ஜேசுபிரான் உயிர்த்தெழுந்து நாளில் உயிர்களை பறித்த மிலேச்சதனமாக குண்டு தாக்குதலை நான் வண்மையாக கண்டிக்கின்றேன். உண்மையாகவே வணக்கஸ்தலத்தில் இந்த தாக்குதல் நடாத்தப்பட்டமை கவலைக்குறியதும் வேதனைக்குறியதுமாகும். இந்நிலையில் இந்த தாக்குதல்களில் உயிர் இறந்தவர்களின் குடும்பத்தாருக்கு எனது ஆழ்ந்த அனுதாபங்களை தெரிவித்துக் கொள்கின்றேன். காயம் அடைந்தவர்கள் கூடிய விரைவில் சுகமடைந்து வீடுகளுக்கு செல்ல இறைவனிடம் பிராத்திக்கின்றேன் என்று கூறுகின்றார் பெருந்தோட்ட கைத்தொழில் இராஜாங்க அமைச்சர் வடிவேல் சுரேஸ் அவர்கள்
இன்று (21) நாட்டில் மூன்று வணக்கஸத்தங்களிலும் மூன்று ஹோட்டல்களிலும் குண்டு தாக்குதல்கள் மேற்க கொள்ளப்பட்டு பாதிப்புக்கு உள்ளாகி பலர் இறந்தும் பலர் காயங்களுக்கும் உள்ளாகி வைத்தியசாலைகளில் சிகிச்கை பெற்று வருகின்றனர். இந்த விடயம் தொடர்பில் துருக்கியில் நடைபெரும் 06 வது சர்வதேச தொழிலாளர் உச்சி மகா நாட்டிற்கு சென்றிருக்கும் இராஜாங்க அமைச்சர் அங்கிருந்து ஊடகங்களுக்கு விடுத்துள்ள ஊடக அறி;க்கையிலேயே இவ்வாறு தெரிவித்து உள்ளார்.
தொடர்ந்து அவரது ஊடக அறிக்கையில்
இந்த நாட்டில் 30 வருட கொடூர யுத்தம் நடைபெற்று அவை நிறைவுக்கு கொண்டு வரப்பட்டு சுமூகமான வாழ்கையையும் சுபீட்சமான நாட்டையும் அனுபவித்து வரும் இவ்வேலையில் இவ்வாறான செற்பாடுகள் கண்டிக்கதக்கது. அதற்கு வணக்கஸ்தலங்களை தெரிவு செய்தது மேலும் கண்டிக்கதக்கது. நாட்டில் நல்லாட்சியையும் சுபீட்சமும் நிலவுவதை பொறுக்க முடியாதவர்கள் இவ்வாறான செயற்பாடுகளில் ஈடுபட்டிருப்பது வேதனைக்குறிது. இன்று உயிர் இறந்தவர்களின் குடும்பங்களின் நிலை எப்படி இருக்கும் அவர்களின் பிள்ளைகளின் எதிர்காலம் கேள்விகுறியை நோக்கி செல்கின்றது. இது தங்களது குடும்பங்களில் நடந்து இருந்திருந்தால் எப்படி இருந்திருக்கும் என்பதை எல்லாம் இந்த செயற்பாடுகளுக்கு காரணமாக இருந்தவர்கள் ஒரு நிமிடம் சிந்தித்து பார்க்க வேண்டும். எது எவ்வாறாயினும் பொது மக்களை பணயம் வைத்து செயற்படும் இவ்வாறான செயற்பாட்டை நான் வன்மையாக கண்டிக்கின்றேன் என்று கூறினார்.
0 comments:
Post a Comment