இலங்கை கடற்படையினரால் கைது செய்யப்பட்ட இந்திய பாம்பன் பகுதி மீனவர்கள் 35 பேர் இன்று புத்தளம் நீதிமன்றத்தினால் விடுதலை செய்யப்பட்டுள்ளனர்.
இவர்கள் இலங்கை கடற்பரப்பிற்குள் அத்துமீறி
பிரவேசித்தார்கள் என்ற குற்றச்சாட்டின் பேரில் இலங்கை கடற்படையினரால் கைது செய்யப்பட்டு இன்று வரை விளக்கமறியலில் வைக்கப்பட்டிருந்தனர். இந்நிலையில் இன்று மீண்டும் புத்தளம் நீதிமன்றத்தில் ஆஜர்படுத்தப்பட்ட போதே இவர்களை விடுதலை செய்யுமாறு நீதிமன்றம் உத்தரவிட்டுள்ளது.
எனினும் அவர்களின் மீன்பிடி படகுகள் தடுத்து வைக்கப்பட்டுள்ளதாக குறிப்பிடப்படுகிறது.இதேவேளை, கடந்த வாரம் விடுதலை செய்யப்பட்ட நாகை மாவட்ட மீனவர்கள் இலங்கையில் தடுத்து வைக்கப்பட்டுள்ள தமது மீன்பிடி படகுகளை விடுவிக்க நடவடிக்கை மேற்கொள்ளுமாறு நாகை மீன்வளத்துறை அதிகாரிகளிடம் கோரிக்கை விடுத்துள்ளனர்.
0 comments:
Post a Comment