தென்கிழக்கு பல்கலைக்கழகத்தை இன்னும் முன்னேற்ற குறுகிய சிந்தனைகளில் இருந்து விடுபடவேண்டும்: உபவேந்தர் எஸ்.எம்.இஸ்மாயில்

எம்.வை.அமீர்;

தென்கிழக்கு பல்கலைக்கழகம் ஒரு தேசிய பல்கலைக்கழகமாகும். இங்கு பணிபுரியும் அநேகர் இப்பிரதேசத்தை சேர்ந்தவர்கள் என்பதனாலும், உள்ளூரில் உள்ள சிலரினாலும் இது எங்களது சொத்துஇ நிறுவனம்  என்ற வாதங்கள் முன்வைக்கப்படுகின்றது. இச்சிந்தனயானது ஏனையோர் மத்தியில் வித்தியாசமாக நோக்கப்படுகின்றது. நாங்கள் மேற்படி சிந்தனையில் இருந்து விடு படவேண்டும். என்று இன்று இடம்பெற்ற தென்கிழக்கு பல்கலைக்கழகத்தின் கல்விசாரா ஊழியர்களின் 16வது வருடாந்த மாநாட்டில் பிரதம அதிதியாக கலந்து கொண்டு உரையாற்றிய உபவேந்தர் கலாநிதி எஸ்.எம்.இஸ்மாயில் தெரிவித்தார்.

கல்விசாரா ஊழியர்களின் சங்க தலைவர் எம்.ஏ.றிபாயிஸ் முகம்மட் தலைமையில் தென்கிழக்கு பல்கலைக்கழகத்தில் இடம்பெற்ற இந்நிகழ்வில் தொடர்ந்து உரையாற்றிய உபவேந்தர் எஸ்.எம்.இஸ்மாயில் மேற்படி கூற்றுக்கள் சிலநேரங்களில் இப் பல்கலைக்கழகத்தின் வளர்ச்சியிலும் தடையாக இருந்து வருகின்றன. எனவே நாங்கள் இவ்வாறான குறுகிய சிந்தனைகளில் இருந்து மாறுபடவேண்டும். அப்போதுதான் நாம் இப்பல்கலைக்கழகத்தை தேசிய பல்கலைக்கழகத்தின் நிலைக்கு இட்டுச்செல்ல முடியும். என்றும் தெரிவித்தார். தற்போது தேசிய விழுமியங்களை பின்பற்றிச்செல்லும் தேசிய பலகலைக்கழகம் என்பதில் மாற்றுக்கருத்துக்கு இடமில்லை என்றும் தெரிவித்தார்.

தனது நான்கு வருட கால உபவேந்தர் காலப்பகுதியில் இப்பல்கலைக்கழகத்தின் வளர்ச்சியில் பல்வேறுபட்ட சவால்களை சந்தித்தாதாகவும் அந்தவேளையில் எல்லாம் பலகலைக்கழக சமூகம் சிறந்த முறையில் ஒத்துழைத்ததாகவும் அது தனது முயற்சிக்கு பலமாக அமைந்ததாகவும் குறிப்பிட்டார். பொறியியால் பீடம் ஒன்றை தென்கிழக்கு பலகலைக்கழகத்தில் நிறுவியதானது பலகலைக்கழகம் பெற்ற ஒரு பாரிய வெற்றி என்றும் தெரிவித்தார்.

கல்விசாரா ஊழியர்களின் 16வது வருடாந்த மாநாட்டின் போது நடப்பு வருடத்துக்கான நிருவாகத்தினரும் தெரிவு செய்யப்பட்டனர். இதில் தலைவராக வை. முபாரக்கும் செயலாளராக எஸ்.எல்.அஹட்டும்  பொருளாளராக எம்.எச்.எம்.வாகிர் போன்றோரும் ஏனைய துணை நிறுவனங்களுக்கு புதிய உத்தியோகத்தரும் தெரிவு செய்யப்பட்டனர்.

7:35 PM