கண்விடுக்காத பூனைக்குட்டிகள் உலகை
அறியமுடியாமல் கத்திக்கொண்டிருக்கின்றன
குட்டிகளைத்தனிமையில் விட்டு இரைதேடிப்போன
தாய்ப்பூனை பசியால் வாடும் குட்டிகளுக்கு
பால்கொடுக்க இன்னும் வரவில்லை
பாவம்!.. ஒன்றுமறியா பூனைக்குட்டிகளை
கடுவன் பூனையொன்று பார்த்துக் கொண்டிருக்கின்றது.
கடுவனின் கற்பனையெல்லாம் கனவாகிவிட
காலத்தை அது கடிந்துகொண்டிருக்கிறது
பால்வற்றிப்போன தாய்ப்பூனை
கடுவனைப்பார்த்து சீறிக்கொண்டிருக்கின்றது
பூனையையும் அதன் குட்டிகளையும் பார்த்து
அண்டங்காகங்கள் தொண்டைகிழியக் கத்துகின்றன
உலகத்தைப்பார்த்து உண்மை புரியாத
சின்னப்பூனைக்குட்டிகளெல்லாம் சீரழிவதைப்பார்த்து
காகங்கள் சங்கூதிக் கொண்டிருக்கின்றன.
0 comments:
Post a Comment