நான்காவது நாளாகவும் இஸ்ரேலை உலுக்கி வரும் பாரிய தீயை கட்டுப்படுத்த
தீயணைப்பு வீரர்கள் போராடிவரும் நிலையில், வேண்டுமென்றே தீ வைத்ததாக
சந்தேகத்தின் பேரில் 12 பேரை அந்நாட்டு பொலிஸார் கைது செய்துள்ளதாக சர்வதேச
செய்திகள் தெரிவிக்கின்றன.
இந்த தீ விபத்துக்கு பாலஸ்தீனிய ஆர்வலர்கள் காரணமாக இருக்கலாம் என்று அரசாங்கம் நம்புவதாக பிபிசி செய்தி வெளியிட்டுள்ளது.
ஹைஃபா நகரில் குறித்த தீ விபத்தினால் சுமார் 80 ஆயிரம் பேர் தங்கள் வீடுகளிலிருந்து கட்டாயமாக வெளியேறும் சூழலுக்கு தள்ளப்பட்டனர்.
ஜெரூசலத்தில் புறநகர் பகுதியில் உள்ள வீடுகளும் தீயால் பாதிக்கப்படும்
நிலையில் காணப்படுகிறது. இந்த தீ விபத்தினால் பலத்த காயம் அடைந்தோர்
குறித்து எந்த தகவலும் இதுவரை வெளியாகவில்லை. என்றாலும் பெரும்
எண்ணிக்கையிலான மக்கள் புகையை சுவாசித்ததன் காரணமாக சிகிச்சை பெற்று
வருவதாக வெளிநாட்டு செய்திகள் தெரிவிக்கின்றன.
){kind=link}
0 comments:
Post a Comment