அளவத்துகொடை சயின்ஸ்டன் பெருந்தோட்டப் பிரதேசத்தில் ஐந்து வயதுச் சிறுவன் மீது சுடு நீர் ஊற்றி துன்புறுத்திய சிறிய தாயொருவரை அளவத்துகொடை பொலிஸார் கைது செய்துள்ளனர்.
குறித்த சிறுவனின் தாய் மனநிலை பாதிக்கப்பட்ட நிலையில் உள்ள ஒருவர் என்றும், தந்தை குடும்பத்தை விட்டு பிரிந்து சென்றுள்ளதாகவும் சிறுவனைப் பாட்டியே பராமரித்து வளர்ந்து வந்துள்ளதாகவும் பொலிஸார் தெரிவித்தனர்.
ஐந்து வயது சிறுவனுடன் அவனுடைய 11 வயதுடைய மூத்த சகோதரியும் உடன் வசித்து வந்துள்ளதாக மேலும் தெரிய வந்துள்ளது.குறித்த சிறுவனின் தாய் மனநிலை பாதிக்கப்பட்ட நிலையில் உள்ள ஒருவர் என்றும், தந்தை குடும்பத்தை விட்டு பிரிந்து சென்றுள்ளதாகவும் சிறுவனைப் பாட்டியே பராமரித்து வளர்ந்து வந்துள்ளதாகவும் பொலிஸார் தெரிவித்தனர்.
இந்நிலையில் அவர்களது சிறிய தாயார் (தாயின் சகோதரி) இச் சிறுவனை கடுமையாக துன்புறுத்தியுள்ளதுடன் பலமாக சிறுவனைத் தாக்கியும் உள்ளதாக பொலிஸார் தெரிவித்தனர்.
இச் சிறுவன் மீது சுடு நீர் ஊற்றப்பட்டதாக சிறுவனின் பாட்டியே அளவத்துகொடை பொலிஸில் முறைப்பாடு செய்துள்ளார்.
இச் சம்பவம் தொடர்பாக விசாரணைகளை நடத்திய பொலிஸார் சிறிய தாயை கைது செய்துள்ளதுடன் குறித்த சிறுவனை சிகிச்சைக்காக கண்டி வைத்தியசாலையில் அனுமதித்துள்ளனர்.
சந்தேகத்தின் பேரில் கைது செய்யப்பட்டுள்ள சிறிய தாயை கண்டி நீதிவான் முன் ஆஜர் செய்யவுள்ளதாக பொலிஸார் தெரிவித்தனர்.
0 comments:
Post a Comment