வெளிநாட்டு வாழ் சொந்தங்களுக்கு ஒரு திறந்த மடல்

(வெளிநாட்டு தொழில் வாய்ப்பின் அவலம் சமூதாய அனுபவ பகிர்வு)

இன்றைய நிலையில் எமது இலங்கை தீவை பொறுத்த வரையில் அதிகரித்த வாழ்க்கைச்செலவு, பொருளாதார வீழ்ச்சி,போதிய தொழில் வாய்ப்புகள் முதலீடுகள் இல்லை அன்றாட ஜீவனோபாய தேவைகளை நிபர்த்தி செய்யக்கூடிய போதியளவு வருமானமில்லை இன்னும் எத்தனையோ காரணங்களை முன்வைத்து வெளிநாட்டு வேலை வாய்ப்புகளை பெற்று பல்வேறுபட்ட நாடுகளுக்கு எமது மக்கள் செல்லுகின்றனர்.

குறிப்பிட்டு செல்லுமிடத்து எமது முஸ்லிம் சமூகம் பெரும்பாலும் வெளிநாட்டு வாழ்கையை விரும்பி ஏற்றுக்கொண்டது இல்லை.இவ் வாழ்க்கையானது  எமது சமூகம் தனக்கு தானே சுமத்திக்கொண்ட சுமையை தவிர வேறில்லை. அதிகரித்த செலவீனம்,ஆடம்பர வாழ்க்கை
,கடன்சுமை,முதலீடு இல்லை,தொழிலில் நஷ்ட்டம் இன்னும்  குறிபிட்டு சொல்லுமிடத்து எமது சமூகத்தில் சீதனம் என்னும் ஆட்கொல்லி நோய் பெரும் பங்கு வகிக்கின்றது.   இந்த சீதனம் எனும் வன்கொடுமைக்காக தனது குடும்பத்திற்காக தனது உடல் பொருள் ஆவி போன்ற முழுவதையும் அர்பணித்த புனிதர்கள் எத்தனையோ பேர் எமது சமூகத்தின் கலங்கரை விளக்காக மின்னிக்கொண்டு உள்ளனர் இருந்தாலும் எமது சமூகம் இவர்களுக்கு சரியான ஒரு அந்தஸ்த்தை வழங்குகின்றதா?? நிச்சயமாக இல்லை.

வெளிநாட்டுப் பணம் சம்பாதிப்பதற்காக தனது குடும்பம்,ஆசாபாசங்கள்,உணர்வுகள்,நிம்மதி,கல்வி ஏன் எதிர்கால கனவுகள் அத்தனையும் குழி தொண்டிப்புதைத்து விட்டு தமது குடும்பத்திற்காக  விழி தெரியாமல் வழி தடுமாறிக்கொண்டு இருக்கும் சகோதரர சகோதரிகள் எத்தனை பேர் இத்தனையும் இழந்து தனது வாழ்கையில் முன்னேற்றம் அடைந்தவர்கள் இவர்களில் எத்தனைபேர் விரல் விட்டு என்னும் அளவுக்கு சொற்பமான ஒரு சிலரை தவிர வேறில்லை  அற்ப பணத்துக்காக இழந்த எல்லாவற்றையும் பின் மீட்டிக்கொல்லாமா? நிச்சயமாக ஒருபோதும் இல்லை.

இந்தசமூகமானது வெளிநாட்டுக்கு பொருள் ஈட்ட  சென்ற நபர்களுக்கு சரியான சமூக அங்கீகாரம் வழங்குவதில்லை அதற்க்கான காரணம் என்ன வென்று அறிவது குதிரைக்கொம்பை போல் தான் உள்ளது இருந்தாலும் அடையாளம் காணப்பட்ட சில காரணங்களும் இருக்கத்தான் செய்கின்றது.

வெளிநாட்டுப்பணம் கொஞ்சநாளைக்குள் தீர்ந்து விடும் அந்த நறுமண வாசனை கொஞ்சநாளைக்குதான்,வெளிநாடு சென்றவர் தொடர்ந்து சென்று கொண்டிருப்பார் கஷ்ட்டப்பட்டு முன்னேற தெரியாதவர் என்றெல்லாம் எமது சமூகம் இவர்களுக்கு அடைமொழி கொண்டு அழைக்கும் அதேவேளையில்

வெளிநாடு சென்று திரும்பிய நபர்களுக்கு தொழில்வாய்ப்புகள் ஏற்ப்படுத்திக்கொள்ளுவதில் இடர்,திருமணம் முடிப்பதில் பிரச்சினை,அரச அலுவலகங்களில் தனது தேவைகளை முடித்துக்கொள்ளுவதில் பிரச்சினை,குறிப்பிட்ட கால இடைவெளியில் இடம்பெற்ற பொருளாதார மாற்றம் விலைவாசி உயர்வு போற்றவற்றை சமாளிப்பதில் சங்கடம், சமூகம் கொண்டுள்ள எதிர்பார்ப்புகளை நிபர்த்தி பண்ணுவதில் சிரமம் , சரியான நண்பர்களைக்கூட அடையாளம் காணுவதில் சிரமம்,தனது நாட்டை பற்றி ஊரை பற்றி ஊரின் எதிர்காலம் பற்றி பொதுச்சபை சந்தடிகளில் கருத்துக்கூறுவதற்கு கூட அருகதை இல்லை தற்போதைய நிலையில் சமூக வலைத்தளங்களில் கருத்துக்கூறக் கூட அனுமதி மறுக்கப்படும் அவலம் இல்லாமலில்லை.

இதற்க்கெல்லாம் யார் காரண கர்த்தா??

சற்று யோசித்து பாருங்கள் மகா ஜனங்களே!!!

இதற்க்கு சம்மந்தப்பட்டவர்களும், பொதுமக்களாகிய நீங்களும் எமது அரசாங்கமும் அரசியல் வாதிகளும் தான் காரணம்.

இத்தனைக்கும் அரசாங்கத்தையும் அரசியலையும் இன்னும் உயர்பதவிகளில் இருப்பவர்களையும் நிக்க வைத்து கேள்வி கேட்டக கூடிய முழுத்தகுதியும் இவர்களுக்குத்தான் உள்ளது. காரணம் இவர்களது சம்பாத்தியத்தின் மூலம் கிடைக்கும் அந்நிய செலாவணி மூலம் தான் இவர்கள் அரசியல் செய்து ஆடம்பரம் நடத்துகின்றனர்.

இவர்கள் நாட்டை உறுஞ்சி குடிக்கவில்லை தனது சொந்த உடலுழைப்பை நம்பியே வெளிநாடு செல்கின்றனர்.

இலங்கை தீவின் மொத்த தேசிய வருமானத்தின் கணிசமான அளவு  அந்நிய செலாவனி வெளிநாட்டு வேலைவாய்ப்பு தேடிச்சென்ற குடிமக்களால்தான் கிடைக்கப்பெறுகின்றது என்பது யாரும் மறைக்கவோ மறுக்கவோ  முடியாத உண்மை.அதற்க்கு நிறைய ஆதாரங்கள்,ஆய்வுகள் மற்றும் புள்ளி விபரங்கள் இருக்கின்றது சொந்த நாட்டில்  தொழில் புரிவதைவிட தனது குடும்பத்தின் எழுச்சிக்காக மட்டுமல்ல நாட்டின் எழுச்சிக்காக பாடுபடும் இவர்கள் இந்த நாட்டின் சொத்துக்க்காகளாக மதிக்கப்படவேண்டியவர்கள் இஸ்லாமிய அடிப்படையில் சொல்லப்போனால் இவர்கள் சதகத்துல்  ஜாரியா எனும் நிலையான தருமம் செய்கின்றனர் நாட்டுக்காக.

ஆனால் இன்று நடப்பதோ சொல்லுவதற்க்கே அசிங்கமாக உள்ளது குறிப்பிட்டு சொல்லுமிடத்து (அண்மைக்காலமாக) கடந்த மூன்று மாதங்களுக்கு மேலாக சவூதியில் தெருவோரத்தில் தங்கியிருக்கும் எமது சொந்தங்களை உடன்பிறப்புகளை நாட்டுக்கு பாதுகாப்பாக கொண்டுவர நடவடிக்கை எடுக்க எந்த அரசியல் வாதிகளும் வங்குரோத்து பிடித்த அமைச்சர்களும் அரசியல் தலைமைகளும் முன்வரவில்லை மக்களுக்காக நியமிக்கப்பட்ட தூதரகங்களும் வாய்மூடி மெளனமாக இருக்கின்றன தெருவோரத்தில் அனாதையாக படுத்து உறங்கும் காட்சிகள் எம்மை பாடாத பாடு படுத்துகின்றன அதே நேரம் வெளிநாட்டு தொழிலாளர்கள் படும் அவலங்களை தட்டிக்கேட்க கூட நாதி இல்லாத அமைச்சர்கள் மற்றும் அரசியல் தலைமைகள் குறிப்பாக எமது முஸ்லிம் தலைமைகள் ஐயோ பரிதாபம். எமது   நாட்டின் முன்னேற்ற பாதையல் தன்னையே அர்ப்பணித்த இந்த சொத்துகளை பேணிப்பாதுகாக்க தவறியது ஏனோ???

இது ஒரு புறமிருக்க !!

இவ் வெளிநாட்டு வாழ் சகோதர சொந்தங்கள் தன்னைப் பற்றி தனது எதிகால வாழ்கை பற்றி சிந்திக்க மறந்தது ஏனோ??

வெளிநாட்டுக்கு தொழில் தேடிவந்தவுடன் பெரும்பாலான நபர்கள் தனது இயல்புநிலையை மாற்றிக்கொண்டு செயல் பட ஆரம்பிக்கின்றனர் இதன் விளைவு இலக்குகள் இன்றி பயணிக்கும் ஒரு பிரயாணி போல் பயணிக்கின்றனர் இதன் காரணத்தினால் தான் எமது சமூகம் இவர்களை வெறுக்க ஆரம்பிக்கின்றது குறிப்பிட்டு சொல்லப்போனால் இன்றைய நவீன உலக செயர்ப்படுகளுக்கு ஏற்ப மாதிரி தன்னை மாற்றிக்கொன்டதன் விளைவு தனது ஆயுளில் பலவருடங்களை செலவு செய்து வந்த நோக்கத்தை அடையாமல் காலத்தையும் தேடிய செல்வத்தையும்  இழந்து முதுமையில் இன்னும் வெளிநாடுகளில் எதிர் கால கனவுகளை குழி தொண்டிப்புதைத்த நபர்கள் நம்மில்  எத்தனை எத்தனையோ பேர்.வெளிநாடுகளில் தன்னை மற்றவர்கள் உயர்வாக நினைக்கவேண்டும் என்று கருதி தனது வருமானத்தை மிஞ்சி செலவு செய்து கடனாளியாக மாறிய சகோதரர்கள் எத்தனை எத்தனையோ பேர்.

ஆரறிவு படைத்த மனிதன் சில நேரங்களில் மூடனாக மாறுகின்றான் இதுதான் காலத்தின் சித்து விளையாட்டு. எல்லாம் இறைவன் நாட்டம்தான் இருந்தாலும் நாம் தேடினால் அவன் எமக்கு சிறப்பான எதிர்காலத்தை தருவான்.நபிகளாரின் வாக்கும் அதுவே "தெண்டித்தவன் பெற்றுக்கொள்ளுவான்".

வாழ்க்கை என்பது ஒரு சுவாரஸ்யமான ஒரு பயணம் அதில் மேடு பள்ளம் கஷ்ட்டம் நஷ்ட்டம் எல்லாம் இருக்கத்தான் செய்யும் இதற்கு  நிரந்தர தீர்வு காணவேண்டும் என்று தனது எதிர்காலத்தையே தொலைத்து முட்டாள் ஆகுவது ஏனோ?

 எல்லாம் வல்ல இறைவன் நாடியதை தவிர வேறொன்றும் நடக்காது என்ற சிந்தனை எமக்கு கண்டிப்பாக வரவேண்டும் எல்லாம் நன்மைக்கே என்ற எண்ணமும் எம்முள் வரவேண்டும் எல்லாவற்றையும் இழந்தாலும் பெறலாம் விலைமதிக்கமுடியாத இளமையை,காலநேரத்தை இல் இழந்தால் நிச்சயமாக பெறமுடியாது அற்ப சுகங்களுக்காக அரும் பொக்கிசத்தை இழக்கலாமா???

சிந்தியுங்கள் வெளிநாட்டு வாழ் சொந்தங்களே!!

ஆரோகியமான சிந்தனைகள் எதிர்கால வாழ்கையை திறம்பட அமைத்துக்கொடுக்கும் உரிய நோக்கத்தை அடைவதற்காக மட்டுமே எமது இளமையை,கால நேரத்தை மற்றும் நாம் தேடிய செல்வத்தை  பயன்படுத்துதல் வேண்டும் அதைவிடுத்து வெறுமனே எந்தவித தூரநோக்க சிந்தனை இன்றி வெறும் அற்ப ஆசைகளுக்காக கால நேரத்தை செல்வத்தை வீண் விரயம் செய்வது பெரும் முட்டாள் தனம்.உங்களது எதிர்காலம் உங்களது கைகளிலேயே வாழ்கையில் வெறிபெற வேண்டும் என்ற கனவை விதைத்துக்கொள்ளுங்கள் அதோடு முயர்ச்சியும் செய்யுங்கள் எல்லாம் வல்ல இறைவன் உங்களுக்கு உதவுவான்.

ஏக இறைவா பல்வேறு கனவுகள் பிரச்சினைகள் ஏக்கங்களுடன் வெளிநாடுகளில் தங்கி பல்வேறு பட்ட இன்னல்களுக்குள் தொழில் புரிந்து சம்பாதிக்கும் எமது சொந்தங்களுக்கு நல்ல சிந்தனையையும் அவர்களின் வருமானத்தில் அபிவிருத்தியையும் வளமான எதிர்கால  வாழ்க்கையையும் ஏற்ப்படுத்தி அருள் புரிவாயாக!!

ஆமீன் .. ஆமீன். அல்ஹம்துலில்லாஹ், புகழ் அனைத்தும் அல்லாஹ்வுக்கே..

முஹம்மது காமில்..

11:40 PM