இந்தியத் தலைநகர் தில்லியில் மாணவி ஒருவரை பேருந்தில்
வைத்து கூட்டாக பாலியல் வன்புணர்ச்சிக்கு உட்படுத்திக் கொன்றமைக்காக மரண
தண்டனை விதிக்கப்பட்டவர்கள் நான்கு பேர், தம் மீதான தீர்ப்பை எதிர்த்து
மேன்முறையீடு செய்துள்ளனர்.
மேன்முறையீட்டு வழக்கின் ஆரம்ப விசாரணைக்காக
தில்லியின் உயர்நீதிமன்ற வளாகத்துக்குள் பொலிசார் சூழ இவர்கள்
அழைத்துவரப்பட்டபோது, அங்கு பாதுகாப்பு படைகளும், ஊடகத்தாரும்,
ஆத்திரம்
மிக்க ஆர்ப்பாட்டக்காரர்களுமாக பெருங்கூட்டம் கூடியிருந்தது.
மேன்முறையீட்டு வழக்கில் வாதப் பிரதிவாதங்களைக் கேட்கவும், தடயங்களை மறு-ஆய்வு செய்யவும் உயர்நீதிமன்றத்தில் மாதக் கணக்கில் ஆகலாம்.
கடந்த டிசம்பர் மாதம் மாணவி மீது நடத்தப்பட இந்தக் கொடூரத் தாக்குதலானது நாடெங்கிலும் பெரும் உணர்வலைகளைத் தூண்டியிருந்தது.
பெண்களுக்கு எதிராக நடக்கும் பாலியல் தாக்குதலைக் கண்டித்து இந்தியாவில் பெரும் ஆர்ப்பாட்டங்கள் நடந்திருந்தன.
0 comments:
Post a Comment