• Latest News

    September 21, 2013

    வடக்கில் வாக்கெடுப்பு நிலையங்களில் மக்கள் நீண்ட வரிசையில். என்றுமில்லாத வகையில் மக்கள் வாக்களிப்பில் ஆர்வம்!

    வடக்கு மாகாணசபைத் தேர்தலில் வாக்களிப்பதற்காக குடாநாட்டு மக்கள் மிக உற்சாகமாக வாக்கெடுப்பு நிலையங்களுக்கு சென்று வாக்களித்துக் கொண்டு இருக்கின்றார்கள்.வன்முறைகள் பெரியளவில் எதுவும் இதுவரை நடந்ததாகத் தகவல்கள் வெளியாகவில்லை. கடந்த காலங்களைப் போல் அல்லாது இம் முறை வாக்களிக்கும் நிலையங்களில் மக்கள் பெருமளவு கூடியுள்ளமை அவதானிக்க முடிந்தது. நிறைய வாக்காளர்களுக்கு இது தான் முதல் தேர்தலாக இருக்கிறது.

    voting
    voting1
    voting3
    voting5
    வாக்களிப்பு அமைதியாக ஆனால் சுறுசுறுப்பாக நடைபெறுகிறது. மக்கள் ஆர்வத்துடன் வாக்களிக்கின்றனர். இளைய தலைமுறை கூடுதல் ஆர்வத்துடன் ஈடுபடுகின்றனர்.வயதில் மூத்தவர்களும் ஆர்வத்துடன் உறவினர்களின் துணையுடன் வாக்களிக்க சென்றுகொண்டிருப்பதை காணமுடிகிறது.
    மக்களைமிரட்டும் பாணியில் மீண்டும் யுத்தம் வேண்டுமென்றால் தமிழ் தேசியக்கூட்டமைப்புக்கு வாக்களியுங்கள் என்ற வாசகங்களும் விடுதலைப்புலிப்போராளிகளின் படங்களுடன் ஒட்டப்பட்டுள்ளன!அனேகமாக இன்று நண்பகலுக்கு பின்னர் வாக்களிப்பு களைகட்டுமென எதிர்பார்க்கப்படுகிறது! தற்போதைய நிலைவரப்படி வடக்கில் 98 சதவீத வாக்குகள் அளிக்கப்படலாமென நம்பப்படுகிறது!
    யாழ்.மாவட்டத்தில் இன்று காலை 7 மணியில் இருந்து காலை 10 மணிவரை 20 வீதமான வாக்காளர்களே வாக்களித்துள்ளதாக யாழ். மாவட்ட அரச அதிபர் சுந்தரம் அருமைநாயகம் தெரிவித்துள்ளார். இன்று நடைபெறும் வடமாகாண சபைத் தேர்தலில் யாழ்.மாவட்டத்தில் உள்ள வாக்காளர்களில் 20 வீதமானவர்களே இதுரை வாக்களித்துள்ளதாகவும் அடுத்த கட்ட முடிவுகளை பகல் ஒரு மணியளவில் அறியமுடியும் எனவும் அவர் மேலும் தெரிவித்துள்ளார். இதேவேளை வவுனியா மாவட்டத்தில் 19 வீதமானவர்களே வாக்களித்துள்ளதாகவும் முல்லைத்தீவில் 25 தொடக்கம் 30 வீதமானவர்களே இதுவரை வாக்களித்துள்ளதாக தெரிவிக்கப்படுகின்றது.
    • Blogger Comments
    • Facebook Comments

    0 comments:

    Post a Comment

    Item Reviewed: வடக்கில் வாக்கெடுப்பு நிலையங்களில் மக்கள் நீண்ட வரிசையில். என்றுமில்லாத வகையில் மக்கள் வாக்களிப்பில் ஆர்வம்! Rating: 5 Reviewed By: murasunews
    Scroll to Top