முஸ்லிம் காங்கிரஸில்இருக்கும்அரசியல் சந்தர்ப்பவாதிகளின் முகத்திரைகள் கிழித்தெரியபடவேண்டும்

ஸ்ரீ லங்கா முஸலிம் காங்கிரஸ் அல்-குர்ஆன்,ஹதீஸ் ஆகிய மூலாதாரங்களின் அடிப்படையாகக் கொண்டு அமைக்கப்பட்ட கட்சியாகும். இக்கட்சியின் உயர் பீட உறுப்பினர்கள் தொட்டு சாதாரண உறுப்பினர்கள் வரை நற்பண்பும் நல்லொழுக்கமும் உடையவர்களாகவும் மற்றவர்களுக்கு முன்னுதாரணம் உள்ளவர்களாகவும் வாழ்ந்து காட்ட முன்வரவேண்டும்.

இவ்வாறு கல்முனை மாநகரின் புதிய முதல்வர், ஸ்ரீலங்கா முஸ்லிம் காங்கிரஸின் பிரதி செயளாலர் நிசாம் காரியப்பர் அவர்களை கௌரவபடுத்தும் முகமாக கல்முனை பிரதான வீதியில் நடைபெற்ற வரவேற்பு விழாவில் கலந்து கொண்டு பேசுகையில் ஸ்ரீலங்கா முஸ்லிம் காங்கிரஸின் சிரேஷ்ட பிரதி தலைவரும் இணைந்த வட-கிழக்கு மாகாண சபை முன்னாள் உறுப்பினருமான ஜனாப் ஏ.ல்.அப்துல் மஜிதது தெரிவித்தார்.

கட்சியின் உச்சபீட உறுப்பினர் ஏ.சி.சத்தார் தலைமையில் நடைபெற்ற இவ்விழாவில் ஸ்ரீலங்கா முஸ்லிம் காங்கிரஸின் தேசியத்தலைவரும் நீதி அமைச்சருமான ரவூப் ஹக்கீம் பிரதம அதீதியாக கலந்து கொண்டார். 

அப்துல் மஜீத் தொடர்ந்து பேசுகையில், மேயர் நிசாம் காரியப்பர், அஷ்ரப் அவர்களின் பாசறையில் அரசியல் பயின்ரார்.அவருக்கும் எனக்குமுள்ள தொடர்பு இருபத்து ஒன்பது வருடங்களாகும். இனப்பிரச்சினைக்கான தீர்வு பற்றி முஸ்லிம் காங்கிரஸுடன் கலந்துரையாடும் சந்திப்பொன்று

கல்முனை அம்மன் கோவில் வீதியில் அமைந்துள்ள தலைவர் அஷ்ரப் அவர்களின் இல்லத்தில் (1984.05.26) அன்றைய தமிழ் தலைவர்களான அமரர் திரு- அமிர்தலிங்கம்,சிவசிதம்பரம்,யோகேஸ்வரன்,கனேசன் உட்பட இன்றைய தமிழ் தேசியக் கூட்டமைப்பின் தலைவர் திரு.இரா.சம்பந்தன் ஆகியோர் கலந்து கொண்டனர். அக்கலந்துரையாடலில் நிசாம் காரியப்பரை சந்திக்கும் சந்தர்ப்பம் எனக்கு கிடைத்தது.அப்போது அவர் சட்ட பீட மாணவராக இருந்தார்.அன்று தொடக்கம் இன்று வரை நாங்கள் இருவரும் ஸ்ரீலங்கா முஸ்லிம் காங்கிரஸின் கட்சிப் பணியில் ஒன்றாக பயணித்து வருகிறோம்

அது மட்டுமல்ல தலைவர் அஷ்ரப் முன் வைத்த கோட்பாடுகளையும், இலட்சியங்களையும் வென்றெடுக்கும் பதவியிலும் நாம் கருத்தொருமை கண்டவர்களே. 2011.ஒக்டோபர் 15 ஆம் திகதி நடைபெற்ற கல்முனை மாநகர சபைத் தேர்தலில் நானும் ஒரு வேட்பாளராக நியமிக்கப்பட்டேன்.கட்சியின் தலைவர்,செயலாளர் உட்பட பாராளமன்ற உறுப்பினர் பைசால் காசிம் ,முன்னாள் மாகாண சபை சபை உறுப்பினர் ஜவாத் ஆகியோரும் தேர்வு குழுவில் இடம் பெற்றிருந்தனர். நிசாம் காரியப்பர் அவர்களை கல்முனை மாநகரின் மேயராகவும் என்னை பிரதி மேயராகவும்

நியமிக்க முடிவு செய்துள்ளதாக எனக்கு வாக்குறுதி வழங்கினார். சாய்ந்தமருதில் தேர்தல் பிரச்சார மேடை ஒன்று ஒழுங்கு செய்யப்பட்டது.தலைவர் ரவூப் ஹக்கீம் வருவதாக அறிவிக்கப்பட்டிருந்தது. கல்முனை பிரதேச அரசியல் வாதியின் அழுத்தம் காரணமாக கூட்டத்தில் கலந்து கொள்வதில் இருந்து தலைவர் ஹக்கீம் தவிர்ந்து கொண்டார். அவருக்கு பதிலாக கட்சியின் தவிசாளர் பசீர் சேவுதாவுத் கலந்து  கொண்டு உரையாற்றினார்.

அவரது உரையானது நிசாம் காரியப்பருக்கும் எனக்கும் கட்சி தலைமை அளித்த வாக்குறுதிக்கு மாறாக அமைந்திருந்தது. தெரிவு வாக்கின் அடிப்படையில் மாத்திரமே மேயர், பிரதி மேயர் தெரிவு இடம்பெறும் என்றும் கட்சியின் தவிசாளர் என்ற வகையில் இவ்வாக்குருதி அளிக்கிறேன் என்றும் அதிகார பூர்வமாக மேடையில் வைத்து அறிவிப்பு செய்தார்.

தன்னிச்சயான அவரது முடிவினால் கல்முனை,சாய்ந்தமருது பிரதேசங்கள் இரண்டுபட்டு பிரதேசவாதம் தனைவிரித்தாடியது.அதனால் கட்சியை முன்னிலைப்படுத்தி கொள்கைக்காக உழைக்கும் போராளிகள் தோற்கடிக்கப்பட்டு அரசியல் சந்தர்ப்பவாதிகள் சிலர் வெற்றி பெற்றனர். தேர்தல் வெற்றி அறிவிக்கப்பட்டதன் பின் சாய்ந்தமருதில் வன்முறைகள் கட்டவிழ்த்து விடப்பட்டன. தேர்தல் வெற்றி குறித்து தவிசாளர் பஷீர் சேவுதாவுத் பத்திரிகைக்கு அறிக்கை வெளியிட்டிருந்தார்.

கல்முனை மாநகர சபையில் ஸ்ரீலங்கா முஸ்லிம் காங்கிரஸ் வெற்றிபெற்றுள்ளது மகிழ்ச்சியை தருவதாகவும் வாக்களித்த மக்களுக்கு நன்றி தெரிவிப்பதுடன் தேர்தலில் யார் வெற்றி பெற்றனர் யார் தோல்வி அடைந்தனர் என்பதற்கப்பால் கட்சி வெற்றி பெற்றுள்ளது என்பது சாரம்சமாக அமைந்திருந்தது. கொள்கையும் இலட்ச்சியமும் கொண்ட ஒரு அரசியல் கட்சியின் தவிசாளரின் அறிக்கை எவ்வாறு அமைந்திருக்க வேண்டுமோ அவ்வாறு அமையாமல் படுமோசமான அரசியல் சந்தர்ப்பவாதிகளின் அறிக்கை போல் அமைந்திருந்தது. தலைவர் அஷ்ரப் இன்று உயிருடன் இருந்திருந்தால் நான் அரசியல் அதிகாரம் பெற்றவனாக திகழ்ந்திருப்பேன்.

கட்சியின் இலட்சியங்களை தோழ் மீது சுமந்து கொண்டு கட்சிக்காக அர்ப்பணிப்புடன் உழைத்துக் கொண்டிறுப்பவர்கள் புறம் தள்ளப்பட்டு சந்தர்ப்பவாதிகள் முன்னிலைப்படுத்தப்படும் போக்கு தொடருமானால் கட்சியின் எதிர்காலம் கேள்வி குறியாகிவிடும்.

நிசாம் காரியப்பர் அவர்கள் நவம்பர் மாதமொன்றில் கல்முனை மாநகர முதல்வராக கடமையேற்றுள்ளார்.நவம்பர் மாதம் என்பது கட்சியின் வரலாற்றுடன் பின்னிப்பனைந்து நிற்கும் ஒரு மாதமாகும். ஸ்ரீலங்கா முஸ்லிம் காங்கிரஸ் அரசியற் கட்சியாக பிரகடணம் செய்யப்பட்டது நவம்பர்29.1984.கட்சியிலிருந்து முன்னாள் பொது செயலாளர் பாரிஸ்டர் உஸ்மான் உட்பட தேசிய அமைப்பாளர் புரக்டர் கலீல்,உயர் பீட உறுப்பினர்கள்
சட்டத்தரணி அபுதாஹிர்,ஜௌபர் சாதீக் மொத்தமாக பத்து பேர் கட்சியை விட்டு வெளியேற்றப்பட்டது நவம்பர் மாதம் 14.1988.கட்சிக்கான ஆவணக்காப்பகம் ஒன்றை கொழும்பு தலைவர் அஷ்ரப் அவர்களினால் அங்குரார்ப்பணம் செய்து வைக்கப்பட்டது நவம்பர் மாதம் 06.1989. இணைந்த வட-கிழக்கு மாகாண சபைக்கு தேர்தல் நடைபெற்று 17 மாகாண சபை உறுப்பினர்கள பெற்று கொண்டதுநவம்பர் மாதம்19.1988. காலி துறைமுக அபிவிருத்தி தொடர்பாக தலைவர் அஷ்ரப் அவர்களுக்கெதிராக எதிர்கட்சிகளால் பாராளமன்ரத்தில் நம்பிக்கையில்லா தீர்மானம் கொண்டுவரப்பட்டது நவம்பர் மாதம் 02.1995. இப்படியாக நவம்பர் மாதம் கட்சியுடன் பின்னிபிணைந்துள்ளது.

மேயர் நிசாம் காரியப்பர் இதே வரலாற்றில் இடம் பிடித்து வரலாற்றில் பதிவு செய்யப்பட்டுள்ளார். 1992.மே 10 ஆம் திகதி அட்டாளைச்சேனை கல்வியற் கல்லூரி திறப்பு விழா நடைபெற்றது.அத்திறப்பு விழாவில் அன்றைய ஜனாதிபதி திரு.ரனசிங்க பிரேமதாசா உட்பட முன்னாள் அமைச்சர்களான,ஏ.ஆர்.மன்சூர்,தொண்டமான் உட்பட இன்னும் பல அமைச்சர்கள் கலந்து கொண்டனர்.அவ்வைபவத்தில் உரையாற்றிய தலைவர் அஷ்ரப் அவர்கள் ஜனாதிபதி அவர்களிடம் இரண்டு கோரிக்கைகளை முன்வைத்தார்.அதில்,ஒன்று கல்முனை கரையோர மாவட்டம் மற்றது மட்டக்களப்பு-பொத்துவில் புகையிரத சேவை ஆரம்பித்து வைப்பது. தலைவரினால் முன்வைக்கப்பட்ட அக்கோரிக்கைகளை வென்றெடுக்க நாம் எவ்வளவு தூரம் உழைத்திருக்கின்றோம் என்பது எனக்கு தெரியாது.

கல்முனையில் இருந்து காத்திரமான குரல்கள் ஒலிக்கவில்லை என்பது எனது மனக்குறையாகவுள்ளது. மேடையில் பேசியவர்கள் அபிவிருத்தி பற்றி அதிகம் பேசினார்கள்.முஸ்லிம் காங்கிரஸின் தாரக மந்திரம் தனித்துவத்துடன் கூடிய அபிவிருத்தியகும்.கண்களை விற்று சித்திரம் வாங்க முடியாது என்று கூறினார். முஸ்லிம் காங்கிரஸில் இருக்கும் அரசியல் சந்தர்ப்பவாதிகளின் முகத்திரைகள் கிழித்தெரியபடவேண்டும். முஸ்லிம் காங்கிரஸில் இருக்கும் அரசியல் சந்தர்ப்பவாதிகளின் முகத்திரைகள் கிழித்தெரியபடவேண்டும்.

11:06 PM