நைரோபி:
கென்யாவின் நைரோபி ஷாப்பிங் மாலில் தீவிரவாதிகளின் பிடியில் உள்ள 200 பிணை
கைதிகளை மீட்க 3வது நாளாக பாதுகாப்பு படையினர் போராடி வருகின்றனர்.
இதற்கிடையில் தீவிரவாதிகளின் தாக்குதலில் பலியானவர்களின் எண்ணிக்கை 68 பேராக
உயர்ந்துள்ளது.
பலி
எண்ணிக்கை மேலும் அதிகரிக்கும் என்று அஞ்சப்படுகிறது.
பாதுகாப்பு படையினர் சம்பவ இடத்துக்கு விரைந்தனர். அப்போது,
தீவிரவாதிகள் பொதுமக்களோடு கலந்து தப்பியதாக கூறப்பட்டது. ஆனால்,
தீவிரவாதிகள் ஷாப்பிங் மாலின் ஒரு தளத்தை தங்கள் கட்டுப்பாட்டுக்குள்
வைத்திருப்பது தெரிய வந்தது.
அந்த மாடியில் எத்தனை பேர் இருக்கின்றனர் என்று தெரியவில்லை. எனினும்
200க்கும் அதிகமானோர் இருப்பதாக கூறப்படுகிறது. அவர்களை பத்திரமாக மீட்க
3வது நாளாக பாதுகாப்பு படையினர் முயற்சித்து வருகின்றனர். இப்போது
தீவிரவாதிகள் துப்பாக்கிச் சூடு எதுவும் நடத்தவில்லை. அமைதியாக
இருக்கின்றனர்.
அவர்கள் தப்ப முடியாது என்று கென்யா அதிபர் உகுரு கென்யாட்டா ஆவேசமாக
நாட்டு மக்களிடம் பேசினார். இதுவரை ஆயிரத்துக்கும் மேற்பட்ட பொதுமக்களை
ராணுவத்தினர் மீட்டுள்ளனர். பிணை கைதிகளை மீட்க முயற்சித்து வருகிறோம்
என்று கென்யாட்டா தெரிவித்தார். மீட்பு பணியில் இஸ்ரேல், அமெரிக்கா,
இங்கிலாந்து ராணுவத்தினரும் ஈடுபட்டுள்ளதாக கூறப்படுகிறது.
0 comments:
Post a Comment