எபோலாவினால் சுமார் 5,000 பேர் உயிரிழப்பு - உலக சுகாதார நிறுவனம் -

மேற்கு ஆபிரிக்காவில் வேகமாகப் பரவி வரும் எபோலா நோயினால் இதுவரை 9936  பேர் பாதிக்கப்பட்டுள்ளனர் எனவும் அவர்களுள் 4877 உயிரிழப்புக்கள் சம்பவித்துள்ளன என்றும் உலக சுகாதர நிறுவனம் நேற்று முந்தினம் (22) தெரிவித்துள்ளது.

எபோலா தாக்கங்களும் அவற்றுக்குரிய தீர்வுகள் தொடர்பாகவும் உலக சுகாதார நிறுவனத்தின் ஏற்பாட்டில் இடம்பெற்ற 3 ஆவது ஆலோசனைக் கூட்டத்தொடரிலேயே  இவ்வாறு தெரிவித்துள்ளனர்.

ஆபிரிக்காவில் உள்ள லைபீரியா, கினியா, சியாராலியோன் ஆகிய நாடுகளில் எபோலா நோய் பரவி வருகிறது. நோயை கட்டுப்படுத்த முடியாத அளவுக்கு நிலைமை மோசமாக சென்றுள்ளது. மேலும் இக்கூட்டத்தொடரில் ஏற்படுத்தப்படவேண்டிய முன்னெச்சரிக்கை நடவடிக்கைகள் தொடர்பாகவும் கலந்துரையாடப்பட்டது.

நோய் தாக்கிய நாடுகளில் இருந்து வெளிநாடுகளுக்கு பரவாமல் தடுக்க முன்னெச்சரிக்கை நடவடிக்கைகளை மேலும் அதிகப்படுத்துவது என்று முடிவெடுக்கப்பட்டது. இவ்வகையில் இந்த 3 நாடுகளிலும் 5 சர்வதேச விமான நிலையம் உள்ளன. அங்கிருந்து செல்லும் அனைத்து பயணிகளையும் கடுமையான சோதனைக்கு பிறகு வெளிநாடுகளுக்கு பயணம் செய்ய அனுமதிப்பது, மேலும் அந்த நாடுகளில் இருந்து வரும் அனைத்து பயணிகளும் கடுமையான மருத்துவ பரிசோதனைக்கு உள்ளாக்கப்படுவது சிறந்தது.

எபோலா நோயை கட்டுப்படுத்தும் புதிய மருந்து ஒன்று கனடா மருத்துவ விஞ்ஞானிகள் உருவாக்கியுள்ளனர். அந்த மருந்தை உடனடியாக பயன்படுத்துவது தொடர்பாக விரிவான ஆய்வு நடத்தவும் முடிவு செய்யப்பட்டது.

3:14 PM