ஐக்கிய மக்கள் சக்தியின் அரசாங்கத்திற்கு எதிரான எதிர்ப்பு ஆர்ப்பாட்டம் இன்று  கொழும்பில் நடைபெற்றது.

கொழும்பு சேர் மார்க்கஸ் பெர்னாண்டோ மாவத்தையிலுள்ள எதிர்க்கட்சித்தலைவர்  சஜித் பிரேமதாசவின் அலுவலகத்தின் முன்னாலிருந்து ஆரம்பமானது.

எதிர்கட்சி தலைவரும் பாராளுமன்ற உறுப்பினருமான சஜித் பிரேமதாஸ தலைமையில், பாராளுமன்ற உறுப்பினர்கள், ஐக்கிய மக்கள் சக்தி கட்சி உறுப்பினர்கள், பங்காளி கட்சி உறுப்பினர்கள் மற்றும் தலைவர்கள் கட்சி ஆதரவாளர்கள் மற்றும் பொதுமக்கள் என பல்லாயிரக்கணக்கானோர் இந்த ஆர்ப்பாட்டத்தில் கலந்து கொண்டனர்.

இந்த எதிர்ப்பு ஆர்ப்பாட்டத்திற்கு எதிராக கொழும்பில் பல இடங்களிலும் பொலிஸ் வீதி தடைகள் அமைக்கப்பட்டு, பொலிஸாரினால் கடுமையான சோதனை நடவடிக்கைகளும் நடாத்தப்பட்டன. 

பொலிஸ் விசேட அதிரடி படையினரும் பொலிஸாருடன் இணைந்து பலத்த பாதுகாப்பு நடவடிக்கையில் ஈடுபட்டனர்.

வெளிமாவட்டங்களில் இருந்து போராட்டத்திற்கு வருகை தருவதனை முற்றாக தடுக்கும் வகையில் பொலிஸார் செயற்பட்டதுடன் அந்தந்த மாவட்டங்களுக்குள்ளேயே அவர்கள் தடுக்கப்பட்டவதனால், ஆர்ப்பாட்டக்காரர்கள் அந்தந்த இடங்களிலேயே போராட்டங்களில் ஈடுபட்டனர்.