கான்பெரா-
ஆஸ்திரேலியாவில் அடுத்த மாதம் செப்டம்பர் 7ந் தேதி பாராளுமன்ற தேர்தல்
நடைபெறுகிறது. அதில் பிரதமர் கெவின் ரூட் தலைமையிலான தொழிலாளர்
கட்சிக்கும், டோனி அப்போத் தலைமையிலான கன்சர்வேடிவ் கூட்டணிக்கும் இடையே
கடும் போட்டி நிலவி வருகிறது. ஏற்கனவே பிரதமராக இருந்த ஜூலியா
கில்லார்டுக்கு செல்வாக்கு சரிந்ததால் கெவின் ரூட் பதவியை கைப்பற்றினார்.
ஆனாலும், இத்தேர்தலில் ஆளுங்கட்சிக்கு பின்னடைவே ஏற்படும் என கூறப்படுகிறது.
இத்தேர்தல் தொடர்பாக ஆஸ்திரேலியாவின் பிரபல பத்திரிகை சமீபத்தில் நாடு
தழுவிய கருத்து கணிப்பு நடத்தியது. அதில் ஆளுங்கட்சிக்கு எதிர்ப்பு அலை
வீசுவது தெரியவந்தது. எதிர்க்கட்சிக்கு 54 சதவீத ஆதரவும், ஆளுங்கட்சிக்கு
46 சதவீத ஆதரவும் இருப்பதாக கருத்து கணிப்பு முடிவு கூறுகிறது. அதன்படி
மொத்தம் உள்ள 150 தொகுதிகளில் எதிர்க்கட்சி கூட்டணி 89 இடங்களை பிடித்து
ஆட்சியை கைப்பற்றும் என்றும் ஆளுங்கட்சி 14 தொகுதியை இழந்து 56 இடங்களில்
வெற்றி பெறும் என்றும் தெரியவருகிறது. பொருளாதார வீழ்ச்சி மற்றும்
அனுமதியற்ற குடியேற்றம் ஆகியவை ஆட்சியாளர் மீது வாக்காளர்களுக்கு கடும்
அதிருப்தியை ஏற்படுத்துகிறது.
0 comments:
Post a Comment