ஜாதிக ஹெல உறுமய, தேசிய சுதந்திர முன்னணி கட்சிகள் படுதோல்வி!!

கடந்த சனிக்கிழமை (21) இடம்பெற்ற மாகாண சபைத்தேர்தலின் போது வடமேல் மற்றும் மத்திய மாகாணங்களிலுள்ள 02 மாவட்டங்களுக்காக ஐக்கிய மக்கள் சுதந்திரக் கூட்டமைப்பின் கீழ் போட்டியிட்ட ஜாதிக்க ஹெலஉறுமய வேட்பாளர்கள் இருவரும் தோல்வியடைந்துள்ளனர்.

அந்த கட்சியின் மத்திய மாகாண சபைக்காக கண்டி மாவட்டத்திற்காக துஷார சுவர்ணதிலக்க, வடமேல் மாகாண சபைக்காக புத்தளம் மாவட்டத்திலல் பேட்டியிட்ட விக்ரம டி.எஸ். தென்னகோன் போட்டியிட்டிருந்தமை குறிப்பிடத்தக்கது.

இதேவேளை, கடந்த சனிக்கிழமை (21) இடம்பெற்ற மாகாண சபைத் தேர்தலில் வடமேல் மற்றும் மத்திய மாகாணசபைத் தேர்தலில் 05 மாவட்டங்களுக்காக ஐக்கிய மக்கள் சுதந்திரக் கட்சியில் இணைந்து போட்டியிட்ட அமைச்சர் விமல் வீரவன்சவின் 'தேசிய சுதந்திர முன்னணி'யின் உறுப்பினர்கள் 05 பேரும் தோல்வியடைந்துள்ளனர்.

அவர்கள் அனைவரும் விருப்பு வாக்குகள் பட்டியலில் கீழே தள்ளப்பட்டுள்ளார்கள்.

அதன்படி, கண்டி மாவட்டத்தில் போட்டியிட்ட ஜே.வி.பி.யின் முன்னாள் உறுப்பினர் நிமல் தேமவங்ஷ, புத்தளத்தின் முன்னாள் நாடாளுமன்ற உறுப்பினர் சமன்சிறி, குருணாகலில் முன்னாள் உறுப்பினர் சேனாரத்ன டி சில்வா, மாத்தளையின் முன்னாள் உறுப்பினர் சரத் விஜேசிங்க ஆகியோர் தோல்வியடைந்துள்ளனர்.

இதேவேளை, நுவரெலியா மாவட்டத்தில் போட்டியிட்ட அந்த மாகாணத்தின் முன்னாள் உறுப்பினரான நிமல் பியதிஸ்ஸவும் தோல்வியடைந்துள்ளமை குறிப்பிடத்தக்கது.

11:43 PM