நிந்தவூரின் கல்வி வளர்ச்சிக்கு அரசியல் தலையீடுகளே முட்டுக்கடையாக உள்ளது ; கிழக்கு மாகாண சபையின் உறுப்பினர் ஆரிப் சம்சுதீன்

நிந்தவூர்;

கல்வியில் அரசியல் தலையீடுகள் இல்லாவிட்டால்தான் நிந்தவூரின் கல்வியில் வளர்ச்சியினைக் காணலாம். புhடசாலைகளின் அனைத்து நடவடிக்கைகளிலும் அரசியல் தலையீடுகள் இருந்து கொண்டிருப்பதனால்தான் நாம் கல்வியில் மற்றக் பிரதேசங்களைப் போன்று கல்வியில் முன்னேற முடியாதுள்ளது.
இன்று மாலை நிந்தவூர் அல் - மஸ்ஹர் பெண்கள் உயர்தரப் பாடசாலையில் யூ.எல்.சாஜித் ஆசிரியர் தலைமையில் தரம் ஐந்து புலமைப்பரிசு பரீட்சையில் நூற்றுக்கும் அதிகமான புள்ளிகளைப் பெற்ற மாணவர்களை பாராட்டிக் கௌரவிக்கப்பட்டார்கள். இவ்வைபவத்தில் பிரதம அதிதியாகக் கலந்து கொண்டு உரையாற்றிய  கிழக்கு மாகாண சபையின் உறுப்பினர் ஆரிப் சம்சுதீன் மேற்கண்டவாறு தெரிவித்தார்.
அவர் தொடர்ந்து உரையாற்றுகையில்,

இந்த ஊரின் அபிவிருத்திகளை எங்களால் செய்ய முடியாதுள்ளதென்று இங்குள்ள பாராளுமன்ற உறுப்பினர்கள் சொல்லிக் கொண்டிருக்கின்றார்கள். இவ்வாறு சொல்லுவதற்கு இவர்களுக்கு வெட்கமில்லையா என்று கேட்கின்றேன்.

நிந்தவூரில் கல்வியை அபிவிருத்தி செய்ய வேண்டுமென்று பேசுகின்றார்கள். ஆனால், கல்வியில் அரசியல் தலையீடுகள் காணப்படுகின்றன. ஒரு பாடசாலைக்கு அதிபரை நியமிப்பதாக இருந்தாலும் அவர் எங்கள் கட்சியைச் சேர்ந்தவரா என்றுதான் பார்க்கின்றார்கள். அவரால் பாடசாலையை திறம்பட நடத்த முடியுமா என்று பார்ப்பதில்லை. பாடசாலை தரத்திற்கும், நிலைமைக்கும் ஏற்ப அதிபர்கள் நியமிக்கப்பட வேண்டும்.

கல்வி அபிவிருத்தி குழுவொன்றினை ஏற்படுத்தியுள்ளதாகவும், அதன் மூலமாக நிந்தவூரின் கல்வியை அபிவிருத்தி செய்ய இருப்பதாகவும் கூறுகின்றார்கள். அதிலும் அரசிலையே செய்கின்றார்கள். இப்படிச் சிந்தித்தால் நிந்தவூரின் கல்வியை உயர்த்த முடியாது. கட்சி பேதங்களை மறந்து ஊரின் அபிவருத்தி, ஊரின் கல்வி என்ற பொதுச் சிந்தனையின் அடிப்படையில் ஒற்றுமையுடன் செயற்பட்டால் மட்டுமே நிந்தவூரின் கல்வியை வளர்ச்சியடையச் செய்ய முடியும்.

எமதூரில் பத்து வருடங்களாக இரண்டு பாராளுமன்ற உறுப்பினர்கள் இருக்கின்றார்கள். அவர்கள் தங்களினால் அபிவிருத்திகளை செய்ய முடியாதென்று கூறுகின்றார்கள். அப்படியானால் அவர்கள் என்ன செய்து கொண்டிருக்கின்றார்கள் என்று கேட்கின்றேன்.

யாராக இருந்தாலும் ஊருக்கு தேவையானவற்றைப் பெற்றுக் கொள்ள வேண்டும். கட்சி பேதங்களை பார்த்துக் கொண்டிருந்தால் ஒரு போதும் எங்களினால் எந்தத் துறையிலும் வெற்றி பெற முடியாது.

இங்கு பேசியவர்கள் மருதமுனையின் கல்வி வளர்ச்சியையும், அக்கரைப்பற்றின் கல்;வி வளர்ச்சியையும், காத்தான்குடி கல்வியில் முன்னேறிக் கொண்டிருப்பதனையும் சுட்டிக் காட்டினார்கள். ஆனால், இங்கெல்லாம் கல்வி முன்னேற்றமடைந்து கொண்டு செல்வதற்கும், எங்களின் கல்வி பின்னோக்கிச் செல்வதற்கும் என்ன காரணமென்று எண்ணிப் பார்க்க வேண்டும்.

காத்தான்குடியில் ஒரு நல்ல அரசியல் தலைமைத்துவம் இருக்கின்றது. இதே போன்று அக்கரைப்பற்றிலும் ஒரு சிறந்த அரசியல் தலைமைத்துவம் இருக்கின்றது. இத்தலைமைத்துவங்கள் அந்த ஊர்களின் கல்வி வளர்ச்சிக்கு வேண்டிய அபிவிருத்திகளையும், வழி காட்டுதல்களையும் துறைசார்ந்தவர்களின் உதவிகளைக் கொண்டு செய்து கொண்டிருக்கின்றன.

மருதமுனையில் கல்வி கற்றவர்கள் ஒரு குழுவாக அரசியலுக்கு அப்பால், ஊரின் கல்வி அபிவிருத்தி என்ற சிந்தனையுடன் செயற்பட்டுக் கொண்டிருக்கின்றார்கள். இதனால் கல்வியில் முன்னேறிக் கொண்டிருக்கின்றார்கள்.

ஆனால், எங்கள் ஊரில் உள்ள அரசியல் தலைமைத்துவங்கள் என்ன செய்து கொண்டிருக்கின்றன என்று உங்களுக்கு தெளிவாகத் தெரியும். ஏதனை எடுத்துக் கொண்டாலும் குழுக்களை அமைத்துக் கொள்கின்றார்கள். எல்லா குழுக்களிலும் அவர்களைச் சூழ உள்ளவர்களையே நியமித்துக் கொண்டிருக்கின்றார்கள்.

நிந்தவூர் அல்- மஸ்ஹர் பெண் உயர்தரப் பாடசாலையில் இன்னமும் விஞ்ஞானப் பிரிவு ஆரம்பிக்கப்படவில்லை. இதனால், விஞ்ஞானக் கல்வியில் ஒரு போட்டித் தன்மையை காண முடியாதுள்ளது.

இவற்றை எல்லாம் மாற்றி அமைக்க வேண்டும். அதற்கு எங்களிடையே இருக்கின்ற அரசியல் வேறுபாடுகனை மறக்க வேண்டும். ஊரின் அபிவிருத்திக்கு எங்களால் முடிந்த அனைத்து உதவிகளையும் செய்வதற்கு தயாரா இருக்கின்றோம்.

தரம் ஐந்து புலமைப் பரிசில் பரீட்சையில் நூற்றுக்கும் மேற்பட்ட பிள்ளைகளை அழைத்து அவர்களை பாராட்டிக் கொண்டிருக்கும் சாஜித் ஆசிரியருக்கு எனது நன்றிகளை தெரிவித்துக் கொள்கின்றேன்.

7:00 PM