வரலாற்று முக்கியத்துவம் வாய்ந்த ஒப்பந்தம்: அமெரிக்கா, வரலாற்றுத் தவறு: இஸ்ரேல்

ஜெனீவாவில் கடந்த நான்கு நாட்களுக்கும் மேலாக நடந்துவந்த பேச்சுவார்த்தைகளின் முடிவில் ஈரானின் அணுத்திட்டம் தொடர்பில் உலக வல்லரசுகளுக்கும்  ஈரானுக்கும் இடைக்கால உடன்பாடு ஒன்று ஏற்பட்டுள்ளது

அமெரிக்க, ரஷ்யா, சீனா, பிரிட்டன், பிரான்ஸ், ஜெர்மனி ஆகிய நாடுகள் கலந்துகொண்ட இக்கூட்டத்தில் நிறைவேற்ற ஒப்பந்தத்தில் ஈரானும்  கையெழுத்திட்டுள்ளது .

அந்த ஒப்பந்தத்தில் கூறப்பட்டிருப்பதாவது:-

• ஈரானில் சர்வதேச அணுஆயுத ஆய்வாளர்களை அனுமதிக்க வேண்டும்.
• அணுஆயுத செறிவூட்டல் நடவடிக்கைகளை குறைத்துக்கொள்ள வேண்டும்.

• ஈரான் மீது விதிக்கப்பட்டிருந்த பொருளாதாரத்தடைகள் காரணமாக அந்நாட்டிற்கு 7 பில்லியன் டாலர் பணம் உதவி கொடுக்கப்பட வேண்டும்.

• ஈரான் மீது புதியதாக எந்த அணுஆயுத தடைகளும் 6 மாதங்களுக்கு இருக்கக்கூடாது.
• அணுசக்தி செறிவூட்டலை ஈரானின் மின் உற்பத்தி நிலையங்களில் பயன்படுத்த அனுமதிக்க வேண்டும்.

இதுகுறித்து ஈரான் ஜனாதிபதி   கூறுகையில், ஈரானின் அணுசக்தி உரிமைகளைகளுக்கு உட்பட்டே இந்த உடன்படிக்கை நிறைவேற்றப்பட்டுள்ளது என்று கூறியுள்ளார் .

இந்த ஒப்பந்தத்தை  வரவேற்ற ஒபாமா, வெள்ளை மாளிகையில் செய்தியாளர்களிடம் ,  மேற்கத்திய நாடுகளுடன் ஈரான் ஒப்பந்தம் செய்துகொண்டுள்ள இந்த ஒப்பந்தம் வரலாற்று முக்கியத்துவம் வாய்ந்தது. நான் பதவியேற்றதிலிருந்து, நெருங்கிய நட்பு நாடுகளுடன் சேர்ந்து இன்று ஈரானுடனான நாங்கள் உருவாக்கியிருக்கிற இந்த ஒப்பந்தம் மிகவும் குறிப்பிடத்தக்க மற்றும் உறுதியான ஒரு முன்னேற்றமாகவே கருதுகிறோம்.

5 சதவிகிதத்திற்கு மேல், அணுஆயுதங்களை உற்பத்தி செய்யப்போவதில்லை என்ற ஈரானின் சம்மதமானது  அந்நாட்டுடனான பிரச்சினைகளை தீர்ப்பதற்கான முதல் படியாகும். ஈரானின் அணுஆயுத குறைப்பை கட்டுப்படுத்துவதற்கான எங்களது குறிக்கோளை அடைய இது எனது நிர்வாகத்திற்கு மிகவும் உறுதுணையாக இருக்கும்.

ஈரான் அணுஆயுதங்களை குவிப்பதை கட்டுப்படுத்துவதற்கான இந்த அமைதி ஒப்பந்தம் ஒரு பாதுகாப்பான உலகத்திற்கான புதிய வழியை திறந்து இருக்கிறது. இனி, ஈரான் புதியதாக அணுஆயுத திட்டங்களை தொடங்க முடியாது. அதனுடைய அணுசக்தி உற்பத்தியானது கட்டுப்படுத்தப்பட்டுள்ளது.

அணுஆயுத உற்பத்தி நிலையங்களை சர்வதேச ஆய்வாளர்கள் பார்வையிட ஈரான் அனுமதியளித்துள்ளது. இதன்மூலம் அணுகுண்டை உருவாக்குவதற்கான ஈரானின் நடவடிக்கை அநேகமாக கட்டுப்படுத்தப்பட்டுள்ளது.  என்று  கூறியுள்ளார்.

அதேவேளை இந்த உடன்பாட்டை ‘வரலாற்றுத்  தவறு’ என்று இஸ்ரேலிய பிரதமர் தெரிவித்துள்ளார் . இஸ்ரேலிய பிரதமர் நெதன்யாஹு இது வரலாற்று முக்கியத்துவம் வாய்ந்த ஒப்பந்தம் அல்ல ‘வரலாற்றுத்  தவறு’என்று தெரிவித்துள்ளார் . ஆனால் உலகநாடுகள் இந்த உடன்பாட்டை வரவேற்றுள்ளது.

10:46 PM