• Latest News

    October 04, 2013

    நகரின் மத்தியில் நீர்மூழ்கிக் கப்பல் தரையை பிளந்து கொண்டு கிளம்பி ஏற்படுத்திய அதிர்ச்சி!

    http://ilakkiyainfo.com/new/wp-content/uploads/2013/10/article-0-1871F98800000578-67_964x642.jpg
    இத்தாலியின் மிலான் நகரம் எப்போதும் உல்லாசப் பயணிகளால் நிறைந்திருக்கும் பரபரப்பான இடம். அங்கு கடந்த செவ்வாய்க்கிழமை காலை விடிந்தபோது வெளியே வந்து பார்த்தவர்கள் தமது கண்களையே நம்ப முடியாமல் திகைத்துப் போனார்கள்.
    காரணம் கடலுக்கு அடியே செல்லும் நீர்மூழ்கிக் கப்பல் ஒன்று நகரின் மத்தியில் உள்ள தரையை உடைத்துக்கொண்டு வெளியே எட்டிப் பார்த்துக் கொண்டிருந்தது.
    இந்தத் தகவல் நகரெங்கும் பரவியது. ஏராளமான மக்கள் அங்கு கூடிவிட்டனர். கடலுக்கு அடியே சென்றுகொண்டிருந்த நீர்மூழ்கிக் கப்பல் ஒன்று மிலான் நகரம் அமைந்துள்ள பகுதிக்கு கீழே எப்படியோ சென்று தரையை உடைத்துக் கொண்டு மேலே வந்து விட்டது என அங்கிருந்தவர்கள் பேசிக் கொண்டார்கள்.

    இப்படி பேசிக்கொண்டவர்கள் 'செட்டப் செய்யப்பட்ட' ஆட்கள் என்பதை அப்போது அங்கிருந்த யாரும் அறிந்திருக்கவில்லை.

    தரையை இடித்துக்கொண்டு வெளியே வந்துவிட்ட ராட்சத நீர்மூழ்கிக் கப்பலில்இ சூடு 1கு3 என்ற இலக்கம் பொறிக்கப்பட்டிருந்தது. இது எந்த நாட்டு நீர்மூழ்கிக் கப்பலாக இருக்கும் என அங்கிருந்தவர்கள் அதிசயித்துக் கொண்டிருக்க நீர்மூழ்கிக் கப்பலில் மேல் பகுதி திறந்தது. கப்பலின் கேப்டன் வெளியே எட்டிப் பார்த்தார்.

    'எப்படியோ' அங்கு தயாராக வந்து நின்றிருந்த டி.வி. சேனல் ரிப்போர்ட்டர்களுக்கு 'ரஷ்ய உச்சரிப்புடன்' பேட்டி கொடுக்கத் தொடங்கினார் இந்த கேப்டன். இந்த கப்பல் கேப்டனே 'செட்டப் செய்யப்பட்ட' ஆள் என்பதை அப்போது அங்கிருந்த யாரும் அறிந்திருக்கவில்லை.

    இந்த பரபரப்பு போதாது என்று தவறான நேரத்தில் தவறான இடத்தில் பார்க் பண்ணப்பட்டிருந்த 'ஸ்மார்ட் கார்' ஒன்றின் உரிமையாளர் ஒருவர் நீர்மூழ்கிக் கப்பல் தரையை வெடித்துக் கொண்டு கிளம்பியதால் தமது கார் சேதமடைந்து விட்டது என கேப்டனிடம் சண்டை போடத் தொடங்கினார். அட  இந்த கார் உரிமையாளர்கூட 'செட்டப் செய்யப்பட்ட' ஆள் என்பதை அப்போது அங்கிருந்த யாரும் அறிந்திருக்கவில்லை.

    இதற்கிடையே தீயணைப்பு படை யூனிபோர்மில் சிலர் வந்து நீர்மூழ்கிக் கப்பலில் ஏறி கேப்டனை கீழே கொண்டுவர முயன்றனர். இப்படி பரபரப்பாக நேரம் நகர்ந்து கொண்டிருந்த நிலையில் இந்த நாடகம் முடிவுக்கு வந்தது.

    நாடகமா? ஆம். இது ஒரு பப்ளிசிட்டி ஸ்டன்ட்! ஒரு விளம்பரம்!!

    நுரசழி யுளளளைவயnஉந ஐவு என்ற இத்தாலிய இன்ஷூரன்ஸ் நிறுவனம் நிஜம்போல நடத்திக் காட்டிய நாடகம் இது. அவர்களது 'Pசழவநஉவலுழரசடுகைந' என்ற காப்புறுதித் திட்டத்துக்கான விளம்பரம் இது.

    'நகரின் மத்தியில் நீர்மூழ்கிக் கப்பல் தரையைப் பிளந்துகொண்டு வந்தாலும் அதனால் ஏற்படும் சேதங்களுக்கு எமது திட்டத்தில் இழப்பீடு உண்டு' என்ற விளம்பரம் இப்படி ரியலாக செட்டப் செய்யப்பட்டிருந்தது! இதற்கு ஏராளமாக செலவு ஆகியிருக்கும் என்பது உண்மைதான். ஆனால் இவர்களது விளம்பரம் தீயாக பரவி வழக்கத்தைவிட பல மடங்கு வாடிக்கையாளர்களை சென்றடைந்திருக்கிறது.

    விளம்பரங்களுக்காக எப்படியெல்லாம் யோசிக்கிறார்கள் என்பதைவிட இந்த ஐடியா தோன்றியது ஆச்சரியமானது. அதைவிட சூப்பர் இந்த கற்பனையை நிஜம்போல அவர்கள் செய்து காட்டியதுதான்!!

    நகரின் மத்தியில் நீர்மூழ்கிக் கப்பல் தரையை பிளந்துகொண்டு கிளம்பிய காட்சி எப்படி ரியலாக இருந்தது என்று பார்க்க ஆவலா? கீழே போட்டோக்கள் உள்ளன... பார்த்துவிட்டு நீங்களே சொல்லுங்களேன்!





    • Blogger Comments
    • Facebook Comments

    0 comments:

    Post a Comment

    Item Reviewed: நகரின் மத்தியில் நீர்மூழ்கிக் கப்பல் தரையை பிளந்து கொண்டு கிளம்பி ஏற்படுத்திய அதிர்ச்சி! Rating: 5 Reviewed By: murasunews
    Scroll to Top