மாகாண சபைத் தேர்தலில் ஐக்கிய மக்கள் சுதந்திர முன்னணி திறமையானவர்களை களத்தில் இறக்கும் போது ஐக்கிய தேசியக் கட்சி பெண் அனகொண்டாக்களை களத்தில் இறக்குவதாகவும் இந்த பெண்கள் கட்சியில் உள்ள ஆண் அனகொண்டாக்களை விழுங்கி வருவதாகவும் வடமேல் மாகாண முதலமைச்சர் தயாசிறி ஜயசேகர தெரிவித்துள்ளார்.
குருணாகல் பிரதேசத்தில் நடைபெற்ற பொதுக் கூட்டம் ஒன்றில் அவர் இதனை குறிப்பிட்டுள்ளார்.அவர் மேலும் தெரிவிக்கையில்,
ஐக்கிய தேசியக் கட்சியின் அரசியல் தற்பொழுது பெண் அனகொண்டாக்களின் அரசியலாக மாறிவிட்டது.
ரணில் விக்ரமசிங்க அரபு புரட்சியை ஏற்படுத்த முயற்சித்து வருகிறார். புரட்சியை கொண்டு வரும் முன்னர் அவர் மக்களுடன் இருக்க வேண்டும்.
மேற்குலக சார்பாளர்களே அரபு புரட்சியை ஏற்படுத்தினர். அரபு புரட்சி ஏற்பட்ட நாடுகளாக லிபியா மற்றும் எகிப்து நாடுகள் இன்று கெரில்லாக்களுடன் சண்டையிட்டு வருகின்றன.
இந்த நாடுகள் வெறும் பொம்மை ஆட்சியாளர்களின் நாடுகளாக மாறி விட்டன. இந்த புரட்சியையே ரணில் விக்ரமசிங்க இலங்கையில் ஏற்படுத்த முயற்சித்து வருகிறார் என்றார்.
0 comments:
Post a Comment