அவுஸ்திரேலியாவுக்கு எதிரான 2வது டெஸ்ட் போட்டியின் முதல் நாள் ஆட்டத்தை பாகிஸ்தான் அணி சிறப்பாக தொடங்கியது.
பாகிஸ்தான்- அவுஸ்திரேலியா கிரிக்கெட் அணிகள் இடையிலான 2வது மற்றும் கடைசி டெஸ்ட் போட்டி அபுதாபியில் நேற்று தொடங்கியது.
நாணய சுழற்சியில் வென்று முதலில் துடுப்பெடுத்தாடிய பாகிஸ்தான் அணிக்கு தொடக்க ஆட்டக்காரர்கள் அகமது ஷேசாத்தும் (35 ஓட்டங்கள்), முகமது ஹபீசும் (43 ஓட்டங்கள்) நிதானமாக விளையாடி சிறப்பான தொடக்கத்தை ஏற்படுத்தித் தந்தனர்.
இதன் பின்னர் அசார் அலியும், யூனிஸ்கானும் ஜோடி சேர்ந்து அணிக்கு வலுவூட்டினர். நங்கூரம் போல் நிலைகொண்டு ஆடிய இவர்களை அசைக்க முடியாமல் அவுஸ்திரேலிய பந்துவீச்சாளர்கள் திணறினர்.
அந்த அணியின் அணித்தலைவர் மைக்கேல் கிளார்க் 8 பந்துவீச்சாளர்களை பந்து வீச வைத்து பார்த்தும், இந்த கூட்டணியை உடைக்க முடியவில்லை.
அசத்தலாக விளையாடிய யூனிஸ்கான் தனது 27வது சதத்தையும், அசார் அலி 6வது சதத்தையும் பதிவு செய்தனர். யூனிஸ் கான் தொடர்ந்து மூன்று முறை சதம் விளாசி புதிய சாதனையை படைத்துள்ளார்.
முதல் நாள் ஆட்ட நேர முடிவில் பாகிஸ்தான் அணி முதல் இன்னிங்ஸில் 88 ஓவர்களில் 2 விக்கெட்டுக்கு 304 ஓட்டங்கள் சேர்த்துள்ளது.
யூனிஸ்கான் 111 ஓட்டங்களுடனும் (155 பந்து, 10 பவுண்டரி, ஒரு சிக்சர்), அசார் அலி 101 ஓட்டங்களுடனு (223 பந்து, 6 பவுண்டரி) ஆட்டமிழக்காமல் இருக்கிறார்கள்.
பாகிஸ்தானுக்கு எதிராக 20 ஆண்டுகளாக டெஸ்ட் தொடரை இழந்ததில்லை என்ற பெருமையை தக்க வைக்க கட்டாயம் வென்றாக வேண்டும் என்ற நெருக்கடியில் அவுஸ்திரேலிய அணி தவித்து வருகிறது.
இதற்காக அலெக்ஸ் டூலன், ஸ்டீவ் ஒ கீபே நீக்கப்பட்டு அவர்களுக்கு பதிலாக கிளைன் மேக்ஸ்வெல், மிட்செல் ஸ்டார்க் அணியில் சேர்க்கப்பட்டனர்.
ஆனால் முதல் டெஸ்ட் போட்டியில் வெற்றி பெற்ற பாகிஸ்தான் அணியில் எந்த மாற்றமும் செய்யவில்லை. இந்நிலையில் 2வது நாள் ஆட்டம் இன்று நடக்கிறது.
பாகிஸ்தான்- அவுஸ்திரேலியா கிரிக்கெட் அணிகள் இடையிலான 2வது மற்றும் கடைசி டெஸ்ட் போட்டி அபுதாபியில் நேற்று தொடங்கியது.
நாணய சுழற்சியில் வென்று முதலில் துடுப்பெடுத்தாடிய பாகிஸ்தான் அணிக்கு தொடக்க ஆட்டக்காரர்கள் அகமது ஷேசாத்தும் (35 ஓட்டங்கள்), முகமது ஹபீசும் (43 ஓட்டங்கள்) நிதானமாக விளையாடி சிறப்பான தொடக்கத்தை ஏற்படுத்தித் தந்தனர்.
இதன் பின்னர் அசார் அலியும், யூனிஸ்கானும் ஜோடி சேர்ந்து அணிக்கு வலுவூட்டினர். நங்கூரம் போல் நிலைகொண்டு ஆடிய இவர்களை அசைக்க முடியாமல் அவுஸ்திரேலிய பந்துவீச்சாளர்கள் திணறினர்.
அந்த அணியின் அணித்தலைவர் மைக்கேல் கிளார்க் 8 பந்துவீச்சாளர்களை பந்து வீச வைத்து பார்த்தும், இந்த கூட்டணியை உடைக்க முடியவில்லை.
அசத்தலாக விளையாடிய யூனிஸ்கான் தனது 27வது சதத்தையும், அசார் அலி 6வது சதத்தையும் பதிவு செய்தனர். யூனிஸ் கான் தொடர்ந்து மூன்று முறை சதம் விளாசி புதிய சாதனையை படைத்துள்ளார்.
முதல் நாள் ஆட்ட நேர முடிவில் பாகிஸ்தான் அணி முதல் இன்னிங்ஸில் 88 ஓவர்களில் 2 விக்கெட்டுக்கு 304 ஓட்டங்கள் சேர்த்துள்ளது.
யூனிஸ்கான் 111 ஓட்டங்களுடனும் (155 பந்து, 10 பவுண்டரி, ஒரு சிக்சர்), அசார் அலி 101 ஓட்டங்களுடனு (223 பந்து, 6 பவுண்டரி) ஆட்டமிழக்காமல் இருக்கிறார்கள்.
பாகிஸ்தானுக்கு எதிராக 20 ஆண்டுகளாக டெஸ்ட் தொடரை இழந்ததில்லை என்ற பெருமையை தக்க வைக்க கட்டாயம் வென்றாக வேண்டும் என்ற நெருக்கடியில் அவுஸ்திரேலிய அணி தவித்து வருகிறது.
இதற்காக அலெக்ஸ் டூலன், ஸ்டீவ் ஒ கீபே நீக்கப்பட்டு அவர்களுக்கு பதிலாக கிளைன் மேக்ஸ்வெல், மிட்செல் ஸ்டார்க் அணியில் சேர்க்கப்பட்டனர்.
ஆனால் முதல் டெஸ்ட் போட்டியில் வெற்றி பெற்ற பாகிஸ்தான் அணியில் எந்த மாற்றமும் செய்யவில்லை. இந்நிலையில் 2வது நாள் ஆட்டம் இன்று நடக்கிறது.




0 comments:
Post a Comment