கிழக்கு மாகாண சபையின் புதிய உறுப்பினராக சட்டத்தரணி முஹம்மட் லாஹிர் ஜெய்னுதீன் சத்தியப்பிரமாணம்

மூதூர் முறாசில்: கிழக்கு மாகாண சபை உறுப்பினராக மூதூரைச் சேர்ந்த சட்டத்தரணி முஹம்மட் லாஹிர் ஜெய்னுதீன் இன்று வெள்ளிக் கிழமை காலை கிழக்கு மாகாண ஆளுநர் மொஹான் விஜய விக்ரம முன்னிலையில்

சத்தியப்பிரமாணம் செய்துள்ளார்.

ஆளுநர் அலுவலகத்தில் இடம்பெற்ற இந்நிகழ்வில் முதலமைச்சர் நஜீப் அப்துல் மஜீத், திருகோணமலை மாவட்ட பாராளுமன்ற உறுப்பினர் எம்.எஸ்.தௌபீக், மாகாண வீதி அபிவிருத்தி அமைச்சர் எம்.எஸ்.உதுமான்லெப்பை, சுகாதார அமைச்சர் எம்.ஐ.எம்.மன்சூர், தவிசாளர் டபிள்யூ.ஜி.எம்.ஆரியவதி கலபதி,மூதூர் பிரதேச சபை தவிசாளர் ஏ.எம்.ஹரீஸ், ஆளுநரின் செயலாளர் கே.சிவானந்தன் உள்ளிட்ட பலர் கலந்து கொண்டனர்.

இதேவேளை,சத்தியப் பிரமாண நிகழ்வை முன்னிட்டு மூதூர் அக்கரைச் சேனை பெரிய பள்ளிவாசலில் மூதூர் பிரதேச சபை தவிசாளர் ஏ.எம்.ஹரீஸ் தலைமையில் விசேட துஆப் பிரார்த்தனை இடம்பெற்றது. இந்நிகழ்வில் மூதூர் நத்வதுல் உலமா அரபுக் கல்லூரி அதிபரும் மஸ்லிஸ் அஸ்சூரா அமைப்பின் தலைவருமான அஷெய்க் எம்.எம்.கரீம் நத்விää மூதூர் பள்ளிவாசல்கள் சம்மேளன தலைவர் வீ.எம்;.காலிதீன் உள்ளிட்ட பலர் கலந்து கொண்டனர்.