சபாநாயகராக ஐக்கிய தேசியக்கட்சியின் ஜோன் அமரதுங்க. சமல் பிரதமராகிறார்!

 அரசுடன் இணைந்து கொள்ள சபாநாயகர் அல்லது பிரதி அமைச்சர் பதவியொன்றை ஐக்கிய தேசியக் கட்சியின் சிரேஸ்ட உறுப்பினர் ஜோன் அமரதுங்க கோரி வருவதாகத் தெரிவிக்கப்படுகிறது.

ஆளும் கட்சியில் இணைந்து கொள்ள குறித்த இரண்டு பதவிகளில் ஒன்றை வழங்குமாறு ஜனாதிபதி மஹிந்த ராஜபக்சவிடம் கோரியுள்ளார்.

கம்பஹா மாவட்ட ஐக்கிய தேசியக் கட்சியின் நாடாளுமன்ற உறுப்பினர் ஜோன் அமரதுங்க, கட்சியின் சிரேஸ்ட உறுப்பினர் என்பது குறிப்பிடத்தக்கது.

ஜோன் அமரதுங்க ஐக்கிய தேசியக் கட்சி ஆட்சிக் காலத்தில் உள்விவகாரம் மற்றும் பாதுகாப்பு விவகாரம் தொடர்பில் முக்கிய அமைச்சுப் பதவிகளை வகித்திருந்தார் என்பது குறிப்பிடத்தக்கது.

ஜனாதிபதி மஹிந்த ராஜபக்ச மத்திய கிழக்கிற்கு மேற்கொண்டுள்ள விஜயத்தில் ஜோன் அமரதுங்கவும் இணைந்து கொண்டுள்ளார்.

எதிர்க்கட்சியின் பிரதம அமைப்பாளர் ஜோன் அமரதுங்க, ஜனாதிபதியின் வெளிநாட்டு விஜயத்தில் இணைந்துகொண்டமை பெரும் சர்ச்சையை ஏற்படுத்தியுள்ளது.

பலஸ்தீன மத வழிபாட்டுத் தலங்களுக்கு விஜயம் செய்ய உள்ளதாகத் தெரிவித்து ஐக்கிய தேசியக் கட்சியில் ஜோன் அமரதுங்க அனுமதி பெற்றுக்கொண்டுள்ளார்.

சபாநாயகராக ஐக்கிய தேசியக்கட்சியின் ஜோன் அமரதுங்க. சமல் பிரதமராகிறார்

இலங்கையின் நாடாளுமன்ற சபாநாயகராக ஐக்கிய தேசியக்கட்சியின் நாடாளுமன்ற உறுப்பினர் ஜோன் அமரதுங்க நியமிக்கப்படவுள்ளதாக தகவல்கள் வெளியாகியுள்ளன.

இந்தநிலையில் சபாநாயகராக இருக்கும் ஜனாதிபதியின் மூத்த சகோதரர் சமல் ராஜபக்ச பிரதமராக நியமிக்கப்படவுள்ளதாக தெரிவிக்கப்பட்டுள்ளது.

இலங்கையின் பிரதமர் டி எம் ஜெயரட்ன, பதவி விலகவுள்ளதாக வெளியான தகவல்களின் பின்னரே இந்த தகவல்கள வெளியாகியுள்ளன.

இதேவேளை ஐக்கிய தேசியக்கட்சியின் நாடாளுமன்ற உறுப்பினர் ஜோன் அமரதுங்கவும் ஜனாதிபதியுடன் தற்போது மத்திய கிழக்கு விஜயம் மேற்கொண்டுள்ளார்.

எனினும் இந்த பயணத்துக்காக அவர் கட்சியின் அங்கீகாரத்தை பெற்றுள்ளார் என்று கட்சியின் பேச்சாளர் கயந்த கருணாதிலக்க தெரிவித்துள்ளார்.

இந்தநிலையில் ஜனாதிபதி வெளிநாட்டு பயணங்களுக்காக அதிக செலவுகளை மேற்கொள்கிறார் என்று குற்றம் சுமத்தப்பட்டுள்ள நிலையில் ஜோன் அமரதுங்கவும் அவருடன் சென்றுள்ளமை குறித்து கேட்டபோது இது தொடர்பில் கட்சி தமது நிலைப்பாட்டை பின்னர் வெளியிடும் என்று கயந்த கருணாதிலக்க குறிப்பிட்டார்.

2:10 PM