ஆபிரிக்க நாடான அங்கோலா உலகின் முதல் நாடாக
இஸ்லாம் மற்றும் முஸ்லிம்களுக்கு தடை விதித்திருப்பதாக அந்நாட்டு
பத்திரிகைகளை மேற்கோள் காட்டி செய்தி வெளியாகியுள்ளது. நாட்டிலிருக்கும்
பள்ளிவாசல்களை அகற்றும் முதல் நடவடிக்கையாகவே இந்த தடை
விதிக்கப்பட்டிருப்பதாக மேற்படி செய்தியில் கூறப்பட்டுள்ளது.
“நீதி மற்றும் மனித உரிமைகள் அமைச்சு
இஸ்லாத்தின் சட்ட பூர்வ தன்மையை அங்கீகரிக்காது. அவர்களது பள்ளிவாசல்கள்
மேலதிக அறிவிப்பு வரை மூடப்படும்” என்று அங்கோலாவின் கலாசார அமைச்சர் ரொசா
க்ரூஸ் இ சில்வா ‘இகொபின்’ என்ற செய்திச் சேவைக்கு கடந்த வெள்ளிக்கிழமை
தகவல் அளித்திருந்தார்.
“தடை விதிக்கப்பட்டிருக்கும் மதப்
பிரிவுகள் பற்றிய பட்டியலை நீதி மற்றும் மனித உரிமைகள் அமைச்சு அங்கோலா
பத்திரிகையான ஜெர்னல் டி அங்கோலாவில் வெளியிட்டுள்ளது. இந்த பிரிவுகளுக்கு
மத வழிபாடுகளில் ஈடுபடுவது தடுக்கப் படுகிறது. எனவே அவர்கள் அந்த வழிபாட்டு
தலங்களின் கதவுகளை தொடர்ந்து மூடி வைக்க வேண்டும்” என்று கலாசார அமைச்சர்
க்ரூஸ் இ சில்வா கெமரூன் பத்திரிகைக்கு குறிப்பிட்டார்.
எனினும் சட்ட பூர்வ அங்கீகாரம் கோரி எமக்கு
ஆயிரக்கணக்கான விண்ணப்பங்கள் கிடைக்கப் பெற்றிருப்பதாகவும் அவர்
குறிப்பிட்டார். கடந்த காலங்களிலும் அங்கோலா அதிகாரிகள் இஸ்லாமிய எதிர்ப்பு
கருத்துகளை வெளியிட்டு வருகின்றனர்.
இது குறித்து அங்கோல ஜனாதிபதி எடுவர்டோ
டொஸ் சண்டோஸ், ஒசுனா டிலன்டர் நாளிதழுக்கு நேற்று முன்தினம்
ஞாயிற்றுக்கிழமை அளித்த பேட்டியில் “இது எமது நாட்டில் இஸ்லாமிய தாக்கத்தை
முடிவுக்கு கொண்டு வரும் இறுதி கட்டம்” என்றார்.
அங்கோலாவின் லுவண்டா பகுதியில் இருக்கும்
பள்ளிவாசலின் மினாரத் கோபுரம் கடந்த ஒக்டோபர் மாதம் அகற்றப்பட்டது. லுவண்டா
மாகாண ஆளுனர் பென்டோ பென்டோ உள்ளூர் வானொலிக்கு அளித்த பேட்டியில், “கடும்
போக்கு முஸ்லிம்கள் அங்கோலாவுக்கு வரவேற்கப்படமாட்டார்கள். அங்கோலா அரசு
பள்ளிவாசல்களுக்கு சட்ட அங்கீகாரம் வழங்க மாட்டாது” என்றார். சுமார் 16
மில்லியன் மக்கள் தொகை கொண்ட அங்கோலாவில் 55 வீதமானோர் கத்தோலிக்கர்கள் என
கணிக்கப்பட்டுள்ளது. அமெரிக்க இராஜாங்கத் திணைக்களத்தின் தரவுப்படி அங்கு
25 வீதத்தினர் ஆபிரிக்க கிறிஸ்தவ பிரிவைச் சேர்ந்தவர்கள் என்றும் 10
வீதத்தினர் புரடஸ்டான்ட் பிரிவைச் சேர்ந்தவர்கள் என்றும் 5 வீதமானோர்
பிரேஸில் இவன்ஜலிகஸ் பிரிவைச் சேர்ந்தவர்கள் என்றும்
குறிப்பிடப்பட்டுள்ளது. அங்கோலாவில் 80,000 மற்றும் 90,000 க்கு இடையிலான
முஸ்லிம்களே இருப்பதாக கணிக்கப்பட்டுள்ளது.-தினகரன்
அங்கோலா ஆப்பிரிக்காவின் நடுப்பகுதியிலே
தெற்காக அமைந்துள்ள ஒரு நாடு. இந்நாட்டுக்குத் தெற்கு எல்லையில்
நமீபியாவும், வடக்கே காங்கோ மக்களாட்சிக் குடியரசும், கிழக்கே
சாம்பியாவும், மேற்கே அட்லாண்டிக் பெருங்கடலும் உள்ளது. இது வைரம்,
நிலத்தடி எரியெண்ணெய், முதலிய பல கனிவளங்கள் நிறைந்த நாடு. முன்னர்
போர்த்துகல் நாட்டின் ஆட்சிக்குட்பட்ட ஒரு நாடாக உள்ளது.
அங்கோலாவின் இராணுவத் துறையானது
அங்கோலாவின் படைக்கலம் தாங்கிய விடுதலை பொது அணியின் (((Forças Amadas
Populares de Libertação de Angola—FAPLA) சார்பாக மைக்கப்பட்டுள்ளது. அது
தரைப் படை , கடற்படை, வான்படை என்னும் முப்பிரிவுகளும் கொண்டது. 2002ன்
செய்திகளின்படி நிலப்படையில் மொத்தம் 400 டாங்கிகளுடன் 90,000
படையாட்களும், 7 கப்பல்களுடன் 4000 கடற்படைஞர்களும், 104 போர்
விமாங்களுடன் 6000 வான்படையாட்களும் உள்ளனர்
0 comments:
Post a Comment