பாராளுமன்றத்தில் வெள்ளிக்கிழமை ( 21) அமர்வின் போது பொதுமக்கள் பாதுகாப்பு அமைச்சர் ஆனந்த விஜேபால ' புதுக்கடை நீதிமன்றத்தில் இடம்பெற்ற துப்பாக்கிச்சூட்டு சம்பவம் மற்றும் மித்தெனிய பகுதி துப்பாக்கிச்சூட்டு சம்பவம் தொடர்பில் ' விசேட உரையை முன்வைத்தார். இதனைத் தொடர்ந்து உரையாற்றும் போதே ஹர்ஷண ராஜகருண மேற்கண்டவாறு குறிப்பிட்டார்.
அவர் மேலும் உரையாற்றியதாவது,
தேசிய பாதுகாப்புக்கு எவ்வித அச்சுறுத்தலுமில்லை என்று பொதுமக்கள் பாதுகாப்பு அமைச்சர் குறிப்பிடுகிறார். ஆனால் மக்கள் மத்தியில் தேசிய பாதுகாப்பு தொடர்பில் சந்தேக நிலை காணப்படுகிறது. கடந்த கால அரசாங்கத்தின் தரப்பினர்கள் பாதாள குழுக்களுடன் தொடர்பு கொண்டிருந்ததாக அமைச்சர் குறிப்பிட்டார்.
கடந்த கால அரசாங்கத்தின் பிரதிநிதிகளையும், அரசியல்வாதிகளையும் இவ்வாறு ஒன்றிணைத்து குறிப்பிடுவது முறையற்றது. பாதாள குழுக்களுடன் தொடர்பில் இருந்த அரசியல்வாதிகள் யார் என்பதை பெயர் விபரங்களுடன் மக்களுக்கு அறிவியுங்கள், சட்டத்தின் முன் அவர்களை நிறுத்துங்கள். அப்போது தான் சிறந்த அரசியல்வாதிகளுக்கும் நியாயம் கிடைக்கும்.
75 ஆண்டு காலத்தையும் அரசாங்கம் விமர்சிக்கிறது. கடந்த காலத்தின் பெறுபேறு தற்போது கிடைக்கிறது என்று குறிப்பிடுகிறார்கள். தற்போதைய முறையற்ற செயற்பாடுகளுக்கு இறந்த காலத்தை காரணமாக குறிப்பிடாதீர்கள். என்றார்.
0 comments:
Post a Comment