இதுவரை காலமும் அரசாங்கத்தில் அங்கம்
வகித்த ஒரே இளையத் தலைலவராக முடிசூடா மன்னனாக திகழ்ந்த ஜனாதிபதியின்
சிரேஷ்ட புதல்வன் நாமல் ராஜபக்ஷ கடந்த மாகாண சபைத் தேர்தலின் போது பாரிய
சவால் ஏற்பட்டுள்ளமை தொடர்பாக ஜனாதிபதி மிகுந்த வேதனையுடன் இருப்பதாக
அமெரிக்காவில் இருந்து வெளியாகும் தகவல்கள் தெரிவிக்கின்றன.
நாமல் ராஜபக்ஷ பகிரங்கமாக ஆதரவளித்த அவரது
தோழரான ஜொஹான் பெர்னாண்டோ தயாசிறி ஜயசேகர முன்னிலையில் படுதோல்வி
அடைந்துள்ளமையும், கண்டி மற்றும் மாத்தளை மாவட்டங்களில் ஸ்ரீலங்கா
சுதந்திரக் கட்சியின் ஆரம்ப உறுப்பினரின் குடும்பத்தில் இருந்து வந்த
இளைஞர்கள் இருவர் அதிகூடிய விருப்பு வாக்குகளைப் பெற்று முன்னிலை
வகிக்கின்றமையும் ஜனாதிபதியின் சோகத்திற்கு மற்றுமொரு காரணமென
தெரியவருகிறது.
ஜனாதிபதியை அச்சுப் பிசகாமல்
பின்பற்றுபவரான நாடாளுமன்ற உறுப்பினர் லக்ஷ்மன் வசந்த பெரேரா, அமச்சர்
ஜனக்க பண்டார தென்னகோனின் மகனான பிரமித்த பண்டார தென்னகோனின் தேர்தல்
பிரசார நடவடிக்கைகளை ஆரம்பத்தில் இருந்தே, சீர்க்குலைப்பதற்கு நடவடிக்கை
எடுத்த போதிலும், பிரமித்த பண்டார தென்னகோன் மாத்தளை மாவட்டத்தில் அதி
கூடிய விருப்பு வாக்குகளைப் பெற்றமை குறிப்பிடத்தக்கது.
அத்துடன், பிரதமரின் மகனான அநுராத ஜயரத்ன அதிகூடிய விருப்பு வாக்குளைப் பெற்றமை குறித்து ஜனாதிபதி எதிர்ப்பார்த்திருக்கவில்லை.
நாட்டின் நலனைப் பற்றி அல்ல, நாமல்
ராஜபக்ஷவை ஜனாதிபதியாக்குவதே தமது ஒரே கனவாகக் கொண்டுள்ள ஜனாதிபதி மஹிந்த
ராஜபக்ஷ, நாமல் ராஜபக்ஷவை தேசிய அரசியலில் நுழைப்பதற்காகவும், அத்தோடு
பிரபல்யமான இளையத் தலைவராக இருக்கும் ஷஷிந்திர ராஜபக்ஷவை ஊவா மமாகாண
சபையில் களமிறக்கி பிரதேச அரசியலில் சிக்க வைத்துள்ளதாக ஸ்ரீலங்கா
சுதந்திரக் கட்சியின் உள்ளக வட்டாரத்திலிருந்து தெரியவந்துள்ளதாக 'ஸ்ரீலங்கா மிரர்" செய்தி வெளியிட்டுள்ளது.
0 comments:
Post a Comment