பாதுகாப்புச் சபைக் கூட்டத்திற்கு முன்னாள் பிரதமர் ரணில் விக்ரமசிங்க வருவதை முன்னாள் ஜனாதிபதி மைத்திரிபால சிறிசேன விரும்பவில்லை என முன்னாள் பாதுகாப்பு ராஜாங்க அமைச்சர் ருவான் விஜேவர்தன (Ruwan Wijewardana) தெரிவித்துள்ளார்.
2018 ஆம் ஆண்டு டிசம்பர் 20 ஆம் திகதிக்கு பின்னர் நடத்தப்பட்ட பாதுகாப்புச் சபைக் கூட்டங்களுக்கு என்னையோ, முன்னாள் பிரதமர் ரணில் விக்ரமசிங்கவையோ அழைக்கவில்லை.
இது சம்பந்தமாக அப்போது பாதுகாப்புச் செயலாளராக இருந்த ஹேமசிறி பெர்னாண்டோவிடம் விசாரித்த போது, எம்மை அழைப்பதை முன்னாள் ஜனாதிபதி விரும்பவில்லை என கூறினார்.
ஈஸ்டர் தாக்குதலுக்கு முன்னர் அப்படி தாக்குதல் நடக்க போகிறது என்ற தகவல் எனக்கு கிடைக்கவில்லை. அந்த காலத்தில் பாதுகாப்பு ராஜாங்க அமைச்சர் பதவியில் பணியாற்றவும் இடமளிக்கப்படவில்லை.
ஈஸ்டர் ஞாயிறு தாக்குதல் நடக்கும் போது நாட்டின் ஜனாதிபதியாக மைத்திரிபால சிறிசேன பதவி வகித்தார். அந்த சம்பவம் நடந்த நேரத்தில் நாட்டில் அவசரகால சட்டம் அமுலில் இருக்கவில்லை.
இதனால், இராணுவத்தினரை அழைக்கும் கட்டளை வழங்கும் அதிகாரம் ஜனாதிபதிக்கே இருந்தது. பாதுகாப்புச் செயலாளருக்கு அந்த அதிகாரம் இருக்கவில்லை எனவும் ருவான் விஜேவர்தன குறிப்பிட்டுள்ளார்.
0 comments:
Post a Comment