இலங்கையில் பௌத்த பேரினவாதம் உக்கிரம் கொண்டிருந்த காலங்களில் சிங்கள கட்சிகளை பிரதிநிதித்துவம் செய்த அரசியல்வாதியென்ற போதிலும் நியாயத்தின் பக்கம் நின்ற- இனவெறி துறந்த ஒரு அரசியல்வாதியாக விளங்கிய ஷெல்டன் ரணராஜாவின் மகள் அருணி ரணராஜா இலங்கையின் புதிய வெளியுறவு செயலராக நியமிக்கப்பட்டுள்ளார்.
ஷெல்டன் ரணராஜா வெலிக்கடை சிறைச்சாலையில் படுகொலை செய்யப்பட்டவர்களின் உடல்களை இராணுவத்தினர் புதைக்க முயன்றவேளை அதனை தடுத்து நிறுத்தினார், ஜே.ஆர் ஜெயவர்த்தன அரசாங்கம் எதிர்கட்சி தலைவர் அப்பாப்பிள்ளை அமிர்தலிங்கத்திற்கு எதிராக கொண்டுவந்த தீர்மானத்தினை எதிர்த்து வாக்களித்தார் ஸ்ரீலங்கா சுதந்திர கட்சியின் நாடாளுமன்ற உறுப்பினராகயிருந்துகொண்டே லேக்ஹவுசினை தேசியமயமாக்கும் ஸ்ரீமாவோ பண்டார நாயக்க அரசாங்கத்தின் முயற்சியை எதிர்த்தார்
மிகவும் இருண்டகாலத்தில் காணகிடைத்த பெரும் நம்பிக்கை அவர்.
அருணி ரணராஜ இலங்கையின் முன்னாள் பிரதியமைச்சர் சட்டத்தரணி ஷெல்டன் ரணராஜாவின் மகள்
கேகாலையின் ரன்வலையில் 1926ம் ஆண்டு பிறந்தவர் ஷெல்டன் ரணராஜா.அரசியல்வாதி பிபிரணராஜவின் மகன்.
பிபி ரணராஜா 1931ம் ஆண்டு கலெகெதர தொகுதியில் தேர்தலில் போட்டியிட்டார், பிபி நுகவெலயிடம் 1055 வாக்குகளால் தோல்வியுற்றார். 1936 இல் மீண்டும் போட்டியிட்ட ரணராஜா தேர்தலில் தோல்வியுற்றார்.
ஷெல்டனின் தந்தை 1952ம் ஆண்டு பொதுத்தேர்தலில் தம்புள்ள வேட்பாளராக ஐக்கியதேசிய கட்சியின் சார்பில் போட்டியிட்டிருந்தார்.எனினும் அந்த தேர்தலில் தோல்வியடைந்தார்.
எனினும் பின்னர் ஐக்கியதேசிய கட்சி இரண்டு தடவைகள் இவரை செனெட்டிற்கான உறுப்பினராக நியமித்திருந்தது.
அருணியின் தந்தை ஷெல்டன் ரணராஜ கண்டி திரித்துவ கல்லூரி,கொழும்பு சென்தோமஸ் கல்லூரி ஆகியவற்றில் கல்வி கற்றவர்.கிரிக்கெட் நீச்சல் உட்பட பல விளையாட்டுகளில் பிரகாசித்த இவர் அரசியலில் தனது தந்தைக்கு மாறாக ஸ்ரீலங்கா சுதந்திரகட்சியை தெரிவு செய்தார்.
ஜூலை 1960ம் ஆண்டு பொதுத்தேர்தலில் செங்கடகல தொகுதியில் ஸ்ரீலங்கா சுதந்திரக்கட்சியின் சார்பில் போட்டியிட்ட இவர் சிறிய வித்தியாசத்தில் வெற்றிபெற்றார்- 25 வாக்குகள் வித்தியாசத்தில் வெற்றிபெற்று நாடாளுமன்றம் சென்றார்.
டிசம்பர் 1964 இல் ஸ்ரீலங்கா சுதந்திரக்கட்சி லேக்ஹவுசினை தேசியமயப்படுத்த முயன்றவேளை ,தேசிய மயப்படுத்தலிற்கு எதிராக வாக்களித்த 14 நாடாளுமன்ற உறுப்பினர்களில் ஒருவர் ஷெல்டன்.அரசாங்கம் ஒரு வாக்கினால் தோற்கடிக்கப்பட்டது இதுவே 1965 நாடாளுமன்ற தேர்தலிற்கு வழிகோலியது.
(ஐக்கிய தேசிய கட்சிக்கு உறுதியான ஆதரவை லேக் ஹவுஸ் வழங்குகின்றது என கருதப்பட்டதால் இந்த தேசியமயப்படுத்தல் முயற்சியை ஸ்ரீலங்கா சுதந்திரகட்சி முன்னெடுத்தது)
இதன் பின்னர் ரணராஜாவும் கலகக்காரர்கள் என கருதப்பட்ட ஏனைய ஸ்ரீலங்கா சுதந்திரக்கட்சி நாடாளுமன்ற உறுப்பினர்களும் கட்சியிலிருந்து நீக்கப்பட்டனர்.
1965ம் ஆண்டு தேர்தலில் ரணராஜா போட்டியிடவில்லை,1973 இல் ஜேஆர்ஜெயவர்த்தன விடுத்த அழைப்பின் பேரில் ஐக்கிய தேசிய கட்சியிர் அவர் இணைந்துகொண்டார் - செங்கடகல தொகுதி அமைப்பாளராக நியமிக்கப்பட்டார்.
1977 இல் செங்கடகல தொகுதியில் ஐக்கியதேசிய கட்சியின் சார்பில் போட்டியிட்ட ஷெல்டன் ரணராஜா தேர்தலில் வெற்றிபெற்றார்.இதன் பின்னர் ஐக்கியதேசிய கட்சியின் புதிய அரசாங்கத்தில் புதிய நீதியமைச்சராக நியமிக்கப்பட்டார்.
ஸ்ரீலங்கா சுதந்திரக்கட்சியின் தலைவர் ஸ்ரீமாவோ பண்டாரநாயக்கவின் குடியுரிமையை பறிக்கும் சட்டத்தை ஐக்கியதேசிய கட்சி நிறைவேற்றியவேளை ரணராஜா அதனை அமைச்சரவையில் எதிர்த்தார்,நாடாளுமன்றத்தில் இந்த சட்டம் குறித்து விவாதிக்கப்பட்டபோது அவர் பிரசன்னமாகியிருக்கவில்லை.
1981 ஜூலை மாதம் தமிழர் விடுதலைக்கூட்டணி ஐக்கியதேசிய கட்சி அரசாங்கத்திற்கு எதிராக நம்பிக்கையில்லா தீர்மானத்தை கொண்டுவருவதற்கு முயற்சி செய்தது, இதற்கு பழிவாங்கும் விதத்தில் ஐக்கியதேசிய கட்சி எதிர்கட்சி தலைவரும் தமிழர் விடுதலைக்கூட்டணியின் தலைவருமான அப்பாபிள்ளை அமிர்தலிங்கத்திற்கு எதிராக முன்னர் ஒருபோதும் இல்லாத நம்பிக்கையில்லா தீர்மானத்தை கொண்டுவந்தது.
ஐக்கியதேசிய கட்சியின் 36 உறுப்பினர்கள் இதில் கைச்சாத்திட்டனர், நெவில்பெர்ணாண்டோவின் தூண்டுதலால்கைசாத்திட்டப்பட்ட இந்த நம்பிக்கையில்லா பிரேரணைக்கு ஜேஆர்ஜெயவர்த்தனாவின் ஆதரவு இருந்தது என்ற கருத்துள்ளது.
1981ம் ஆண்டு ஜூலை மாதம் 23ம் திகதி இந்த தீர்மானம் குறித்த விவாதம் நாடாளுமன்றத்தில் ஆரம்பமானவேளை அப்பாபிள்ளை அமிர்தலிங்கம் தன்னை நியாயப்படுத்த முயன்றார்,ஐக்கியதேசிய கட்சியின் உறுப்பினர்கள் கூச்சலிட்டனர் ( நாடாளுமன்றத்தில் 168 பேரில் 141 பேர் ஐக்கியதேசிய கட்சியினர்)
சபாநாயகர் பாக்கீர் மார்க்கார் அமிர்தலிங்கம் உரையாற்றுவதற்கு அனுமதி வழங்கவில்லை,இதன் காரணமாக தமிழர் விடுதலைக்கூட்டணியின் நாடாளுமன்ற உறுப்பினர்கள் வெளிநடப்பு செய்தனர்.
ஸ்ரீலங்கா சுதந்திரக்கட்சியும் கம்யுனிஸ்ட் கட்சியும் இந்த தீர்மானத்திற்கு தமது எதிர்ப்பை வெளியிட்டன. எனினும் சபாநாயகர் அவர்களின் ஆட்சேபனையை நிராகரித்தார்.இதனை தொடர்ந்து அவர்களும் நாடாளுமன்றத்திலிருந்து வெளியேறினார்கள்.
இதன் காரணமாக அமிர்தலிங்கத்திற்கு எதிரான தீர்மானம் குறித்து விவாதிப்பதற்கு சபையில் எதிர்கட்சியினர் எவரும் இல்லாத நிலை காணப்பட்டது.
ஐக்கியதேசிய கட்சியின் பின்வரிசை நாடாளுமன்ற உறுப்பினர்கள் ஒவ்வொருவராக எழுந்து அமிர்தலிங்கத்தையும் தமிழர் விடுதலைக்கூட்டணியின் ஏனைய உறுப்பினர்களையும் நிந்தனை செய்து உரையாற்றினர் , அமிர்தலிங்கத்திற்கு எதிராக பழங்கால தண்டனைகளை பயன்படுத்துவோம்,குதிரைகளை அடிக்கும் சாட்டையால் அடிப்போம்,சுடுவோம்,உடல்களை கிழிப்போம் என கடும்வார்த்தைகளை பயன்படுத்தினார்கள்.
1981ம் ஆண்டு ஜூலை 24 ம் திகதி அமிர்தலிங்கத்திற்கு எதிரான நம்பிக்கையில்லா பிரேரணை வாக்கெடுப்பிற்கு விடப்பட்டவேளை 121 பேர் ஆதரவளித்தனர் ஒருவர் எதிர்த்தார்.
இவ்வாறு எதிர்த்து வாக்களித்தவர் ஷெல்டன் ரணராஜா.
ஷெல்டன் ரணராஜாவின் கொள்கை பிடிப்புள்ள இந்த செயலை கடுமையாக விமர்சித்த ஐக்கியதேசிய கட்சியின் ஏனைய நாடாளுமன்ற உறுப்பினர்கள் அவரை ஷெல்டன் நடராஜா என அழைத்தனர்.
1983 இல் ஜூலை மாதம் கறுப்பு ஜூலை கலவரம் மூண்டவேளை கண்டியில் வன்முறைகளை கட்டுப்படுத்துவதற்காக ஆபத்தானவர்கள் என கருதப்பட்டவர்களை கைதுசெய்யுமாறு ரணராஜா பொலிஸாரை கேட்டுக்கொண்டார்.ஆனால் கடும்போக்குவாதியான அமைச்சர் சிறில்மத்தியு அவர்களை விடுவித்தார்.இதனை தொடர்ந்து கண்டியில் வன்முறை பரவியது.
வெலிக்கடை சிறைச்சாலை படுகொலையின் பின்னர் பாதுகாப்பு படையினர் கொல்லப்பட்டவர்களின் உடல்களை புதைக்கமுயன்றவேளை ரணராஜாவும் நாடாளுமன்ற செயலாளர் மேர்வின் விஜயசிங்கவும் உடல்கள் புதைக்கப்படுவதை தடுத்து நிறுத்தினர், இதன் காரணமாக நீதிமன்ற விசாரணைகளை முன்னெடுக்க முடிந்தது.
1985 இல் அனுராதபுரத்தில் விடுதலைப்புலிகள் தாக்குதலை மேற்கொண்டு சிங்கள பொதுமக்களை கொலை செய்த பின்னர் சில சிங்களவர்கள் கண்டியிலிருந்து தமிழர்களை வெளியேற்றுமாறு அவரை கேட்டுக்கொண்டனர் எனினும் அவர் அதனை நிராகரித்தார், தமிழ் மக்களை பாதுகாப்பது தனது கடமை என்றார்.
மிகவும் இருண்டகாலத்தில் காணகிடைத்த பெரும் நம்பிக்கை அவர்.
அருணி ரணராஜ இலங்கையின் முன்னாள் பிரதியமைச்சர் சட்டத்தரணி ஷெல்டன் ரணராஜாவின் மகள்
கேகாலையின் ரன்வலையில் 1926ம் ஆண்டு பிறந்தவர் ஷெல்டன் ரணராஜா.அரசியல்வாதி பிபிரணராஜவின் மகன்.
பிபி ரணராஜா 1931ம் ஆண்டு கலெகெதர தொகுதியில் தேர்தலில் போட்டியிட்டார், பிபி நுகவெலயிடம் 1055 வாக்குகளால் தோல்வியுற்றார். 1936 இல் மீண்டும் போட்டியிட்ட ரணராஜா தேர்தலில் தோல்வியுற்றார்.
ஷெல்டனின் தந்தை 1952ம் ஆண்டு பொதுத்தேர்தலில் தம்புள்ள வேட்பாளராக ஐக்கியதேசிய கட்சியின் சார்பில் போட்டியிட்டிருந்தார்.எனினும் அந்த தேர்தலில் தோல்வியடைந்தார்.
எனினும் பின்னர் ஐக்கியதேசிய கட்சி இரண்டு தடவைகள் இவரை செனெட்டிற்கான உறுப்பினராக நியமித்திருந்தது.
ஜூலை 1960ம் ஆண்டு பொதுத்தேர்தலில் செங்கடகல தொகுதியில் ஸ்ரீலங்கா சுதந்திரக்கட்சியின் சார்பில் போட்டியிட்ட இவர் சிறிய வித்தியாசத்தில் வெற்றிபெற்றார்- 25 வாக்குகள் வித்தியாசத்தில் வெற்றிபெற்று நாடாளுமன்றம் சென்றார்.
டிசம்பர் 1964 இல் ஸ்ரீலங்கா சுதந்திரக்கட்சி லேக்ஹவுசினை தேசியமயப்படுத்த முயன்றவேளை ,தேசிய மயப்படுத்தலிற்கு எதிராக வாக்களித்த 14 நாடாளுமன்ற உறுப்பினர்களில் ஒருவர் ஷெல்டன்.அரசாங்கம் ஒரு வாக்கினால் தோற்கடிக்கப்பட்டது இதுவே 1965 நாடாளுமன்ற தேர்தலிற்கு வழிகோலியது.
(ஐக்கிய தேசிய கட்சிக்கு உறுதியான ஆதரவை லேக் ஹவுஸ் வழங்குகின்றது என கருதப்பட்டதால் இந்த தேசியமயப்படுத்தல் முயற்சியை ஸ்ரீலங்கா சுதந்திரகட்சி முன்னெடுத்தது)
இதன் பின்னர் ரணராஜாவும் கலகக்காரர்கள் என கருதப்பட்ட ஏனைய ஸ்ரீலங்கா சுதந்திரக்கட்சி நாடாளுமன்ற உறுப்பினர்களும் கட்சியிலிருந்து நீக்கப்பட்டனர்.
1965ம் ஆண்டு தேர்தலில் ரணராஜா போட்டியிடவில்லை,1973 இல் ஜேஆர்ஜெயவர்த்தன விடுத்த அழைப்பின் பேரில் ஐக்கிய தேசிய கட்சியிர் அவர் இணைந்துகொண்டார் - செங்கடகல தொகுதி அமைப்பாளராக நியமிக்கப்பட்டார்.
1977 இல் செங்கடகல தொகுதியில் ஐக்கியதேசிய கட்சியின் சார்பில் போட்டியிட்ட ஷெல்டன் ரணராஜா தேர்தலில் வெற்றிபெற்றார்.இதன் பின்னர் ஐக்கியதேசிய கட்சியின் புதிய அரசாங்கத்தில் புதிய நீதியமைச்சராக நியமிக்கப்பட்டார்.
ஸ்ரீலங்கா சுதந்திரக்கட்சியின் தலைவர் ஸ்ரீமாவோ பண்டாரநாயக்கவின் குடியுரிமையை பறிக்கும் சட்டத்தை ஐக்கியதேசிய கட்சி நிறைவேற்றியவேளை ரணராஜா அதனை அமைச்சரவையில் எதிர்த்தார்,நாடாளுமன்றத்தில் இந்த சட்டம் குறித்து விவாதிக்கப்பட்டபோது அவர் பிரசன்னமாகியிருக்கவில்லை.
1981 ஜூலை மாதம் தமிழர் விடுதலைக்கூட்டணி ஐக்கியதேசிய கட்சி அரசாங்கத்திற்கு எதிராக நம்பிக்கையில்லா தீர்மானத்தை கொண்டுவருவதற்கு முயற்சி செய்தது, இதற்கு பழிவாங்கும் விதத்தில் ஐக்கியதேசிய கட்சி எதிர்கட்சி தலைவரும் தமிழர் விடுதலைக்கூட்டணியின் தலைவருமான அப்பாபிள்ளை அமிர்தலிங்கத்திற்கு எதிராக முன்னர் ஒருபோதும் இல்லாத நம்பிக்கையில்லா தீர்மானத்தை கொண்டுவந்தது.
ஐக்கியதேசிய கட்சியின் 36 உறுப்பினர்கள் இதில் கைச்சாத்திட்டனர், நெவில்பெர்ணாண்டோவின் தூண்டுதலால்கைசாத்திட்டப்பட்ட இந்த நம்பிக்கையில்லா பிரேரணைக்கு ஜேஆர்ஜெயவர்த்தனாவின் ஆதரவு இருந்தது என்ற கருத்துள்ளது.
1981ம் ஆண்டு ஜூலை மாதம் 23ம் திகதி இந்த தீர்மானம் குறித்த விவாதம் நாடாளுமன்றத்தில் ஆரம்பமானவேளை அப்பாபிள்ளை அமிர்தலிங்கம் தன்னை நியாயப்படுத்த முயன்றார்,ஐக்கியதேசிய கட்சியின் உறுப்பினர்கள் கூச்சலிட்டனர் ( நாடாளுமன்றத்தில் 168 பேரில் 141 பேர் ஐக்கியதேசிய கட்சியினர்)
சபாநாயகர் பாக்கீர் மார்க்கார் அமிர்தலிங்கம் உரையாற்றுவதற்கு அனுமதி வழங்கவில்லை,இதன் காரணமாக தமிழர் விடுதலைக்கூட்டணியின் நாடாளுமன்ற உறுப்பினர்கள் வெளிநடப்பு செய்தனர்.
ஸ்ரீலங்கா சுதந்திரக்கட்சியும் கம்யுனிஸ்ட் கட்சியும் இந்த தீர்மானத்திற்கு தமது எதிர்ப்பை வெளியிட்டன. எனினும் சபாநாயகர் அவர்களின் ஆட்சேபனையை நிராகரித்தார்.இதனை தொடர்ந்து அவர்களும் நாடாளுமன்றத்திலிருந்து வெளியேறினார்கள்.
இதன் காரணமாக அமிர்தலிங்கத்திற்கு எதிரான தீர்மானம் குறித்து விவாதிப்பதற்கு சபையில் எதிர்கட்சியினர் எவரும் இல்லாத நிலை காணப்பட்டது.
ஐக்கியதேசிய கட்சியின் பின்வரிசை நாடாளுமன்ற உறுப்பினர்கள் ஒவ்வொருவராக எழுந்து அமிர்தலிங்கத்தையும் தமிழர் விடுதலைக்கூட்டணியின் ஏனைய உறுப்பினர்களையும் நிந்தனை செய்து உரையாற்றினர் , அமிர்தலிங்கத்திற்கு எதிராக பழங்கால தண்டனைகளை பயன்படுத்துவோம்,குதிரைகளை அடிக்கும் சாட்டையால் அடிப்போம்,சுடுவோம்,உடல்களை கிழிப்போம் என கடும்வார்த்தைகளை பயன்படுத்தினார்கள்.
1981ம் ஆண்டு ஜூலை 24 ம் திகதி அமிர்தலிங்கத்திற்கு எதிரான நம்பிக்கையில்லா பிரேரணை வாக்கெடுப்பிற்கு விடப்பட்டவேளை 121 பேர் ஆதரவளித்தனர் ஒருவர் எதிர்த்தார்.
இவ்வாறு எதிர்த்து வாக்களித்தவர் ஷெல்டன் ரணராஜா.
ஷெல்டன் ரணராஜாவின் கொள்கை பிடிப்புள்ள இந்த செயலை கடுமையாக விமர்சித்த ஐக்கியதேசிய கட்சியின் ஏனைய நாடாளுமன்ற உறுப்பினர்கள் அவரை ஷெல்டன் நடராஜா என அழைத்தனர்.
1983 இல் ஜூலை மாதம் கறுப்பு ஜூலை கலவரம் மூண்டவேளை கண்டியில் வன்முறைகளை கட்டுப்படுத்துவதற்காக ஆபத்தானவர்கள் என கருதப்பட்டவர்களை கைதுசெய்யுமாறு ரணராஜா பொலிஸாரை கேட்டுக்கொண்டார்.ஆனால் கடும்போக்குவாதியான அமைச்சர் சிறில்மத்தியு அவர்களை விடுவித்தார்.இதனை தொடர்ந்து கண்டியில் வன்முறை பரவியது.
வெலிக்கடை சிறைச்சாலை படுகொலையின் பின்னர் பாதுகாப்பு படையினர் கொல்லப்பட்டவர்களின் உடல்களை புதைக்கமுயன்றவேளை ரணராஜாவும் நாடாளுமன்ற செயலாளர் மேர்வின் விஜயசிங்கவும் உடல்கள் புதைக்கப்படுவதை தடுத்து நிறுத்தினர், இதன் காரணமாக நீதிமன்ற விசாரணைகளை முன்னெடுக்க முடிந்தது.
1985 இல் அனுராதபுரத்தில் விடுதலைப்புலிகள் தாக்குதலை மேற்கொண்டு சிங்கள பொதுமக்களை கொலை செய்த பின்னர் சில சிங்களவர்கள் கண்டியிலிருந்து தமிழர்களை வெளியேற்றுமாறு அவரை கேட்டுக்கொண்டனர் எனினும் அவர் அதனை நிராகரித்தார், தமிழ் மக்களை பாதுகாப்பது தனது கடமை என்றார்.
0 comments:
Post a Comment