• Latest News

    October 30, 2013

    மத ஸ்ரீ லங்கா' கழகங்களின் ஒன்று கூடலும், ஹஜ் பெருநாள் கொண்டாட்ட விழாவும்

    ஏ.எல்.ஏ.றபீக் பிர்தௌஸ் ;
     மஹிந்த சிந்தனை வேலைத் திட்டத்தின் கீழ் கல்முனை வலயப் பாடசாலைகளில் உருவாக்கப் பட்டுள்ள 'மத ஸ்ரீ லங்கா' கழகங்களின் ஒன்று கூடலும், ஹஜ் பெருநாள் கொண்டாட்ட விழாவும்  நிந்தவூர் அல்-அஸ்றக் தேசிய கல்லூரியில் நடைபெற்றது.

    கல்லூரி அதிபர் எஸ்.ஏ.எஸ்.எம்.சம்சுதீன் மௌலானா தலைமையில் நடைபெற்ற இவ்விழாவில் கல்முனை வலயக் கல்விப் பணிப்பாளர் யூ.எல்.எம்.ஹாஸீம் பிரதம அதிதியாகக் கலந்து கொண்டார்.
    கல்முனை வலயத்திலுள்ள 15 பாடசாலைகளின் மத ஸ்ரீ லங்கா கழகங்களின் மாணவர்களும், ஆசிரியர்களும் இவ்விழாவில் கலந்து கொண்டு ஐக்கியம், சமத்துவம், சகோதரத்துவம் போன்றவற்றை வலியுறுத்தினர்.

    காரைதீவு சன்முகா மகா வித்தியாலய இந்து மாணவர்களும், கல்முனை கார்மல் பத்திமா கல்லூரி கிறிஸ்தவ மாணவர்களும், கல்முனை சிங்கள மகா வித்தியாலய பௌத்த மாணவர்களும் இதில் கலந்து கொண்டு, ஹஜ் பெருநாள் விழாவைக் கொண்டாடி மகிழ்ந்தனர்.

    மாணவர்களின் கலை,கலாச்சார நிகழ்ச்சிகளும் சிறப்பாய் இடம் பெற்றன.

    வலயக் கல்விப் பணிப்பாளர் யூ.எல்.எம்.ஹாஸீம் இங்கு கருத்துத் தெரிவிக்கையில் 'அதிமேதகு ஜனாதிபதி மஹிந்த ராஜபக்ச அவர்களின் மஹிந்த சிந்தனை வேலைத் திட்டத்தின் கீழ் உருவாக்கப்பட்ட இந்த மத ஸ்ரீ சிறி லங்கா அமைப்பானது கல்முனை வலயத்தில் மிக வெற்றிகரமாக செயற்படுத்தப்படுவதையிட்டு நான் புழகாங்கிதமடைகிறேன். இதன்மூலம் மாணவர்கள் மத்தியில்,; நல்லெண்ண முயற்சிகளை உருவாக்கவும், இனங்களுக்கிடையில் மனிதாபிமானத் தொடர்புகளை அதிகரித்துக் கொள்ளவும், எதிர்காலத்தில் யுத்தமில்லாத அமைதிச்சூழலை உருவாக்கவும் முடியும்.' எனத் தெரிவித்தார்.





    • Blogger Comments
    • Facebook Comments

    0 comments:

    Post a Comment

    Item Reviewed: மத ஸ்ரீ லங்கா' கழகங்களின் ஒன்று கூடலும், ஹஜ் பெருநாள் கொண்டாட்ட விழாவும் Rating: 5 Reviewed By: murasunews
    Scroll to Top