சொத்து விபரங்களை சமர்ப்பிக்குமாறு கோத்தபாயவிற்கு ரவி கருணாநாயக்க சவால்

சொத்து விபரங்களை சமர்ப்பிக்குமாறு முன்னாள் பாதுகாப்புச் செயலாளர் கோத்தபாய ராஜபக்சவிற்கு நிதி அமைச்சர் ரவி கருணாநாயக்க சவால் விடுத்துள்ளார்.

2005ம் ஆண்டுக்கு பின்னர் கோத்தபாய திரட்டிய சொத்துக்கள் பற்றிய விபரங்களை முடிந்தால் சமர்ப்பிக்குமாறு நான் சவால் விடுக்கின்றேன்.
என்னுடைய சொத்து விபரங்கள் பற்றிய விபரங்களை நான் வெளியிடுவேன்.
அதேபோன்று கோத்தபாயவும் தனது சொத்து விபரங்களை வெளியிட வேண்டும்.
நான் ஓர் கணக்காய்வாளர் 1983ம் ஆண்டில் காணியை கொள்வனவு செய்தேன். 1994ம் ஆண்டில் வீட்டை நிர்மாணித்தேன்.
1994ம் ஆண்டு ஆகஸ்ட் மாதம் நான் நாடாளுமன்ற உறுப்பினராக தெரிவானேன்.
1993ம் ஆண்டு முதல் இதுவரையிலான காலப்பகுதிக்கான சொத்து விபரங்களை வெளியிட நான் தயார்.
அந்த விபரங்களை ஊடகவியலாளர்கள் பார்வையிட முடியும். கையூட்டல் ஊழல் தவிர்ப்பு ஆணைக்குழுவிடம் செய்யப்பட்ட மூன்று முறைப்பாடுகளை வெற்றிகரமாக எதிர்கொண்டுள்ளேன்.
கோத்தபாய ராஜபக்சவினால் தனது சொத்து விபரங்களை இவ்வாறு வெளிப்படுத்த முடியுமா என நான் கேள்வி எழுப்புகி;ன்றேன்.
எங்கள் மீது சேறு பூச வேண்டாம் என கோத்தபாயவிடம் கேட்கின்றேன்.
அமெரிக்கப் பிரஜையான கோத்தபாய இலங்கை குடியுரிமை பெற்றுக்கொண்டு இதனைப் பற்றி ஏன் பேசவில்லை.
ஊடகவியலாளர்கள் லசந்த விக்ரமதுங்க, பிரகீத் எக்னெலிகொட போன்றவர்கள் தொடர்பிலான பிரச்சினைகளுக்கு பதிலளிக்க வேண்டிய கடப்பாடு கோத்தபாயவிற்கு உண்டு.
உரிய விசாரணைகள் கூட இதுவைரயில் முறையாக நடைபெறவில்லை என அவர் தெரிவித்துள்ளார்.
முன்னாள் பாதுகாப்புச் செயலாளரினால் சுமத்தப்பட்ட குற்றச்சாட்டுக்கு பதிலளித்த போது அவர் இதனை ஊடகங்களுக்கு தெரிவித்துள்ளார்.

10:45 AM