கிழக்கில் வெளிநாட்டுப் படையினருடன் இலங்கை இராணுவம் போர் பயிற்சியில்!

மட்டக்களப்பு -

வெளிநாட்டு படையினருடன் இலங்கை படையினர் கிழக்கில் போர் பயிற்சிகளில் ஈடுபட்டு வருவதாக பாதுகாப்பு அமைச்சு தெரிவித்துள்ளது.

மட்டக்களப்பு மாவட்டத்தின் வாகரை, சல்லிதீவு ஆகிய பிரதேசங்களில் இந்த கூட்டு போர் பயிற்சிகள் நேற்று ஆரம்பிக்கப்பட்டன.

6 நாடுகளை சேர்ந்த 6 இராணுவ கண்காணிப்பாளர்கள், வெளிநாடுகளை சேர்ந்த 40 படையினர் இதில் கலந்து கொண்டுள்ளனர்.

இந்த போர் பயிற்சியில் கிழக்கு மாகாண படைகளின் தலைமையகங்களை சேர்ந்த முப்படையினர் 2700 ஈடுபட்டுள்ளதாக பாதுகாப்பு அமைச்சு தெரிவித்துள்ளது.

போர்ப் பயிற்சியில் விமானப் படையினரின் விமானங்களும் ஈடுபடுத்தப்பட்டுள்ளன. இந்த நிலையில் கொக்கட்டிச்சோலை தான்தோன்றிஸ்வரம் ஆலயத்தின் தேர் திருவிழா இன்று காலை நடைபெற்றது. இதன்போது பிரதேசத்திற்கு மேலாக கிபீர் விமானங்கள் பறந்ததால் பெரும் பதற்றம் ஏற்பட்டது.