைத் தொடர்ந்து தேசிய பட்டியலில் பாராளுமன்ற சென்ற அசிதபெரேரா பாராளுமன்ற உறுப்பினர் பதவியை இராஜினாமாச் செய்தார். இதனைத்யடுத்து அதாவுல்லா பாராளுமன்றத்திற்கு சென்றார்.
மு.காவின் தலைவர் அஸ்ரப் திடீரென்று மரணித்ததன் பின்னர், மு.கா 11 ஆசனங்களைப் பெற்றுக் கொண்டது. இணைத் தலைவர்களுள் ஒருவராக இருந்த ரவூப் ஹக்கிம் அரசாங்கத்திற்கு ஆதரவு அளிப்பதற்கு நிபந்தனைகளை விதித்தார். இதனை விரும்பாத சந்திரிகா குமாரதுங்க, பேரியல் அஸ்ரப்புடன் தொடர்புகளை ஏற்படுத்திக் கொண்டார். பேரியல் அஸ்ரப் அரசாங்கத்திற்கு நிபந்தனையற்ற ஆதரவை வழங்கப் போவதாக அறிவித்தார்.
இதனால், கட்சி மிகவும் பலவீனப்பட்டுக் கொண்டது. கட்சி இரண்டாக உடைந்தது. இதன் போது அதாவுல்லா ரவூப் ஹக்கிமுடன் இணைந்து செயற்பட்டார் என்பதனையும் நினைவுபடுத்த விரும்புகின்றோம்.
2002ஆம் ஆண்டு மு.காவின் தலைவர் ரவூப் ஹக்கிம் மற்றும் ஹஸன்அலி ஆகியோர்கள் வெளிநாட்டில் இனப்பிரச்சினை தொடர்பான பேச்சுவார்த்தை ஒன்றிக்காக சென்றிருந்த சமயம் கட்சியின் தலைமைத்துவத்தை கைப்பற்றிக் கொள்வதற்காக அதாவுல்லா தலைமையில் தேசிய பட்டியல் பாராளுமன்ற உறுப்பினர் செயலாளர் டாக்டர் ஹப்ரத் திட்டமிட்டு, உயர்பீட உறுப்பினர்களை கட்சியின் தலைமையகத்திற்கு அழைத்து திட்டமிட்ட போது முழக்கம் மஜீத் போன்ற ஒரு சில மூத்த உறுப்பினர்களினால் ரவூப் ஹக்கிமின் தலைமைத்துவம் பாதுகாக்கப்பட்டது.
இதனைத் தொடாந்து ஏற்பட்ட முரண்பாடுகளை அடுத்து அதாவுல்லாவின் தலைமையில் சுமார் 10இற்கும் மேற்பட்ட முக்கிய உறுப்பினர்கள் மு.காவினை விட்டுப் பிரிந்து சென்றார்கள்.
மேலும், இதே காலப் பகுதியில் வட, கிழக்கு பாராளுமன்ற ஒன்றியத்தினை ஹரிஸ், அன்வர் இஸ்மாயில், நூர்தீன் மசூர் ஆகியோர்கள் அமைத்து முஸ்லிம்களின் ஒரு சில பிரச்சினைகளை முன் வைத்து மு.காவின் தலைமைத்துவத்திற்கு நெருக்கடிகளை கொடுக்கும் விதத்தில் பாராளுமன்ற பகிஸ்கரிப்பை மேற்கொண்டார்கள். இவர்களின் இந்த பகிஸ்கரிப்பை பயன்படுத்திக் கொண்ட அதாவுல்லா கிழக்கு மாகாணத்தில் அரசாங்கத்திற்கு எதிராக பாதயாத்திரையை ஏற்பாடு செய்து, இவர்கள் இருவரையும் தம்மோடு இணைத்துக் கொண்டு, தேசிய காங்கிரஸ் கட்சியை அமைத்தார். இதன் முதலாவது செயலாளராக ஹரிஸ் இருந்தமை குறிப்பிடத்தக்கது.
2004ஆம் ஆண்டு மு.காவின் வாக்கு வங்கி மூலமாக பாராளுமன்றம் சென்ற தற்போதைய கிழக்கு மாகாண முதலமைச்சர் நஜிப் ஏ.மஜீத், றிசாட் பதீயுதீன், அமீரலி ஆகியோர்கள் முன்னாள் ஜனாதிபதி சந்திரிகாவுக்குக்கும் ரவூப் ஹக்கிமுக்கும் இடையே ஏற்பட்ட கருத்து முரண்பாட்டை அடுத்து, அவர் மு.காi உடைக்க திட்டமிட்டார். அதன் காரணமாக ஜனாதிபதியின் திட்டத்திற்கு அமைவாக அமைச்சர் பதவிக்காக இவர்கள் மூன்று பேரும் மு.காவின் கொள்கைக்கு மாற்றமாக அரசாங்கத்தில் இணைந்து கொண்டார்கள். பின்னர் இவர்கள் மு.காவையும் தலைமைத்துவத்தையும் விமர்சனங்கள் செய்து தனிக் கட்சியையும் அமைத்துக் கொண்டார்கள்.
இதே காலப் பகுதியில் ஒரு சில மாதங்களுக்கு அமானிதமாக வழங்கிய தேசிய பட்டியல் பாரளுமன்ற உறுப்பினர் பதவியை ஹூஸைன் பைலா இராஜினாமாச் செய்வதற்கு மறுப்புத் தெரிவித்து, அரசாங்கத்தில் இணைந்து கொண்டார்.
இதன் பின்னர் மு.கா அரசாங்கத்தில் இணைந்து கொண்டது. அரசாங்கத்திற்கும் முகாவிற்கு இடையே ஏற்பட்ட முரண்பாட்டைத் தொடர்ந்து, 2006ஆம் அரசாங்கத்தில் இருந்து மு.கா வெளியேறியது, இதன் போது தேசிய பட்டியல் மூலமாக பாராளுமன்றம் சென்ற நிஜாமுதீன், புத்தளம் பாயிஸ் ஆகியோர்கள் கட்சியோடு எதிர்க்கட்சி வரிசைக்கு செல்வதற்கு விரும்பாது, அரசாங்கத்தின் பக்கம் நின்று கொண்டார்கள். அரசாங்கத்தில் தாம் வகித்துக் கொண்ட பிரதி அமைச்சர் பதவிகளையும் பாதுகாத்துக் கொண்டார்கள்.
கட்சியின் தலைமையோடு ஏற்பட்ட கருத்து முரண்பாட்டை அடுத்து ஹாபிஸ் நசீர் அஹமட் கட்சியிலிருந்து விலகிச் சென்று துஆ என்ற கட்சியை ஆரம்பித்தார். இவர் கட்சியின் வளர்ச்சிக்கும், தலைமைக்கும் பலத்த நெருக்கடிகளை கொடுத்துக் கொண்டிருந்தார். 2006ஆம் ஆண்டு பிரதேச சபைத் தேர்தலில் மு.காவினால் மரச் சின்னத்தில் போட்டியிட முடியாத வகையில் மரச் சின்னத்திற்கு நீதிமன்றத்தினால் தடை விதிக்கப்பட்டது. இதன் பின்னணியில் இவர் செயற்பட்டதாகவும் அப்போது தெரிவிக்கப்பட்டது. கட்சியின் தலைமையகத்தின் பங்குடமையில் ஏற்பட்ட சர்ச்சையை கருத்திற் கொண்டு மு.காவில் இவரை இணைத்து முக்கிய பதவி வழங்கப்பட்டடுள்ளது. இவருக்கு தற்போது கிழக்கு மாகாண சபையில் அமைச்சர் பதவியும் வழங்கப்பட்டுள்ளது.
2010ஆம் ஆண்டு மு.கா எதிர் கட்சியில் தொடர்ந்து இருக்க முடியாதென்று தெரிவித்து, கட்சி அரசாங்கத்திற்கு ஆதரவளிக்க வேண்டுமென்று தெரிவிக்கப்பட்டது. இக்கருத்து கட்சிக்குள் வலுப் பெற்றதனைத் தொடர்ந்து, கட்சியின் முக்கியஸதர் ஒருவரின் தலைமையில், கட்சியின் ஒரு சில பாராளுமன்ற உறுப்பினர்களின் துணையோடு அரசாங்கத்தோடு தலைமைக்குத் தெரியாது பேச்சுவார்த்தைகள் நடைபெற்றன. இது இரகசியமாக நடந்தாலும், பரகசியமானதென்பது குறிப்பிடத்தக்கது.
இப்பேச்சு வார்த்தையின் போது ஒரு முழு அமைச்சர் பதவியும், இரண்டு பிரதி அமைச்சர் பதவியும் அரசாங்கத்தோடு இணைவதற்கான பேரமாகக் கொள்ளப்பட்டது. இதனை அறிந்து கொண்ட ரவூப் ஹக்கிம் நிபந்தனைகளற்ற வகையில் அரசாங்கத்துடன் இணைந்து கொள்வதற்கு முடிவு செய்து அரசாங்கத்துடன் வலிந்து இணைந்து கொண்டார். இதனால், முழு அமைச்சர் பதவியை எதிர் பார்த்துக் கொண்டிருந்தவருக்கு பிரதி அமைச்சர் பதவியும், பிரதி அமைச்சர் பதவியை எதிர் பார்த்துக் கொண்டிருந்தவர்களுக்கு எதுவும் கிடைக்கவில்லை.
அண்மையில் நடைபெற்ற வட மாகாண சபைத் தேர்தலில் மு.காவின் வடபகுதியைச் சேர்ந்த ஐந்து உயர்பீட உறுப்பினர்களை கட்சியில் இருந்து விலக்கி அரசாங்கத்துடன் இணைத்து போட்டியிடச் செய்யும் திட்டத்தை மு.காவின் முக்கியஸ்தர் செய்தார். இதனால், வட மாகாண சபைத் தேர்தலில் மு.கா பாரிய சவாலை எதிர் கொண்டது.
இவ்வாறு மு.காவின் வரலாற்றில் பதவிக்காக கட்சியை தூக்கிவீசிய பல சம்பவங்களை பட்டியலிட முடியும்.
இந்தப் பின்னணியில்தான் கல்முனை மாநகர சபையின் மேயர் சிராஸின் உறுதிமொழி என்ற விடயமும் வருகின்றது. அவர் தான் வாய் மூலமாக இரண்டு வருடங்களின் பின்னர் மேயர் பதவியை இராஜினாமாச் செய்வதாக தெரிவித்ததாக ஏற்றுக் கொள்கின்றார். ஆனால், அது எழுத்து மூலமான உடன்படிக்கையில்லை என்று தெரிவித்துக் கொண்டிருக்கின்றார்.
இதே போன்றுதான் வாய்மொழி ஒப்பந்தத்தை இறக்காமம் பிரதேச சபையின் தவிசாளர் இஸ்மாயில் நைஸரும் செய்து இருந்தார். அவர் எழுத்து மூலமாக உடன்படிக்கை செய்யவில்லை. நான் விட்டுக் கொடுக்கமாட்டேன் என்று தெரிவிக்கவில்லை. ரவூப் ஹக்கிம் கேட்டுக் கொண்ட மாத்திரத்தில் இராஜினாமாச் செய்தார். இதனால், மு.காவின் ஆதரவாளர்கள் மத்தியில் அவருக்கான மதிப்பும், செல்வாக்கும் இப்போதைக்கு அதிகரித்துள்ளது.
Vidivelli -
0 comments:
Post a Comment