கென்யாவின் தலைநகர் நெய்ரோபியில் உள்ள ஒரு வர்த்தக வளாகத்தில் ஆயுதாரிகள் நடத்திய தாக்குதலில் கொல்லப்பட்டவர்களின் எண்ணிக்கை 59 பேராக உயர்வடைந்தள்ளது. இத்தாக்குதலை மேற்கொண்டவர்கள் பலரை பிணைக் கைதிகளாக பிடித்து வைத்துள்ளதாகவும் தகவல்கள் தெரிவிக்கின்றன. இத்தாக்குதல் காரணமாக 175 பேர் காயமடைந்துள்ளதாகவும், ஆயிரத்துக்கும் மேற்பட்டோர் அந்த வளாகத்தில் இருந்து காப்பாற்றப்பட்டுள்ளதாகவும் கென்யாவின் உள்நாட்டுப் பாதுகாப்புக்குப் பொறுப்பான அமைச்சர் ஜோசப் ஒலே லென்கூ கூறியுள்ளார்.தனது உறவினர்களும் இத்தாக்குதலில் கொல்லப்பட்டுள்ளதாக கென்ய அதிபர் உகுரு கென்யாட்டா கூறியுள்ளார்.
தாக்குதலில் இந்தியவைச் சேர்ந்த சிறிதர் நடராஜன் என்பவரும் கொல்லப்பட்டுள்ளார் மேலும், கனடிய ராஜதந்திரி ஒருவரும்இ இரண்டு பிரன்ச் நாட்டினரும், கானாவைச் சேர்ந்த பிரபல கவிஞர் கோபி அவூனூரும் கொல்லப்பட்டவர்களில் அடங்குவார்கள். கானாவுக்கான ஐ நா தூதராக கடந்த 1990 ஆம் ஆண்டு முதல் நான்கு ஆண்டுகளுக்கு பேராசிரியர் அவூனூர் பணியாற்றியுள்ளார். இவரின் கவிதைகள்இ கானாவில் பள்ளிக் கூடப் பாடங்களில் இடம்பெற்றுள்ளன.
இந்த தாக்குதலில் இரண்டு இந்தியர்கள் கொல்லப்பட்டுள்ளதாக இந்திய ஊடகங்கள் தெரிவிக்கின்றன. தீவிரவாதிகளை முறியடிக்கும் நடவடிக்கைகளில் தற்போது பாதுகாப்புப் படையினர் எடுத்து வருகின்றனர்.
அந்த இடத்தில் தொடர்ந்து துப்பாக்கிச் சத்தங்கள் கேட்டுக் கொண்டிருப்பதாகவும் தகவல்கள் கூறுகின்றன.
0 comments:
Post a Comment