அமைச்சர் விஜேதாஸ ராஜபக்ஷ ஊடகங்களுக்கு வெளியிட்ட கருத்து
ஒவ்வொரு தரப்பினரிடையேயும் முரண்பாடு எழுந்து வருகிறது. இதன் பிரதிபலன்
மோசமாக அமையலாம். இதன் காரணமாகவே கடந்த வாரம் நான் பாராளுமன்றத்தில்
கருத்து வெளியிட்டேன். எந்தப் பிரச்சினையையும் பேச்சு நடத்தி தீர்வு காண
முடியும். இனங்களுக்கிடையிலான அவநம்பிக்கை, சந்தேகம் காரணமாகவே
பிரச்சினைகள் ஏற்படுகின்றன.
ஒவ்வொரு தரப்பினரதும் பிரச்சினைகளை அடையாளங் கண்டு தீர்க்க வேண்டும். ஒரே
மேசையில் சகல தரப்பினரையும் அமர வைத்து பேச்சு நடத்த முடியும் பௌத்த தரப்பு
பிரச்சினைகள் இன்றைய சந்திப்பில் முன்வைக்கப்பட்டது. அடுத்த தரப்புடனும்
பேச இருக்கிறோம்.
கொள்கை ரீதியான விடயங்களே இன்று ஆராயப்பட்டன என்றார்.
ஐ. எஸ். ஐ. எஸ்.
ஐ. எஸ். ஐ. எஸ். அமைப்பில் 32 முஸ்லிம்கள் இணைந்தது குறித்து அமைச்சர்
தெரிவித்த கருத்து பற்றி இங்கு வினவப்பட்டது. இது பற்றி முஸ்லிம்
அமைச்சர்கள் விமர்சித்துள்ளது பற்றியும் இந்த விடயம் 2 வருடங்களுக்கு
முன்னர் நடந்தது என்பது பற்றியும் வினவப்பட்டது.
இதற்குப் பதிலளித்த அவர்,
இது சில காலத்திற்கு முன்னரே நடந்தது. அதில் ஒருவர் உயிரிழந்தார். ஆனால் பல
நூறு பேர் ஐ. எஸ். ஐ. எஸ்.ஸில் இணைந்ததாக தவறான கருத்து பரவலாம். அதனாலே
மக்களை அறிவூட்டுவதற்காக இந்த விடயத்தை வெளியிட்டேன். இவ்வாறான விடயங்களை
வெளிப்படையாக பேசாததாலே பிரச்சினை எழுகிறது. பிக்குமாருடனான பேச்சில்
நிபந்தனை எதுவும் முன்வைக்கப்படவில்லை என்று தெரிவித்த அமைச்சர்
வெறுக்கத்தக்க பேச்சுக்கு எதிரான சட்டம் குறித்தும் கருத்துத்
தெரிவித்தார்.
குற்றவியல் சட்டக் கோவையில் உள்ள பிரிவின்படி இதற்கு எதிராக நடவடிக்கை எடுக்க முடியும்.
சர்வதேச தரத்திற்கு இது தொடர்பிலான சட்டம் தயாரிக்க மனித உரிமை தொடர்பான சர்வதேச அமைப்புகள் கோரியிருந்தன.
இதன்படி, சட்டமூலம் தயாரிக்கப்பட்டு பாராளுமன்றத்தில் சமர்ப்பிக்கப்பட்டது.
ஆனால் இதனை கோரிய தரப்பினரும் தமிழ் முஸ்லிம் எம்.பி.களும் இதற்கு ஆதரவு
தெரிவிக்கவில்லை. இது தேவையில்லை என கூறியிருந்ததால் அதனை ஒதுக்கிக்கொள்ள
நேரிட்டது என்றார்.
இந்த சந்திப்பில் அக்மீமன தயாரத்ன தேரர், மாகல்கந்தே சுதந்த தேரர் ஆகியேரும் கலந்து கொண்டனர்.
0 comments:
Post a Comment