"ஈரானுக்கு எதிரான போர் நடந்து கொண்டிருக்கும் வேளையில்", பாகிஸ்தான் தனது அதிர்ச்சியூட்டும் நடவடிக்கை, நேரடி விமானத் தாக்குதல். கொதிக்கும் தாலிபான் அரசு..!!

 "ஈரானுக்கு எதிரான போர் நடந்து கொண்டிருக்கும் வேளையில்", பாகிஸ்தான் தனது அதிர்ச்சியூட்டும் நடவடிக்கை, நேரடி விமானத் தாக்குதல். கொதிக்கும் தாலிபான் அரசு..!!

Middle East -ஈரான்-அமெரிக்கா மோதல் மற்றும் உக்ரைன் போர் ஒருபுறம் தீவிரமடைந்துள்ள நிலையில், தற்போது பாகிஸ்தான் மற்றும் ஆப்கானிஸ்தான் இடையே மூன்றாவது உலகப்போர் போன்ற சூழல் உருவாகியுள்ளது.
புனித ரமலான் மாதத்தின் கடைசி நாட்களில், ஈத் பண்டிகை நெருங்கி வரும் வேளையில், ஆப்கானிஸ்தானின் காபூல், காந்தஹார், பாக்தியா மற்றும் பாக்டிகா உள்ளிட்ட பல்வேறு நகரங்கள் மீது பாகிஸ்தான் போர் விமானங்கள் இன்று (மார்ச் 13, 2026) அதிகாலை பயங்கர வான்வழித் தாக்குதலை நடத்தியுள்ளன.
குடியிருப்புப் பகுதிகளைக் குறிவைத்து நடத்தப்பட்ட இந்தத் தாக்குதலில் ஏராளமான வீடுகள் தரைமட்டமானதோடு, அப்பாவிப் பெண்கள் மற்றும் குழந்தைகள் உயிரிழந்துள்ளதாகத் தாலிபான் அதிகாரிகள் அதிர்ச்சியூட்டும் தகவலை வெளியிட்டுள்ளனர். தங்களின் இறையாண்மையை மீறி பாகிஸ்தான் நடத்தியுள்ள இந்தத் தாக்குதல் ஒரு "கொடூரமான ஆக்கிரமிப்பு" எனத் தாலிபான் அரசாங்கம் சாடியுள்ளது.
பாகிஸ்தானின் இந்தத் தாக்குதலுக்குப் பதிலடி கொடுக்கும் வகையில், எல்லையில் உள்ள பாகிஸ்தான் ராணுவ நிலைகளைத் தாலிபான்கள் குறிவைத்துத் தாக்கத் தொடங்கியுள்ளனர். "இந்தக் கொடூரமான குற்றத்திற்குப் பழிவாங்கும் வரை தாலிபான் படைகள் அமைதியாக இருக்காது" என ஆப்கானிஸ்தான் பகிரங்கமாக எச்சரித்துள்ளது.
முன்னதாக, ஆப்கானிஸ்தானில் உள்ள பயங்கரவாதத் தளங்களை அழிப்பதாகக் கூறி பாகிஸ்தான் நடத்திய தாக்குதலுக்குப் பதிலடியாக, தாலிபான்கள் பாகிஸ்தான் எல்லைக்குள் புகுந்து நடத்திய தாக்குதலில் பல பாகிஸ்தான் வீரர்கள் கொல்லப்பட்டனர். தற்போது இரு நாடுகளுக்கும் இடையே முழு அளவிலான போர் மூளும் அபாயம் ஏற்பட்டுள்ளதால், ஆசிய பிராந்தியத்தில் பெரும் பதற்றம் நிலவுகிறது. குறிப்பாக ரமலான் காலத்தில் நிகழும் இந்த வான்வழித் தாக்குதல்கள் சர்வதேச சமூகத்தின் மத்தியிலும் பலத்த கண்டனங்களைப் பெற்றுள்ளன.

3:31 PM