வரவு - செலவு திட்டம் 2015 - சிறப்பம்சங்கள்

மகாபொல புலமைப்பரிசில் திட்டத்தொகை  அதிகரிப்பு

மகாபொல புலமைப்பரிசில் திட்டத்தொகை 2015 ஆம் ஆண்டளவில் 4000 ஆக அதிகரிக்க நடவடிக்கை. குறைந்த வருமானம் பெறும் குடும்பத்திலிருந்து பல்கலைக்கழகத்துக்கு தெரிவு செய்யப்பட்ட மாணவர்களுக்கு மாதாந்தம் 3000 ரூபா வழங்கும் வீதம் ரூபா 50,000 ஒதுக்கப்பட்டுள்ளது.

போதனாசிரியர்களுக்கான மாதாந்த தொகையாக 9500 ரூபா வழங்கத்திட்டம்.

ஆசிரியப்பற்றாக்குறைகளை அனைத்து மட்ட பாடசாலைகளிலும் நிவர்த்தி செய்தல்.

தேசிய பல்கலைக்கழகங்களில் ஆராய்ச்சி வசதிகளுக்கென நிதியுதவி.

உள்நாட்டு பால்மாவின் விலை 100 ரூபாவினால் குறைக்கப்படவுள்ளதுடன், யோகட் ஒன்றின் விலை 3 ரூபாவால் குறைக்கப்படவுள்ளது.

நாட்டிலுள்ள ஒவ்வொரு தனி மனிதரும் முழு மருத்துவ பரிசோதனை செய்ய வேண்டுமெனவும் அதற்கென 500 மில்லியன் ரூபா ஒதுக்கப்பட்டுள்ளது.

பெண்கள் சிறுவர்கள் மீன்பிடி சமுதாயத்தினரின் வாழ்க்கைத்தரத்தினை உயர்த்தும் வகையில் விசேட நிகழ்ச்சித்திட்டங்கள்.

சிறுநீரக பாதிப்புக்குள்ளான குடும்பத்தினருக்கு மாதாந்தம் 3000 ரூபா வழங்க தீர்மானம்.

முன்பள்ளி ஆசிரியர்களுக்கு 2500 ரூபாவும் ஆயுள்வேத வைத்தியர்களுக்கு 5000 ரூபாவும் வழங்க தீர்மானம்.

விவசாயிகளுக்கான விதைப்பயிர்கள் இலவசமாக வழங்கப்படவுள்ளதுடன், அறுவடை செய்யப்பட்ட பயிர்களின் விலை ஒரு கிலோ கிராம் 34 ரூபாவிலிருந்து 40 ரூபாவாக அதிகரிக்கப்படவுள்ளது.

ஆடைத்தொழிற்சாலையில் தொழில்புரிவோருக்கு ஓய்வூதியத்திட்டமும் நடைமுறைப்படுத்தப்படவுள்ளது.

விவசாயிகளுக்கான பசளை மானியம் ரூபா 350 ஆக மேலும் தொடரப்படும்

 

வாகன இறக்குமதியாளர்களுக்கு விசேட வரி முறைமை!

வாகன இறக்குமதியாளர்களுக்கென விசேட வரி முறைமை ஒன்று அறிமுகப்படுத்தப்பட்டுள்ளது. ஏற்கனவே இருந்த வரிமுறைமையிலிருந்து இறக்குமதியாளர்களின் நன்மை கருதி குறைந்த வரி அமுல்படுத்தப்பட்டுள்ளது. அத்துடன் கசினோ நுழைவுக்கு வரியாக 100 அமெரிக்க டொலர்கள் அறிமுகப்படுத்தப்பட்டுள்ளது.

2020 ஆம் ஆண்டளவில் தனியாள் வருமானம் $7500! 

2020 ஆம் ஆண்டளவில் இலங்கை நாட்டின் தனியாள் ஒருவரின் வருமானம் 7500 அமெரிக்க டொலர்களை விட அதிகரிக்ககூடுமென ஜனாதிபதி தெரிவித்துள்ளார்.

பாராளுமன்றத்தில் இன்று (24) 2014 ஆம் ஆண்டுக்கான வரவு செலவுத்திட்ட அறிக்கை சமர்ப்பிக்கும் போதே அவர் இவ்வாறு தெரிவித்துள்ளார்.

5:51 PM