தமிழர்கள் அதிகம் வாழும் வடக்கு மாகாணம் உள்பட மூன்று மாகாணங்களுக்கும் நிலம், காவல்துறை ஆகியவற்றை நிர்வகிக்கும் அதிகாரம் கிடையாது என்று இலங்கை தகவல் தொழில்நுட்பத்துறை அமைச்சர் கெஹலியா ரம்புக்வெல்லா தெரிவித்தார்.வடக்கு மாகாண தேர்தலில் அமோக வெற்றி பெற்ற தமிழ்த் தேசியக் கூட்டமைப்பு தனது அடுத்தகட்ட நடவடிக்கைகள் குறித்து ஆலோசிப்பதற்காக இன்று கூடியுள்ள நிலையில் இதை கூறியுள்ளார்.
மாகாணங்களுக்கு நில அதிகாரத்தை நிர்வகிக்கும் அதிகாரம் வழங்க வேண்டும் என்று இலங்கை உச்சநீதிமன்றத்தில் தாக்கல் செய்யப்பட்டிருந்து மேல் முறையீட்டு மனுவை கடந்த வியாழக்கை தள்ளுபடி செய்யப்பட்டது.இந்நிலையில், இலங்கை அமைச்சரும், அரசு செய்தித் தொடர்பாளருமான கெஹலியா ரம்புக்வெல்லா கொழும்புவில் செய்தியாளர்களிடம் ஞாயிற்றுக்கிழமை கூறியதாவது:
நிலத்தை நிர்வகிக்கும் அதிகாரம் தேசிய அரசுக்கு மட்டுமே உள்ளது, மாகாணங்களுக்கு கிடையாது என்பதை இலங்கை உச்ச நீதிமன்றம் தனது தீர்ப்பின் மூலம் தெளிவுபடுத்தியுள்ளது.ஆகையால், தங்களுக்கு வழங்கப்பட்டுள்ள அதிகாரங்களுக்கு உட்பட்டுதான் மாகாணங்கள் செயல்பட வேண்டும். இலங்கையின் அரசியமைப்பு சட்டத்திற்கு எதிராக நில அதிகாரத்தை நிர்வகிக்கும் பொறுப்பை மாகாணங்களுக்கு பகிர்ந்தளிக்க முடியாது.உச்சநீதிமன்றத்தின் இந்த தீர்ப்பின் மூலம் வடக்கு மாகாண நிலங்களை நிர்வகிக்க தமிழ்த் தேசியக் கூட்டமைப்பு அதிகாரம் கோரி வருவது செல்லுபடியாகாது.
இந்தத் தீர்ப்புக்கு வடக்கு மாகாண முதல்வரும், இலங்கை உச்சநீதிமன்றத்தின் முன்னாள் நீதிபதியுமான கே.சி. விக்ணேஷ்வரன் கட்டுப்பட்டாக வேண்டும்.மாகாணங்களுக்கு காவல்துறையை நிர்வகிக்கும் அதிகாரமும் கிடையாது என்றார் கெஹலியா ரம்புக்வெல்லா.
0 comments:
Post a Comment