நிந்தவூர் பிரதேச சபையின் முன்னாள் தவிசாளர் மர்ஹூம் அல்ஹாஜ் எம்.ஐ. அஹமட் அவர்களின் ஞாபகார்த்தமாக நடைபெற்ற கிரிக்கெட் சுற்றுப் போட்டியின் இறுதிப் போட்டியில் காத்தான்குடி விளையாட்டுக்கழகம் சம்பியன் கிண்ணத்தை வெற்றி கொண்டது.அணிக்கு 06 பேர் என மட்டுப்படுத்தப்பட்டு நடைபெற்ற இச்சுற்றுப் போட்டியினை நிந்தவூர் லஹான் விளையாட்டுக் கழகம் ஏற்பாடு செய்திருந்தது.
லஹான் விளையாட்டுக்கழகத்தின் முகாமையாளர் றிலா இப்ராஹிம் தலைமையில் இடம்பெற்ற இந்நிகழ்வில் பிரதம அதிதியாக பிரதான பொலிஸ் பரிசோதகர் எம்.எல். றபீக், தென்கிழக்குப் பல்கலைக்கழக சிரேஷ்ட விரிவுரையாளர் ஏ. நசீர் அஹமட், சுற்றுப்போட்டியின் தலைவராக செயல் பட்ட ஏ. அஸ்பர் ஜே.பி ஆகியோர்கள் கலந்து சிறப்பித்தனர்.
சம்பியனான தெரிவு செய்யப்பட்ட காத்தான்குடி விளையாட்டுக் கழகத்திற்கு ரூபா 10 ஆயிரம் பணப்பரிசும், வெற்றிக் கிண்ணமும் வழங்கப்பட்டதோடு, நிந்தவூர் லஹான் விளையாட்டுக் கழகத்திற்கு ரூபா 06 ஆயிரம் பணமும், கிண்ணமும் வழங்கப்பட்டது.
மிகவும் விமர்சையாக நடைபெற்ற இப்போட்டியை கண்டு ரசிப்பதற்கு பெருமளவிலான விளையாட்டு ரசிகர்கள் வருகை தந்தமை குறிப்பிடத்தக்கது.
0 comments:
Post a Comment