• Latest News

    November 05, 2021

    சம்மாந்துறையில் பச்சிளம் குழந்தை கொலை! தாயும், தாயின் தந்தையும் கைது!!

    சம்மாந்துறை பொலிஸ் நிலையப் பிரிவுக்குட்பட்ட செந்நெல் கிராமத்தில் பிறந்த குழந்தையின்  கழுத்தை நெறித்து கொலை செய்த சம்பவம் ஒன்று கடந்த 28.10.2021 வியாழக் கிழமை இரவு நடந்துள்ளது. இவ்வாறு கொலை செய்யப்பட்ட குழந்தை 05ஆம் திகதி வெள்ளிக்கிழமை புதைக்கப்பட்ட குழியிலிருந்து சடலமாக மீட்கப்பட்டுள்ளது.

    இக்கொலை சம்பவம் தொடர்பில் சந்தேகத்தின் பேரில் சம்மாந்துறை செந்கிராமத்தை சேர்ந்த குழந்தையின் தாயும்  மற்றும் இவரின் தந்தையும்  சம்மாந்துறை பொலிஸாரால் கைது செய்யப்பட்டு சம்மாந்துறை நீதவான் நீதிமன்ற நீதிபதி ஐ.என்.றிஸ்வான் முன்னிலையில் ஆஜர்படுத்தினர். இதனைத் தொடர்ந்து மேற்படி இருவரையும் எதிர்வரும் 17ஆம் திகதி வரை விளக்கமறியலில் வைக்குமாறு நீதிபதி உத்தரவிட்டார்.

     சம்மாந்துறை பொலிஸார் மேலதிக விசாரணைகளை மேற்கொண்டுள்ளனர்.

    இதே வேளை, சம்மாந்துறை நீதவான் நீதிமன்ற நீதிபதி ஐ.என்.றிஸ்வான் குழந்தை புதைக்கப்பட்ட இடத்திற்கு வருகை தந்து கொலை செய்யப்பட்ட குழந்தையை பார்வையிட்டதுடன் பிரேத பரிசோதனையை மேற்கொள்ளுமாறும் உத்தரவிட்டார். இதனைத் தொடர்ந்து குழந்தையின் உடல் அம்பாரை பொது வைத்தியசாலைக்கு பிரேத பரிசோதனைக்காக அனுப்பப்பட்டுள்ளது.

    இச்சம்பவம் தொடர்பில் சம்மாந்துறை பொலிஸார் மேற்கொண்ட விசாரணைகளின் அடிப்படையில் தெரியவருவதாவது,

    சம்மாந்துறை செந்நெல் கிராமத்தில் தாய் தொழிலுக்காக வெளிநாடு சென்ற நிலையில் தந்தையின் பராமரிப்பில் இரண்டு (பெண்) பிள்ளைகள் வசித்து வந்துள்ளனர். மேலும்இ தாய் வெளிநாடு சென்ற போதிலும் தாய்க்கும் இவர்களுக்கும் இடையே எந்தவொரு தொடர்பும் இருக்கவில்லை என்றும்  விசாரணைகளில் தெரியவந்துள்ளது.

    இந்நிலையில் திருமணமாகாத நிலையில்  மகள்  கர்ப்பமடைந்தார்.

    இந்நிலையில் கடந்த 2021.10.25ஆம் திகதி திங்கட்கிழமை கல்முனை அஸ்ரப் ஆதார வைத்தியசாலையில் மகப்பேற்றுக்காக அனுமதிக்கப்பட்டுள்ளார். அன்றைய தினம் பெண் குழந்தை பிறந்துள்ளது.

    பின்னர்இ 2021.10.28ஆம் திகதி வியாழக்கிழமை வைத்தியசாலையில் இருந்து விடுக்கப்பட்டு வீட்டுக்கு சென்றுள்ளார்.

    அன்று இரவு குழந்தையின் கழுத்தை தாயின் தந்தை  நெறித்து கொலை செய்துள்ளார்.

    பின்னர் கொலை செய்யப்பட்ட குழந்தையை மல்கம்மடு - வீரமுனை ஆகிய பிரதேசங்களுக்கு இடைப்பட்ட பகுதியில் உள்ள ஆற்றுக்கு ஓரத்தில் ஆழமான குழியில் புதைத்துள்ளார்.

    இவ்வாறு சம்பவங்கள் நடைபெற்ற நிலையில் கடந்த 03ஆம் திகதி புதன்கிழமை சம்மாந்துறை பொதுச் சுகாதார வைத்திய அதிகாரி அலுவலகத்தினால் குறித்த குழந்தையை காணவில்லை என்று சம்மாந்துறை பொலிஸில் முறைப்பாடு செய்யப்பட்டுள்ளது.

    இதனைத் தொடர்ந்து சம்மாந்துறை பொலிஸ் நிலையப் பொறுப்பதிகாரி கே.டி.எஸ்.ஜயலத்தின் வழிகாட்டலின் பிரகாரம் சம்மாந்துறை பொலிஸ் நிலைய குற்றத்தடுப்பு பொலிஸ் பொறுப்பதிகாரி கே.சதீஸ்கர் தலைமையில் பொலிஸார்களான குமாரசிங்கஇ விக்கிரமரத்ன ஆகியோர்கள் மேற்கொண்ட அதிதீவிர விசாரணைகளின் அடிப்படையில்  குழந்தையின் தாயின் தந்தை 03ஆம் திகதி சந்தேகத்தின் பேரில்; கைது செய்து விசாரணைக்குட்படுத்தினர்.

    இந்த விசாரணைகளில் அவர் எல்லா உண்மைளையும் பொலிஸாரிடம் தெரிவித்துள்ளார். இதனைத் தொடர்ந்து அவர் காட்டிய இடத்தில் புதைக்கப்பட்ட குழந்தை  நேற்று 05ஆம் திகதி காலை 10 மணியளவில் சடலமாக மீட்கப்பட்டது.

    தற்போது பிரேத  பரிசோதனைக்காக குழந்தையின் உடல் அம்பாரை பொது வைத்தியசாலைக்கு அனுப்பி வைக்கப்பட்டுள்ளது.

    சந்தேகத்தின் பேரில் தாயும், தாயின் தந்தையும் எதிர்வரும் 17ஆம் திகதி வரை விளக்கமறியலில் வைக்கப்பட்டுள்ளனர். 

     சம்மாந்துறை பொலிஸார் மேலதிக விசாரணைகளை மேற்கொண்டுள்ளனர்.






    • Blogger Comments
    • Facebook Comments

    0 comments:

    Post a Comment

    Item Reviewed: சம்மாந்துறையில் பச்சிளம் குழந்தை கொலை! தாயும், தாயின் தந்தையும் கைது!! Rating: 5 Reviewed By: murasunews
    Scroll to Top