மும்பையில் கட்டிடம் விழுந்து ஆறு பேர் பலி

இந்தியாவின் மும்பை நகரில், நான்கடுக்கு மாடிக் குடியிருப்பு ஒன்று இடிந்து விழுந்ததில், குறைந்தது ஆறு பேர் கொல்லப்பட்டிருக்கிறார்கள். இடிபாடுகளிலிருந்து மீட்கப்பட்ட வேறு 13 பேர், மருத்துவமனைக்கு எடுத்துச் செல்லப் பட்டிருக்கிறார்கள் என்று உள்ளூர் அதிகாரிகள் கூறினர். மேலும் பலர் காணவில்லை. அவர்கள் இடிபாடுகளில் சிக்கியிருக்கலாம் என்று அஞ்சப்படுகிறது. இந்த கட்டிடத்தில் இருந்த 22 வீடுகளில் மக்கள் வசித்து வந்ததாக அதிகாரிகள் கூறினர். மும்பையில்

தொடர்ச்சியாக அடுக்கு மாடிக் குடியிருப்புகள் இடிந்து வரும் சம்பவங்கள் நடக்கின்றன. இது வரை இது போன்ற சம்பவங்களில் இந்த ஆண்டு மட்டும் 100க்கும் மேற்பட்டோர் கொல்லப்பட்டுள்ளனர். ஆபத்தானவை என்று நகர அதிகாரிகளால் கணக்கிடப்பட்டிருக்கும் ஏறக்குறைய 1,000 கட்டிடங்களில் இன்னும் பலர் வாழ்கின்றனர்.

11:39 PM