மகளுடன் தகராறு : தாய் தீக்குளிப்பு அக்கரைப்பற்றில் சம்பவம்

அக்கரைப்பற்று  பிரதேசத்தில்  தனக்கு தானே தீயிட்டு தற்கொலை செய்ய முற்பட்ட வயோதிபப் பெண் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளதாக அக்கரைப்பற்று பொலிஸார் தெரிவித்தனர்.

அக்கரைப்பற்று  8ஆம் பிரிவு  மாயழகு வீதியைச் சேர்ந்த வயோதிபப் பெண்ணே இவ்வாறு தனக்குத் தானே தீ மூட்டிக் கொண்டுள்ளார்.

தாயாருக்கும் அவரின் மகளுக்குமிடையே ஏற்பட்ட வாய் தர்க்கத்தையடுத்து வீட்டின் முற்றத்தில் வைத்து தனக்கு தானே மண்ணெண்ணெய் ஊற்றி தீயிட்டுக்கொண்டுள்ளார்.

இதனையடுத்து அயலவர்கள் தீயை அணைத்து படுகாயமடைந்த நிலையில் அவரை அக்கரைப்பற்று ஆதார வைத்திய சாலையில் சிகிச்சைக்காக அனுமதித்தனர்.

இது தொடர்பான மேலதிக விசாரணைகளை அக்கரைப்பற்று பொலிஸார் மேற்கொண்டு வருகின்றனர்.

11:45 PM