பிசிசிஐ-யின் வாழ்நாள் தடை முடிவு குறித்து அதிர்ச்சி தெரிவித்துள்ள லலித்
மோடி, விரைவில் பல ரகசியங்களை அம்பலப்படுத்த போவதாக எச்சரிக்கை
விடுத்துள்ளார். ஐ.பி.எல் போட்டிகளில் பல்வேறு முறைகேடுகள் செய்ததாக லலித்
மோடி கடந்த 2010ஆம் ஆண்டு சஸ்பெண்ட் செய்யப்பட்டார். இந்த விவகாரம்
தொடர்பாக முடிவு எடுக்க நேற்று பிசிசிஐ-யின் சிறப்பு பொதுக் குழு கூட்டம்
சென்னையில் நடைபெற்றது. பிசிசிஐ தலைவர் ஸ்ரீனிவாசன் தலைமையில் நடைபெற்ற
இந்த கூட்டத்தில், லலித் மோடிக்கு வாழ்நாள் தடை விதிக்கப்பட்டது.
இந்த
முடிவிற்கு லண்டனில் வசித்து வரும் லலித் மோடி அதிர்ச்சி
தெரிவித்துள்ளார். தொலைக்காட்சி ஒன்றுக்கு அவர் அளித்த பேட்டியில், தாம்
சில தவறுகள் செய்திருந்தாலும் பிசிசிஐ-க்கு ஐ.பி.எல் மூலமாக சுமார் 800
பில்லியன் டாலர் வரை பெரும் வர்த்தகத்தை உருவாக்கியதாகவும் கூறியுள்ளார். விரைவில் பிசிசிஐ-யில் உள்ளவர்கள் குறித்து பல்வேறு ரகசியங்களை அம்பலப்படுத்துவேன் என்று எச்சரித்துள்ள லலித் மோடி, இனிமேல் தன்னுடைய கவனம் முழுவதும் பிசிசிஐ-யை கண்காணிப்பதிலேயே இருக்கும் என்றும் கூறியுள்ளார்.
தன் திறமையை பல்வேறு சர்வதேச விளையாட்டு அமைப்புகள் உபயோகப்படுத்த விரும்புவதாக தெரிவித்த அவர், விரைவில் குளோபல் லீக் என்ற போட்டி குறித்து அறிவிப்புகள் வெளியாகும் என்று கூறினார்.
0 comments:
Post a Comment