• Latest News

    November 02, 2014

    மேர்வின் சில்வாவின் மகனான மாலக்க சில்வாவுக்கு விளக்கமறியல்

    தாக்குதலுக்குள்ளாகி தனியார் வைத்தியசாலையொன்றில் சிகிச்சை பெற்று வந்த அமைச்சர் மேர்வின் சில்வாவின் மகனான மாலக்க சில்வா, நவம்பர் 04ஆம் திகதி வரை விளக்கமறியலில் வைக்கப்பட்டுள்ளதாக பொலிஸார் தெரிவித்தனர்.

    கொள்ளுப்பிட்டி, டுப்பிளிகேஷன் வீதியிலுள்ள இரவு விடுதியில் சனிக்கிழமை (01) அதிகாலை 3 மணியளவில் இடம்பெற்ற தாக்குதலின் போது, ஸ்கொட்லாந்து ஜோடியொன்றை தாக்கினார் என்ற குற்றச்சாட்டிலேயே இவர் கைது செய்யப்பட்டு விளக்கமறியலில் வைக்கப்பட்டுள்ளார்.

    மாலக்க சில்வா கொழும்பு குற்றத்தடுப்பு பிரிவினரால், சனிக்கிழமை (01) மாலை நீதிபதி முன்னிலையில் ஆஜர்படுத்தப்பட்ட போதே, மேற்படி உத்தரவு பிறப்பிக்கப்பட்டதாக, பொலிஸ் ஊடக பேச்சாளர் அஜித் ரோஹண தெரிவித்தார்.

    கொள்ளுப்பிட்டி, டுப்பிளிகேஷன் வீதியிலுள்ள இரவு விடுதியில் மாலக்க சில்வாவை ஸ்கொட்லாந்து பிரஜையொருவர் தாக்கியதாக, இத்தாக்குதலின் சம்பவத்தின் பின்னர், மாலக்க சில்வாவின் நண்பரொருவர் கொள்ளுப்பிட்டிய பொலிஸ் நிலையத்தில் முறைப்பாடு செய்திருந்தமை குறிப்பிடத்தக்கது.
    • Blogger Comments
    • Facebook Comments

    0 comments:

    Post a Comment

    Item Reviewed: மேர்வின் சில்வாவின் மகனான மாலக்க சில்வாவுக்கு விளக்கமறியல் Rating: 5 Reviewed By: murasunews
    Scroll to Top