அடுத்த ஆண்டு மார்ச் மாதத்திற்கு முன்னதாக
மனித உரிமை பிரச்சினைகளுக்கு சிறிலங்கா தீர்வு காண வேண்டுமென ஐநா மனித
உரிமை ஆணையாளர் நவநீதம்பிள்ளை கெடு விதித்துள்ளார்.
இலங்கை தொடர்பான நவநீதம்பிள்ளையின்
வாய்மொழி மூலமான அறிக்கையை ஐநா மனித உரிமைப் பேரவையில், பிரதி ஆணையாளர்
பிளேவியா பன்சியெரி சமர்ப்பித்துள்ளார்.
அதில், குறித்த காலக்கெடுவிற்குள் இலங்கை
அரசாங்கம் தீர்வுகளை வழங்கத் தவறினால், சர்வதேச சமூகம் சுயாதீன விசாரணைகளை
மேற்கொண்டு தீர்வுகளை முன்வைக்க வேண்டுமென வலியுறுத்தியுள்ளார்.
யுத்தம் நிறைவடைந்து 4 ஆண்டுகள் கடந்துள்ள
போதிலும், வடக்கில் கூடுதல் ராணுவத்தினர் தொடர்ந்தும்
நிலைநிறுத்தப்பட்டுள்ளதாக அவர் சுட்டிக்காட்டியுள்ளார்.
சிறுபான்மை இன மக்களை இலக்குவைத்து
சிறிலங்காவில் அண்மைக்காலமாக இடம்பெற்று வரும் தாக்குதல்களை ஏற்றுக்கொள்ள
முடியாதென்று நவநீதம்பிள்ளை குறிப்பிட்டுள்ளார்.
18ஆவது திருத்தச் சட்டத்தின் ஊடாக
சிறிலங்காவில் நிறைவேற்று அதிகாரம் வலுப்படுத்தப்பட்டதுடன், சுயாதீன
ஆணைக்குழுக்கள் முடக்கப்பட்டுள்ளதாக அவர் தெரிவித்துள்ளார்.
0 comments:
Post a Comment