எஸ்.அஷ்ரப்கான்,
றெயின்போ எக்றோ சர்வதேச கம்பனியினால் சாய்ந்தமருது பிளைங் ஹோர்ஸ் விளையாட்டுக் கழகத்திற்கு உதைபந்தாட்ட வீரர்களுக்கான சீருடை வழங்கிவைக்கும் நிகழ்வு சாய்ந்தமருது கடற்கரை வீதியில் அமைந்துள்ள மர்ஹூம் பௌஸி ஞாபகார்த்த விளையாட்டு மைதானத்தில் பிளைங் ஹோர்ஸ் விளையாட்டுக்கழகத்தின் பிரதித்தலைவர் கல்முனை மாநகர சபை உறுப்பினர் ஏ.ஏ. பஷீர் தலைமையில் புனித ஹஜ்ஜூப்பெருநாள் தினம் (16) புதன் கிழமை சற்று முன்னர் நடைபெற்றது.
இந்நிகழ்வின்போது கழகத்தின் சிரேஷ்ட வீரரும், தொழிலதிபருமான ஏ.எல். அமீர்அலி ( ஜெலீஸ் ) கிரிக்கெட் வீரர்களுக்கான சீருடையினையும் வழங்கிவைத்தார்.றெயின்போ எக்றோ சர்வதேச கம்பனியின் முகாமைத்துவப் பணிப்பாளர் எம்.எம்.ஏ. அஸீஸ் உதைப்பந்தாட்ட வீரர்களுக்கான சீருடையினை வழங்கிவைத்ததுடன், கிரிக்கெட் வீரர்களுக்கான சீருடையினை கழகத்தின் சிரேஷ்ட வீரரும், தொழிலதிபருமான ஏ.எல். அமீர்அலி (ஜெலீஸ்) வழங்கிவைத்தார்.
இந்நிகழ்வில் கழகத்தின் ஆயுட்காலச் செயலாளர் எஸ். முஹம்மட்கான், மற்றும் சிரேஷ்ட வீரர்களான நிஜாமுடீன், அஸாத், ஜூனைடீன், பாயிஸ், இர்ஷாத், ராஜூடீன் மற்றும் பொதுமக்களும் கலந்துகொண்டனர்.


0 comments:
Post a Comment