• Latest News

    September 22, 2013

    தமிழ் தேசிய கூட்டமைப்பு வெற்றி மகிழ்ச்சி அளிக்கிறது: கருணாநிதி

    இலங்கை மாகாண தேர்தலில் தமிழ் தேசிய கூட்டமைப்பு பெற்றுள்ள வெற்றி மகிழ்ச்சி அளிக்கிறது என்று திமுக தலைவர் கருணாநிதி கூறியுள்ளார். சென்னை கோபாலபுரத்தில் உள்ள வீட்டில் இன்று காலை நிருபர்களுக்கு கருணாநிதி அளித்த பேட்டி:
    இலங்கையில் நடந்த தேர்தலில் சிங்கள ராணுவம் தடுத்ததையும் மீறி அங்கேயுள்ள மக்கள் வாக்களித்துஇ தமிழ் தேசிய கூட்டணி வெற்றி பெற்று வருவதை பற்றி தங்கள் கருத்து என்ன?
    இந்த வெற்றி குறித்து மகிழ்ச்சியடைகிறேன்.
    இதற்கு பிறகாவது இலங்கை தமிழர்களுக்கு அதிகார பகிர்வு கிடைக்கும் என்று நம்புகிறீர்களா?

    நம்பிக்கை தெரிவிக்க முடியாது. அதிகாரப்பகிர்வுஇ அதையொட்டி உலக தமிழர்கள் எல்லாம் எதிர்பார்க்கின்ற அளவுக்கு முதல்கட்டமாக ஏற்கனவே அறிவிக்கப்பட்ட 13வது திருத்தம் முழுமையாக நிறைவேற்றப்பட புதிய அரசும்இ புதிதாக தேர்ந்தெடுக்கப்பட்டுள்ள தமிழ் உறுப்பினர்களும் பாடுபடுவார்கள் என்ற நம்பிக்கை எனக்கு நிறைய உண்டு.

    இலங்கை கடற்படையினர் தமிழக மீனவர்களை கைது செய்யும் நடவடிக்கை தொடர்ந்து கொண்டே இருக்கிறதேஇ நேற்றுகூட ராமேஸ்வரம் மீனவர்களை தாக்கி கைது செய்து கொண்டு போயிருக்கிறார்களே?
    இது வன்மையாக கண்டிக்கத்தக்கது.

    மீனவர்கள் பிரச்னை குறித்துஇ மாநில அரசு பேச்சுவார்த்தை நடத்த வேண்டும் என்று மத்திய அமைச்சர்கள் திரும்ப திரும்ப சொல்லி வருகிறார்கள். ஆனால்இ மாநில அரசு நடவடிக்கை எடுத்ததாக தெரியவில்லையே?
    மாநில அரசுதான் மீனவர்கள் பிரச்னைக்காக கடிதத்துக்கு மேல் கடிதம் எழுதிக் கொண்டிருக்கிறார்களேஇ அது போதாதா?

    ஏற்காடு தொகுதி இடைத்தேர்தலில் திமுக போட்டியிடுமா?
    இன்னும் முடிவெடுக்கவில்லை.

    தமிழகத்தில் சில மாவட்டங்களில் 144 தடை உத்தரவுஇ மாவட்டத்துக்குள் சில தலைவர்கள் உள்ளே வரக்கூடாது என்ற நிலைமைஇ இவை எல்லாம் மக்களின் சுதந்திரத்தை பறிக்கின்ற செயல் அல்லவா?
    தமிழகத்தில் பொதுவாக சட்டம்இ ஒழுங்கு சீர்குலைந்து விட்டது என்பதை நான் சொல்லாமலே பத்திரிகையாளர்களாகிய நீங்கள் தெரிந்து கொண்டிருக்கிறீர்கள். ஆனால் 'பயன்' கருதியும்இ 'பயம்' கருதியும் வெளியிடாமல் இருக்கிறீர்கள்.
    • Blogger Comments
    • Facebook Comments

    0 comments:

    Post a Comment

    Item Reviewed: தமிழ் தேசிய கூட்டமைப்பு வெற்றி மகிழ்ச்சி அளிக்கிறது: கருணாநிதி Rating: 5 Reviewed By: murasunews
    Scroll to Top