கிழக்கு மாகாணத்தில் உள்ள காணிப் பிரச்சினைகளை தீர்ப்பதற்கு முதலமைச்சர் முன் வருதல் வேண்டும்: கி.மா சபை சுகாதார அமைச்சர் எம்.ஐ.எம்.மன்சூர்

இப்னு செய்யத்,
இங்கு இருக்கின்ற பிரச்சினைகள் அனைத்திற்கும் முடிவை பெற்றுத் தருகின்ற ஒருவராக இருக்கின்றார்;  அவ்வாறு இல்லையென்றால் முதலமைச்சருக்கு என்ன வேலை?  என்ற கேள்விக்கு விடை தர வேண்டும்.  வெறுமனே நாங்கள் எங்களுடைய அதிகாரங்களை வைத்துக்கொண்டு தாண்டவம் ஆடுகின்ற அல்லது சுக போகங்களுக்காக வாகனங்கள் ஓடுகின்ற அல்லது குளிர் அறைகளிலே சல்லாபம் இடுகின்ற நிலமைiயில் இருந்து விடுபட நாங்கள் தயாராக இருக்கின்றோம்.  ஒரு வருடம் கடந்து விட்டது.  இருக்கின்ற இதர காலத்துக்குள் இந்த மக்களுக்கு ஏதாவது செய்தாக வேண்டும்.  செய்யக் கூடிய பெற்றுத் தருகின்ற பொறுப்பில் இருந்து கௌரவ முதலமைச்சர் விலக முடியாது.

இவ்வாறு கிழக்கு மாகாண சபையின் அமர்வின் போது சுகாதார அமைச்சர் எம்.ஐ.எம்.மன்சூர் கிழக்கு மாகாணத்தில் உள்ள காணிப் பிரச்சினைகள் பற்றி உரையாற்றும் போது தெரிவித்தார். அவர் தொடர்ந்து தெரிவித்ததாவது

கௌரவ தவிசாளர் அவர்களே, மிக அவசரமாக கௌரவ உறுப்பினர் அன்வர் அவர்களால் கொண்டு வரப்பட்ட பிரேரணை குறித்து நாங்கள் காலையில் இருந்து விவாதி;த்துக் கொண்டிருக்கின்றோம்  இந்த பிரேரணையின் உள்ளடக்கத்தைப் பார்க்கின்றபோது இவ்வாறான பிரேரணைகளை எதிர்கட்சி உறுப்பினர்கள்தான் கொண்டு வருவது வழக்கம்.  ஏனென்றால் ஆளும் கட்சியில் இருப்பவர்கள் இவ்வாறான பிரச்சினைகளுக்கு பிரேரணை சமர்ப்பிக்க வேண்டிய அவசியம் கிடையாது.  எந்த அரசாங்கத்தை சார்ந்தவர்களாக இருக்கின்றார்களோ அந்த அரசாங்கத்தினுடைய உதவியைக் கொண்டு அந்த பிரச்சினையை அவ்வப்போது முடித்துக்கொள்ள முடியுமாக இருக்கும்.  இருந்தும் வந்திருக்கின்றது.  ஆனால் அண்மைக்காலமாக அவ்வாறான நிலமை இல்லாமை நீடித்து வந்திருக்கின்றது.  எங்களுடைய கௌரவ உறுப்பினர் அமீர் அலி அவர்கள் கூட கருமலையூற்று மக்களுடைய பிரச்சினையை தீர்ப்பதற்காகவும் ஒரு பிரேரணையை சமர்ப்பித்து இருந்தார்.  அது குறித்த தீர்மானங்களை இந்த சபை நிறைவேற்றி இற்றைக்கு 6 மாதங்கள் ஆகிவிட்டன என நான் நம்புகின்றேன்.  அது போலவே தமிழ் தேசிய கூட்டமைப்பைச் சேர்ந்த கௌரவ உறுப்பினர்கள் சம்பூர் மக்களுடைய பிரச்சினை குறித்து அவர்களுடைய ஆதங்கத்தை, விசனத்தை இங்கு தெரிவித்து இருக்கின்றார்கள். இன்று புல்மோட்டை மக்களுடைய பிரச்சினையை குறித்து பேசிக்கொண்டு இருக்கின்றோம்.  அதற்கான பிரேரணையை ஆளும் தரப்பைச் சேர்நத ஒரு கௌரவ உறுப்பினர் சமர்ப்பித்து இருக்கின்றார். 

இது உண்மையில் வெட்கப்பட்டுகின்ற விடயம். எதிர்க்கட்சி கௌரவ உறுப்பினர்கள் எங்களை ஒரு நலினத்தோடு பார்க்கின்ற விடயமாக இருக்கின்றது. அவ்வாறு கேள்விகளையும் எழுப்பியிருக்கின்றார்கள்.  அது மாத்திரம் அன்றி இந்த பிரச்சினைக்கான காரணிகள், இந்த பிரச்சினைக்கான தீர்வுகள் எங்கே இருக்கின்றது?  என்பது குறித்தும் சரியான தெளிவும் அனைவருக்கும் இருக்கின்றது.  எல்லோரும் இங்கு வெளிப்படையாகவே அவர்கது கருத்தைச் சொல்லியிருக்கின்றார்கள்.  ஏறக்குறைய இது முஸ்லீம்களுக்கு மாத்திரம் அல்ல கிழக்கு மாகாணத்தில் உள்ள எல்லா மக்களுக்கும் இருக்கின்ற பிரச்சினையாக இங்கு சொல்லப்பட்டு இருக்கின்றது.  தொல்பொருள் ஆராய்ச்சி திணைக்களம், வன இலாகா திணைக்களம், கரையோர பாதுகாப்புத் திணைக்களம், மகாவலி அதிகார சபை, வன விலங்கு திணைக்களம், போதாதென்று கடற்படை போன்ற கருவிகளை பாவித்து இந்த இடங்கள் கபளிகரம் செய்கின்ற நிலமை நீடித்து வருகின்றது. நாங்கள் சிலவேளை எங்களுடைய கோபம் காரணமாக கடற்படையினருக்கும், அல்லது ஏனைய திணைக்களத்திற்கும் நாங்கள் பேசிக்கொண்டு இருக்கின்றோம்.  அவர்களுக்கு எதிரான கருத்துக்களை தெரிவித்துக் கொண்டு இருக்கின்றோம்.

'எய்தவன் இருக்க அம்பை நோவான் ஏன்' என்பது போல நாங்கள் காரணிகள் அறிந்தும் காரண கர்த்தாக்கள் யார் என்று அறிந்தும் நாங்கள் எங்களுக்குள்ளே முரண்பட்டு பேசிக்கொண்டு இருக்கின்றோம்.  ஏறக்குறைய கிழக்கு மாகாணத்திலே இருக்கின்ற கரையோரம் சார்ந்த இடங்கள் யாருக்கொல்லாம் அழகாக தென்படுகின்றதோ அவர்களுடைய ஆசை மேலீட்டின் காரணமாக அவற்றை கபளிகரம் செய்வதற்கு நான் மேற்சொன்ன சக்திகளை, வளங்களை, அதிகாரங்களை அதிகார கட்டமைப்புக்களை பாவித்துக்கொண்டு இருக்கின்றனர் என்பதுதான் யதார்த்தம், உண்மை.  இந்த நிலமையில் இருந்து எவ்வாறு எமது மக்களை பாதுகாப்பது என்பதுதான் இன்று எங்களுக்கு இருக்கின்ற பிரச்சினை, கேள்வி இந்த கேள்விக்கு விடையாக குறித்த பொறுப்புடைய அமைச்சிலே ஒரு அரசியல் தீர்வு காணப்பட வேண்டும் என்பதையும் வெளிப்படையாக சொல்லியிருக்கின்றார்.  பாராட்டத்தக்கது.  இங்கே உயர் நீதிமன்றத்தினால் காணி அதிகாரம் மத்திய அரசிற்குத்தான் இருக்கின்றது என்று தீர்ப்ளித்தாலும் கூட மாகாண அரசிற்கு காணி அதிகாரம் இல்லை என்று சொல்லவில்லை.  மாகாண சபைக்கு மாகாண அரசிற்கு காணி அதிகாரம் இல்லாமல் இல்லை.  ஆனால் இந்த அதிகாரங்கள் யார் யாருக்கு பொறுப்புடையதாக இருக்கின்றதோ அவர்கள் அந்த அதிகாரங்களை கையாளுகின்ற முறைமையில்தான் இந்த அதிகாரங்கள் நடைமுறைக்கு வருகின்றது என்பதுதான் யதார்த்தம்.

சில வேளைகளில் நாங்கள் எங்களுக்கே உரிய அதிகாரங்களை மிகச் சரிவர கையாளத் தவறுவோமானால் அல்லது அதை பயன்படுத்த தயங்குவோமானால் அதிகாரங்கள் எங்களிடமிருந்து இல்லாமல் போய்விடும் அல்லது இல்லாமலே காட்சிப்படுத்தப்படும் என்பதுதான் உண்மை.  இந்த மாகாண சபையை பொறுத்த வரையில் இந்த மாகாண மக்கள் பாரிய அபிலாசைகளோடும் எதிர்பார்ப்புக்களோடும் இருக்கின்றார்கள்.  சுனாமியினாலும் யுத்தத்தினாலும் பாதிக்கப்பட்ட மக்கள் தங்களுடைய அபிலாசைகளை நிறைவேற்றிக் கொள்வதற்காக இங்கே இருக்கின்ற ஒவ்வொரு உறுப்பினர்களையும் நம்பி வாக்களித்து இருக்கின்றார்கள்  இற்றைக்கு ஒரு வருடத்தை நாங்கள் கழித்து இருக்கின்றோம்.  ஒரு அமைச்சராக இருந்து கொண்டு நான் இதை கூறுவதற்கு சங்கடப்படவில்லை.  நிச்சயமாக ஏறக்குறைய எதையும் இங்த மக்களுக்கு செய்ய முடியாதவர்களாக நாங்கள் இருந்து விடுவோமா,?  இருக்கின்ற காலத்தை நாங்கள் கழிக்கப் போகி;றோமா? என்ற கேள்வியை எங்களுக்குள்Nளு எழுப்ப வேண்டிய அவசியம் இருக்கின்றது.  அதற்கான தீர்வை மிக அவசரமாக எடுக்க வேண்டிய தேவையும் இருக்கின்றது.  இங்கு மாகாண சபைக்கென ஓதுக்கீடு செய்யப்பட்ட எங்களுடைய அமைச்சுக்கான ஒதுக்கீடு குறித்து எங்களுடைய கௌரவ உறுப்பினர் துiரெட்ணம் அவர்கள் அவரது ஆட்சேபனையை தெரிவித்திருந்தார்.  நேற்று அவரும் ஒருவராக இருந்து எங்களுடைய அமைச்சில் நடத்தப்பட்ட ஆலோசனைக் கூட்டத்தில் அவர் அறிந்து கொண்ட தகவலை இங்கு பிரஸ்தாபித்து இருக்கின்றார்.

இதுதான் நிலைமை.  ஒவ்வொரு வருடமும் ஒதுக்கப்படுகின்ற ஒதுக்கீடானது போதுமானதாக இல்லாது இருந்தபோது தேவை மிக தாராளமாக இருந்தபோதும் மிக கணிசமான அளவை ஒதுக்கீடு செய்கின்ற போதும் அந்த ஒக்கீடுகளைக் கொண்டு தீர்மானிக்கப்பட்;ட வேலைகளை கூட நடைமுறைபப்டுத்த முடியாத நிலைமை தோன்றியிருக்கின்றது.  இந்த வருடத்தில் ஒதுக்கப்பட்ட பணத்தில் அரைவாசி ஏறக்குறைய மூன்றில் ஒரு பங்கு நிறைவேற்றி இருக்கின்றோம்.  தங்போது அந்த ஒதுக்கீட்டிலே அரைவாசிதான் இதுவரை கிடைக்கப்பெற்று இருக்கின்றது.  மீதி கிடைக்காது என்ற செய்தியும் எங்களுக்கு அறிவிக்கப்பட்டு இருக்கின்றது. ஏற்கனவே ஒவ்வொரு கௌரவ உறப்பினர்களும், கௌரவ அமைச்சர்களும் அல்லது மக்களும் வேண்டுகோள்களை விடுத்து இருக்கின்றார்கள். அவர்களுடைய விண்ணப்பம் அடுத்த வருடம் நிச்சயமாக நிறைவேற்றப்படும் என்று நாங்கள் வாக்குறுதி வழங்கி இருக்கின்றோம்.  அவைகளை நிறைவேற்ற முடியாத ஒரு அமைச்சர்களாக ஆட்சியாளர்களாக நாங்கள் இருக்கப் போகின்றோமே என்ற ஒரு சங்கடம் எஙகளுக்கும் மேலெழுந்து இருக்கின்றது.  இவ்வாறு பாரிய பிரச்சினைகள் கிழக்கு மாகாணத்தில் இருக்கின்றது.  'வெந்நீர் ஊற்றிலே' பணம் அறவிடுகின்றார்கள் என்று சொல்லப்படுகின்றது.  அங்கு இரணுவத்தினர் பணம் அறவிடுகின்றார்கள்.  'மாபிள் பீச்' என்ற இடத்தில் கடற்படையினரால் பணம் அறவிடப்படுகின்றது. அவ்வாறென்றால் உள்ளுராட்சி அமைச்சுக்கே உரித்தான அந்த அறவீடுகளை உறுதி செய்கின்ற பொறுப்புடைய எங்களுடைய கௌரவ முதலமைச்சர் அவர்கள் என்ன செய்து கொண்டு இருக்கின்றார்கள்;?

முதலமைச்சர் என்பதற்கு அர்த்தம் இருக்கின்றது.  இல்லாவிட்டால் அவரை ஒரு உள்ளுராட்சி அமைச்சர் என்று அறிவித்து இருக்கலாம்.  அவ்வாறு பெயரிட்டு இருலக்கலாம்.  கௌரவ முதலமைச்சர் என்பவர்தான் இங்கு இருக்கின்ற பிரச்சினைகள் அனைத்திற்கும் முடிவை பெற்றுத் தருகின்ற ஒருவராக இருக்கின்றார்;  அவ்வாறு இல்லையென்றால் முதலமைச்சருக்கு என்ன வேலை?  என்ற கேள்விக்கு விடை தர வேண்டும்.  வெறுமனே நாங்கள் எங்களுடைய அதிகாரங்களை வைத்துக்கொண்டு தாண்டவம் ஆடுகின்ற அல்லது சுக போகங்களுக்காக வாகனங்கள் ஓடுகின்ற அல்லது குளிர் அறைகளிலே சல்லாபம் இடுகின்ற நிலமைiயில் இருந்து விடுபட நாங்கள் தயாராக இருக்கின்றோம்.  ஒரு வருடம் கடந்து விட்டது.  இருக்கின்ற இதர காலத்துக்குள் இந்த மக்களுக்கு ஏதாவது செய்தாக வேண்டும்.  செய்யக் கூடிய பெற்றுத் தருகின்ற பொறுப்பில் இருந்து கௌரவ முதலமைச்சர் விலக முடியாது.  அதிகாரம் கிழக்கு மாகாண சபைக்கு இருக்கின்றதா இல்லையா என்பது பற்றி பல விதமான கருத்து மோதல்கள் ஆங்காங்கே ஒவ்வொரு இடங்களிலும் ஒவ்வொரு சந்தர்ப்பங்களிலும் நாங்கள் பேசிக்கொண்டு இருக்கின்றோம்.  நான் நம்புகின்றேன் வடக்கு மாகாண சபை மாகாண சபைகளுக்கு உரித்தான அதிகாரங்கள் என்ன என்பதை இந்த நாட்டிற்கு நிச்சயமாக கற்பிக்கப் போகின்றது.  நான் ஏற்கனவே கூறியது போன்று அதிகாரத்தை கையில் எடுக்கின்ற திறன் உடையவர்களாக அந்த அதிகாரத்தை சுமந்தவர்கள் இருக்க வேண்டும்.  அவர்களால் மாத்திரம்தான் இவைகளை இந்த உலகிற்கு செய்து காட்ட முடியும்.  நாங்கள் இந்த மாகாண சபையிலே ஆட்சியாளரர்ளாக இருந்து கொண்டு இதில் சொன்ன விடயங்களை மற்றவர்களுடைய வாழ்வுரிமை விடயங்களில் நாங்கள் தீர்வை பெற்றுக் கொடுக்க முடியவில்லை என்றால் நாங்கள் எதற்காக இங்கு இருக்கின்றோம்.

இங்கு ஏற்கனவே சிவில் நிர்வாகம் இடம்பெற்று இருந்ததால் இங்கே காணிப்பத்திரம் என்று சொன்னார்கள்.  உறுதி வழங்கப்பட்டு இருக்கின்றதால் சட்டரீதியாக தற்போது உறுதி உடையவர்களாக அவர்கள் மாறியிருப்பார்கள்.  நாங்கள் அந்த நாட்;டின் சிறுபான்மையாக இருந்தாலும் பெரும்பான்மை மக்களுடைய அடையாளங்கள் ஆங்காங்கே இருக்க வேண்டும் என்பதில் உடன்பாடு இருக்கின்றது.  புதைபொருள் ஆராய்ச்சி திணைக்களத்திற்கு உரித்தான விடயங்கள் பாதுகாக்கப்பட வேண்டும் என்பதில் நாங்கள் உறுதியாக இருக்கின்றோம்.  ஆனால் இவைகளை பெயராக வைத்து 'பன்சலை' என்ற பெயரிலே பக்கத்திலே இருக்கின்ற காணிகளை கபளீகரம் செய்கின்ற கேவலமான நிலையில் இருந்து இந்த மக்களை பாதுகாக்க வேண்டிய அவசியம் இருக்கின்றது.  அதற்காக என்ன செய்வதாக இருந்தலும் நான் நம்புகின்றேன் எங்களுடைய ஆளும் கட்சி கௌரவ உறுப்பினர்கள் அனைவரும் சேர்ந்து மிக தெளிவான முடிவை எடுப்பதற்கு நாங்கள் தயாராக இருக்கின்றோம்.  அவ்வாறு அவர்கள் ஒத்துவர தவறினால் நிச்சயமாக எங்களுடைய முஸ்லீம் காங்கிரஸ் எமது குழுத் தலைவர் அவர்கள் கூறியது போன்று மிக தெளிவான முடிவை மிக அவசரமாக எடுப்பதற்கு தயாராக இருக்கும் என்பதை இந்த சபையில் கூறுகின்றேன்.

ஆகவே கௌரவ சபாநாயகர் அவர்களே எமது கௌரவ முதலமைச்சர் அவர்கள் இந்த விடயத்தில் எதிர்காலத்திற்குள் இதனை ஒரு அர்த்தமற்ற சபையாக மக்களுக்கு எதுவும் செய்ய முடியாத ஒரு சபையாக இல்லாமல் ஒரு அர்த்தபுஸ்டியான சபையாக மக்களுக்கு சேவையாற்றுகின்ற அதே போன்று பிரச்சினைகளில் இருந்து மக்களுக்கு தீர்வைப் பெற்றுக்கொடுக்கின்ற ஒரு சபையாக நடாத்த முன்வர வேண்டும்.  இல்லையேல் இந்த சபையை விட்டு எல்லோரும் வீடு செல்வதற்கு ஒத்துழைக்க வேண்டும் 

7:27 PM