எம்.வை.அமீர் எம்.ஐ.சம்சுதீன்: ஸ்ரீ லங்கா முஸ்லிம் காங்கிரசின் ஸ்தாபக தலைவரும் முன்னாள் அமைச்சருமான மறைந்த மர்ஹூம் எம்.எச்.எம்.அஷ்ரபின் 66வது பிறந்த தினத்தை முன்னிட்டும் கல்முனை மாநகர முதல்வராக எம்.நிஸாம் காரியப்பர் பதவியேற்று ஒரு வருட பூர்த்தியை முன்னிட்டும் கல்முனை மாநகரசபை ஏற்பாடு செய்திருந்த நிகழ்வுகளில் சாய்ந்தமருதில் இரண்டு அங்குராப்பன நிகழ்வுகள் இடம்பெற்றன.
இதில் முதலாவதாக நீண்ட காலத்துக்கு முன்னர் தற்போதைய கல்முனைத் தொகுதியின் அபிவிருத்திக் குழுவின் தலைவரும் பாராளமன்ற உறுப்பினருமான எச் எம்.எம். ஹரீஸின் வேண்டுகோலுக்கு இணங்க தற்போதைய ஸ்ரீ லங்கா முஸ்லிம் காங்கிரசின் தலைவரும் நீதி அமைச்சருமான ரவூப் ஹக்கீமுடைய நிதி ஒதுக்கீட்டில் கட்டி முடிக்கப்பட்டு சில இழுபறிகள் காரணமாக வாசகங்கள் பொறிக்கப்படாதிருந்த வரவேற்பு வளைவு தற்போதைய கல்முனை மாநகரசபையின் உறுப்பினர் ஏ.ஏ.பஷீரினால் முன்வைக்கப்பட்ட பிரரணையைத் தொடர்ந்து கல்முனை மாநகரசபையின் முதல்வர் நிஸாம் காரியப்பருடைய ஏற்பாட்டில் மாநகரசபையின் நிதி ஒதுக்கீட்டில் புணரமைக்கப்பட்டு திறந்து வைக்கப்பட்டது.இரண்டாவது அங்குராப்பன நிகழ்வு கடந்த காலங்களில் கல்முனை மாநகரசபையில் பதவியில் இருந்த தற்போதைய கல்முனைத் தொகுதியின் அபிவிருத்திக் குழுவின் தலைவரும் பாராளமன்ற உறுப்பினருமான எச் எம்.எம். ஹரீஸ், தற்போதைய கிழக்கு மாகாணசபை உறுப்பினர் ஏ.எம்.ஜெமீல் முன்னாள் கல்முனை முதல்வர் சிராஸ் மீராசாஹிப் போன்றவர்களால் திட்டமிடப்பட்டு தற்போதைய முதல்வர் நிஸாம் காரியப்பரால் பூர்த்தி செய்யப்பட்ட சாய்ந்தமருது 'தலைவர் அஷ்ரப் ஞாபகார்த்த பூங்கா' வும் திறந்து வைக்கப்பட்டது.
இந்நிகழ்வுகளுக்கு பிரதம அதிதியாக கல்முனை மாநகரமுதல்வர் நிஸாம் காரியப்பருடைய அழைப்பின் கீழ் பிரதம அதிதியாக ஸ்ரீ லங்கா முஸ்லிம் காங்கிரசின் தேசியத் தலைவரும் நீதி அமைச்சருமான ரவூப் ஹக்கீம் கலந்து திறந்து வைத்தார்.
கௌரவ அதிதிகளாக கிழக்கு மாகாணசபை உறுப்பினர்களான: ஸ்ரீ லங்கா முஸ்லிம் காங்கிரசின் கிழக்குமாகாணசபையின் உறுப்பினர்களின் குழுத்தலைவரான ஏ.எம்.ஜெமீல், மற்றும் ஏ.எல்.எம்.நசீர்,ஏ.எல்.தவம் கல்முனை மாநகரசபையின் பிரதி முதல்வர் ஏ.எல்.அப்துல் மஜீத் கல்முனை மாநகரசபையின் உறுப்பினர்களான ஏ.நசார்டீன் ஏ.எம்.பிர்தௌஸ் ஏ.பரக்கத்துல்லாஹ் போன்றோருடன் கல்முனை மாநகரசபையின் ஆணையாளர் ஜே.லியாக்கத் அலி , கல்முனை மாநகரசபையின் கணக்காளர், ஸ்ரீ லங்கா முஸ்லிம் காங்கிரசின் தேசியத் தலைவரும் நீதி அமைச்சருமான ரவூப் ஹக்கீமுடைய இணைப்பாளர் ர{ஹமத் மன்சூர், ஸ்ரீ லங்கா முஸ்லிம் காங்கிரசின் சம்மாந்துறை பிரதேச சபையின் எதிர்க்கட்சித்தலைவர் முஸ்தபா போன்றோருடன் உயர் அதிகாரிகளும் போது மக்களும் கலந்து கொண்டனர்.
0 comments:
Post a Comment