சிதைக்கப்பட்ட நிலையில் பெருந்தொகையான வாக்குச் சீட்டுகள் மீட்பு!

வடமேல் மாகாண சபைத் தேர்தலின் போது வாக்கு எண்ணும் நிலையமாகச் செயற்பட்ட புத்தளம் சென்ட் அன்றூ மத்திய கல்லூரியின் கட்டடம் ஒன்றிலிருந்து சிதைக்கப்பட்ட நிலையில் பெருந்தொகையான வாக்குச் சீட்டுகள் மீட்கபப்ட்டுளளன.

புத்தளம் வாட் இல 5 க்குரியதென நம்பப்படும் இந்த வாக்குச் சீட்டுகள் மூன்று மூடைகளில் காணப்பட்டதாகவும் இவற்றில் சுமார் 5,000 வாக்குகள் வரை இருப்பதாகவும் தெரிவிக்கப்படுகிறது.

இதனையடுத்து அங்கு விரைந்த புத்தளம் தெரிவத்தாட்சி அதிகாரி இது தொடர்பில் விசாரணைகளை மேற்கொண்டுள்ளதுடன் இந்தச் சம்பவம் குறித்து தேர்தல் ஆணையாளருக்கும் அறிவித்துள்ளார்.

இதனையடுத்து அங்கு இராணுவத்தினரும் பொலிஸாரும் அழைக்கப்பட்டு பாதுகாப்பில் ஈடுபடுத்தப்பட்டுள்ளனர். இதன் காரணமாக அங்கு பதற்ற நிலை காணப்பட்டது.

இதேவேளை புத்தளம் மாவட்டத்தில் போட்டியிட்ட பல வேட்பாளர்கள் இம் மாவட்டத்துக்கான தேர்தல் முடிவுகளை இரத்துச் செய்ய வேண்டுமென தெரிவத்தாட்சி அதிகாரியைக் கேட்டுள்ளனர்.
நன்றி: வீரகேசரி

7:37 PM